影片
開飯介紹
於1963年創立的地道潮州飯店，以潮式打冷聞名。推介菜式包括鹵水鵝件、鹵水鵝腸，均以鎮店傳統鹵水炮製。另一特色菜是生醃螄蚶，用汕頭出產獅蚶，加上參考傳統製法而特別調配之醬料而成。
繼續閱讀
營業時間
今日營業
11:00 - 23:30
星期一至日
11:00 - 23:30
*最後落單時間: 23:00
以上資料只供參考, 請與餐廳確認詳情
相關文章
陳儀興飯店一直都好多人食，每次食都要出面等位，今次都唔例外，去到已經見到出面有唔少人等緊位。呢間餐廳以潮州菜為主打，真係有超多款式選擇，由海鮮到各種肉類都有好多選擇。———————————————🌟椒鹽鱔球 $198呢款椒鹽鱔球真係香脆得黎又入味，外皮炸到金黃香脆，一啲都唔油膩，內裡嘅鱔肉仲保持住嫩滑同鮮味，骨亦都唔多咬落去啖啖肉咁，每一啖都食得出鱔球嘅彈牙口感。配合椒鹽嘅輕微辣味，食落更加惹味。🌟鹵水鵝片 $168呢道鹵水鵝片係陳儀興嘅招牌菜，黎到一定要試。鵝片浸滿咗濃郁嘅鹵水汁，鵝肉嫩滑多汁，皮嘅部分仲帶有少少膠質感，食落口感豐富。每片鵝肉都切得剛剛好，唔會太厚或者太薄，真係一口滿足。🌟潮式金不換魚露蟶子 $78/隻呢道蟶子應該都係可遇不可求唔係日日有，每隻蟶子都係大大隻，真係超肥美又鮮甜。魚露嘅鹹香同金不換嘅獨特香氣完美融合，令到蟶子更加鮮味十足。我見其他食客仲可以用其他煮法，大家都可以先詢問有咩做法再決定，但咁靚嘅蟶子真係點整都咁好味。🌟剁椒蒸家雞 $95剁椒蒸家雞係一道非常有層次嘅菜式，剁椒嘅辣味滲入咗雞肉入面，令到每一口雞肉都又香又辣，而且雞肉嫩滑，完全冇乾柴嘅感覺。呢道菜啱哂鍾意食辣嘅朋友。🌟薑汁炒芥蘭 $78呢道薑汁炒芥蘭真係又簡單又出色，芥蘭炒得非常翠綠，口感爽脆，而且份量足夠，夠晒兩三個人分享。薑汁嘅香味同芥蘭嘅清新味道相得益彰，清淡之餘又唔失味道。🌟脆皮落湯錢 $88最後甜品時間嚟到潮州傳統甜品——脆皮落湯錢。呢款甜品係將糯米糍煎到外脆內軟，然後再沾上花生、椰絲同糖碎，入口香甜又有嚼勁，我最鍾意就係果種有少少似飯焦嘅外皮，成個食真係好有層次感。
繼續閱讀
🌈將軍澳嘅潮州舖頭 喺馬路對出 好大個招牌 容易尋找👍餐廳有大枱同埋大量四人枱 係家庭聚會嘅好選擇👶👧🧒👦1/ 食潮州嘢，咁梗係要嗌個滷水先🟫滷水鵝片無羶味，鮮味突出🤤😄而且鵝片係薄薄的，切得均勻一致，紋理亦都好細緻，肉質一啲都唔粗糙🪿2/ 椒鹽白鱔，平時都係食蒸白鱔多，第一次食炸嘅椒鹽白鱔，香口又特別😗😉淡水白鱔肥美，肉質炸完都好富有彈性，無泥腥味，點啲醬油更加惹味😉😉3/ 蠔餅亦都係食潮州嘢必點嘅🍪蠔仔嘅份量都幾大 餅亦炸得夠香夠脆 點少少魚露啱啱好🦪4/ 沙嗲牛肉炒芥蘭好大碟😉☺️牛肉鋪滿哂成個碟 沙嗲味濃郁 牛肉腍甜☺️🥩直程想叫多碗公仔麵🤣芥蘭都炒得夠香 🥦5/ 潮州蠔仔粥 嗌一碗都夠分 好大碗啲湯熱辣辣好飲 米粥有口感蠔仔鮮甜🦪🍜6/ 🍬最後叫埋個甜品 叫做脆皮落湯錢呢啲真係潮州正宗嘅小食有八大舊 🍬原來落湯錢亦都叫"膠羅錢"、"軟果"，其實即係用糯米搓成，再煎香餅面，再加上大量嘅花生🥜第一次真係食 感覺好新鮮啊！🥠甜品嚟講真係好飽肚，而且好滿足🍩
繼續閱讀
同事最近搬去將軍澳，參觀完新居後，好應該”分享”下附近有咩好嘢食。之前食過呢間就再次回頭。提供大路潮州菜式，見佢加咗D粵式菜，仲多選擇。食潮州嘢飲湯又唔一定要胡椒豬肚湯，想進一步養生，呢度有燉湯飲。問侍應今晚有咩湯款，就係呢兩款。淮山杞子燉烏鷄 ($68)蟲草花燉瘦肉 ($68)原盎上夠晒熱度，仲有埋湯料，真材實料無花假。湯唔油膩之餘，仲幾清甜，我就連D湯料都食埋。相比起滷水鵝，滷水拼盤嘅吸引力都唔輸蝕架。除咗拼盤咩都有之外，仲可以自選兩拼($108)/三拼 ($128)。今晚就要咗墨魚，生腸及豆腐呢三拼。”刀手”快斬再淋上滷水汁就可上枱，滿滿的三拼啊。墨魚軟身帶有嚼口，生腸就夠爽脆，點埋個潮州辣椒油，正! 個豆腐就點推介點醋蒜汁。 夏天最愛食通菜，無論點炒都鍾意食。叫咗個啫啫通菜煲 ($108)，上枱時已然聞到好香，通菜夠多又夠嫩，合時嘅相當好食，加埋肉碎落去炒，好惹味。見佢餐牌上都有好幾款鱔類煮法，想食香口嘅當然要客椒鹽鱔球 ($198)。鱔球量相當好客，入口夠熱度，椒鹽味唔會過重，點上喼汁食。炸漿夠薄，唔會一口粉，鱔肉夠彈牙，用埋送啤酒汽水就絶對岩數。今次要留返D”胃置”去食潮式甜品，侍應推介呢個脆皮落湯錢 ($88)，名字相當特別。見到實物就諗起糖不甩，其實都大同小異，分別在於呢客係底面煎脆，糯米團入面都係無餡，甜味要靠花生碎及糖。入口軟糯中帶點脆度，中飽肚量但易食。今餐有湯有菜又有魚，仲有埋甜品，相當飽足，突然變咗”潮人”。哈….哈…….
繼續閱讀
我依D油尖旺人以為將軍澳咁遠未必有好嘢食，點知探朋友又有新發現。離將軍澳站幾分鐘路程的陳儀興，就算唔熟路都好容易去到。源A2出口識路嘅可以行上樓上商場經商場天橋過去，快啲啲。好似我咁少嚟將軍澳，行路面都係幾分鐘兩條馬路就到啦。店內裝修以潮式打冷文化為主題，店面都唔細，分二人枱，四人枱同圓形大枱，我哋訂位平日晚飯時間，已經座滿8成，就連下圖影相嘅大枱都係俾人預訂咗嘅，我見晏啲先到嘅人就未必有位啦。睇餐牌見佢有多款白鱔料理，蒸白鱔食得多，依一道椒鹽鱔球，減去咗食鱔嘅肥膩感，令佢嘅口感更加爽口彈牙，椒鹽加上炸蒜為香味加分，加上白鱔球冇骨啖啖肉簡直令人食唔停口。#白鱔 #補身#必食 去新地點食飯，我一定會周圍睇吓其他人食啲乜，見到每枱都有點的滷水拼盤，材料豐富，食落滷水味鹹香適中，特別係佢嘅墊底豆腐滑嫩無比👍🏻個滷水蛋非常入味，連呢啲配菜都咁精彩，佢中間嘅墨魚片、滷肉、大腸、生腸、紅腸等當然非一般啦#滷水拼盤 潮式鹹菜豬肚湯一直係我哋好鍾意嘅湯品，佢依個湯已經煲到鹹菜出晒味，豬肚腍得嚟仲有少少咬口，我哋多人食就點大鍋，點餐時知道原來小人食嘅話可以點大碗份量就夠二人食啦，好似係大約半價左右。上完湯就嚟咗個潮州炒飯，估唔到佢有咁多料，炒得好乾身粒粒分明，大大碟性價比一流同一時間好期待嘅啫啫田雞煲就到啦，見佢除咗白線料理仲有一整頁嘅田雞料理，當然要試吓啦，個煲原來唔只有田雞肉，佢仲有好食嘅豬潤同埋甜厚嘅洋蔥到最後終於出場嘅就係餐牌都仲未有侍應推介嘅雞蛋焗魚腸，依度菜我細個成日食，但係因為被料麻煩而家好少菜館有得食啦，等咗咁耐佢焗到個表皮香脆，蛋香味濃郁之外，魚腸仲佔據佢三份兒位置，食起嚟佢冇咁油，但係甘香味十足，感覺上好似更加健康見到其他枱食佢嘅海鮮料理同埋魚飯都好吸引，下次一定會再嚟
繼續閱讀
將軍澳要搵好食嘅中菜真係唔容易， 如果食潮州菜，就會即時諗到陳儀興。 假期真係超爆場， 好在平日夜晚仲可以walk in。 心思思想食潮州鹵水鵝， 放工偷懶唔煮飯， 盡情享受潮州美食， 同埋新鮮海鮮。鹵水鵝片真係好吸引， 厚薄適中的鵝片， 好香鹵水味， 但係又唔會好咸， 質地緊緻嫩滑， 肥瘦均勻。 底層配搭爽脆的大豆芽， 吸收了鵝油鹵水汁精華， 另有一番風味，如果再配埋鹵水豆腐就更加正。海鮮都好新鮮， 大大隻海蝦 、 龍蝦、鮑魚、 同埋游水海魚， 引到我哋想叫多幾款。 椒鹽或者是避風塘風味都係好出名， 師傅處理得好出色。 店面推介咗以下幾款：椒鹽鱔球、避風塘炒蜆、蒜蓉蒸海大蝦🦐重點推薦 椒鹽鱔球， 勁多炸蒜蓉非常之香， 鱔件外層炸到金黃香脆， 肉質緊緻彈牙， 夠鑊氣又夠香脆。 記得真係要趁熱食， 但到最美味嘅效果。避風塘炒蜆， 香香辣辣好惹味， 蜆肉乾淨無沙，勁多辣椒蒜蓉絕不吝嗇， 配支啤酒會更加爽。蒜蓉蒸海大蝦， 新鮮海蝦係特別好食， 蒸熟後橙紅色非常鮮明亮麗， 質地結實緊緻 而且鮮甜美味，配搭蒜蓉、粉絲 、甜豉油、熟油， 味道更加突出， 而且性價比好高，百幾蚊大大碟。到咗甜品時間 ， 店員推薦出面比較少見嘅 ，脆皮落湯錢。 香煎糯米團， 質感煙煙韌韌， 加埋花生芝麻蓉， 香甜軟糯好滿足。
繼續閱讀