48
8
18
| 餐廳: | 陶源中菜 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
港鐵康城站 B 出口, 步行約4分鐘
繼續閱讀
電話號碼
22170190
開飯介紹
位於將軍澳的廣東酒樓，裝修走現代風格，淺色雲石地板配上空間感十足的設計，令人感到舒適。酒樓提供點心、廣東小食如陳皮紅豆沙，主食有清蒸東星班仔、花膠響螺湯等上等粵菜。
繼續閱讀
營業時間
今日營業
08:00 - 23:00
星期一至日
08:00 - 23:00
公眾假期
08:00 - 23:00
以上資料只供參考, 請與餐廳確認詳情
有關獎賞計劃
優惠
78折
[星期一至四堂食] 2小時任食大閘蟹放題 *最少2位起
$498
$644
8折
[星期五、六、日及公眾假期/前夕堂食] 2小時任食大閘蟹放題 *最少2位起
$558
$705
相關文章
好耐冇去日出康城商場，同屋企人去行下，一行4大1小，見西餐好多都要等位，但見陶源中菜有位及晚飯優惠精選就試下！😌見個晚飯優惠精選有六個餸，都只係優惠價$498 (原價$708) 都幾抵食，大家唔想諗就揀四人餐，雖然唔知大唔大碟，打算唔夠先再加餸。平時去食中餐都怕點普洱茶，因為飲親都比較苦澀，但估唔到今次家人叫普洱，飲落好香醇及有少少回甘，一點都唔苦，下次可以再叫！上菜見四人餐其實都幾大碟，仲越上越有，食極都未食完…四人餐包括鮮人參燉水鴨湯、蘚茄粒粒泡菜苗、香煎一夜情馬友、柚子蜜蝦球、秘製樟茶鴨(半隻)及菠蘿雞粒炒飯六個餸。個人比較喜歡柚子蜜蝦球、秘製樟茶 鴨(半隻) 及菠蘿雞粒炒飯。蝦球層皮雖然唔脆，但上枱時入面仲係熱及彈牙，感覺新鮮，加上柚子蜜酸酸甜甜好開胃！秘製樟茶鴨覺得幾特別，個人比較少食到呢種味道，層皮估唔到有少少脆，而肉質係算幾嫩，下次可以再食！而水鴨湯、香煎馬友本人覺得比較鹹，但馬友可以煎到咁香脆都值得一讚！而蘚茄粒粒泡菜苗都鮮甜，食得出材料新鮮！而菠蘿雞粒炒飯其實都幾開胃，小朋友都好鍾意食！由於唔係本人叫餐，而且侍應落左餐後就攞埋張餐紙走左，一路上菜一路食都冇為意其實四人餐係包咩餸，奇怪的是越食越有，為何四人餐會有咁多碟？食到尾侍應攞張單黎先知原來夾錯左某枱點的孖寶餐落我地張單到，有海南雞半隻及肉絲炆米粉….最後同經理講，佢地鞠晒躬道歉話同事出錯左，話唔好意思及送返糖水及糕點俾我地，但我地既然都差唔多食晒，而且味道又唔錯，小朋友又啱食，付費其實都應該！加上經理態度親切，感覺良好！但部分個別員工態度有待改善...😌
繼續閱讀
很差的體驗 ，很差的服務首先食物等得很耐 ，我大概7:30去到叫野食 ，啲野食8:30先到 ，期間都催過幾次 ，一直都係話就得就得 ，然後野都未食完差唔多9:15就要我地埋單。咁我對一對單 ，發現個冬瓜盅落左正價(佢做梗優惠) ，問個短頭髮女職員 ，佢大大聲話落單哦個係替工 佢冇幫你寫優惠就冇 。我話但你地張餐牌寫到明做梗優惠點解收我正價 ？同埋我之前叫都係收我優惠價，佢又唔出聲 。咁既處理方式令到我覺得咁大間連小小錢都要呃 ，唔會再去
繼續閱讀
又到食大閘蟹🦀嘅季節啦！今年我就率先去咗陶源酒家任食大閘蟹🩷我會揀喺度食嘅原因係呢度嘅食物種類好多！除咗3款任食蟹（清蒸、太雕、鹽焗），仲有片皮鴨🦆、鮑魚、金湯小米燴遼參、蟹粉扒豆苗；任食甜品🍮（楊枝甘露、布甸等）；主食（壽包、糯米飯等）；小食（避風塘雞中翼、手拍青瓜🥒）我多數喺屋企都係食清蒸大閘蟹，估唔到原來鹽焗都咁好食㗎，鹹鹹地咁！而其他小食都好夠滋味，椒鹽海中蝦、香辣萵筍絲等，送啤酒就一流啦❗️而甜品方面，楊枝甘露、杏仁茶、紅棗糕嘅質素都好高，我全部都好鍾意食❤️我今次淨係得兩個人嚟，下次我要約埋其他屋企人嚟先得，咁先可以再食得多啲，同埋有人生日嘅話（4位以上），仲有得升級啤酒汽水任飲添😋
繼續閱讀
已經踏入了秋天，是大閘蟹當造的季節，搶先去了「陶源酒家」食大閘蟹放題$528/位，2小時任飲任食，無限追加大閘蟹、北京片皮鴨、多款小菜主食和甜品😋大閘蟹有三款煮法可選 - 清蒸、太雕蒸和油鹽焗，每款點了4隻，味道各有特色，仲送埋薑茶湯圓驅驅寒，片皮鴨水準都唔錯。另外，每位顧客仲送一份特盛三式：1.鮑汁扣原隻鮑魚伴椎茸 - 醬汁唔錯，鮑魚幾鮮甜。2.金湯小米燴遼參 - 色澤金黃，好香南瓜味道，遼參切成細混在湯中，爽滑有嚼勁。3.蟹粉扒豆苗 - 蟹粉鋪滿了整碟豆苗，食到薑蒜嘅香味，味道唔錯。主食：生炒糯米飯 小菜：點了椒鹽豬小排和椒鹽海中蝦，兩款都非常惹味。甜品：點了楊枝甘露和生磨蛋白杏仁茶，楊枝甘露非常足料，芒果味道香甜；杏仁茶就滑溜，杏仁味道濃厚。📍🎂生日優惠當月生日者可享全枱免費升級啤酒汽水任飲 (*四位或以上適用)
繼續閱讀
大閘蟹季節開始喇！陶源酒家推出兩小時大閘蟹放題，最年最期待當然要第一時間去食！😍🦀大閘蟹放題(週一至四 $528/位；週五至日及假期 $588/位) (另收茶芥$15及原價加一服務費)大閘蟹放題有三款煮法，分別係清蒸、太雕蒸、油鹽焗，隻隻都黃脥膏鮮✨今批全部蟹乸 (個人最愛😍)，質量不錯，雖然大細約3-4兩但隻隻都多膏～先食清蒸，最食到蟹嘅鮮甜味；而太雕蒸嘅酒香更能突出鮮味；最後油鹽焗鹹香十足好有風味～除咗大閘蟹任食之外，仲有京式片皮鴨同多款主菜、小食、甜品都係任叫😍一定可以食到回本🤣每位更奉送一份特盛三式，非常豐富！Btw有手套提供唔使驚整污糟手～🥢特盛三式⟐ 鮑汁扣原隻鮑魚伴椎茸鮑魚都有返咁上下大細，爽口彈牙，鮑汁味香濃🥰⟐ 金湯小米燴遼參味道甜甜地，有少少似南瓜西米露，有啲小米咬下好似西米咁🤣口感幾特別，配埋切粒遼參一齊食幾爽口～⟐ 蟹粉扒豆苗蟹粉多到瀑布咁好豐富，食落蟹黃味濃 (可能因為冇豆苗，俾咗白菜仔，但都一樣好夾)，清甜得嚟又有啲蟹黃調味幾正～🥢京式片皮鴨片皮鴨任食，呢個價錢有大閘蟹又有片皮鴨，都幾抵食🤣一份嘅份量算幾多，只要你唔係眼闊肚窄，其實都值得一試～片皮鴨新鮮出爐，皮香脆咬落有肉汁，肉質比較厚，不過略嫌餅皮厚咗少少🤣🥢除咗以上幾款必食主菜外，仲試咗以下小食同榚點甜品，味道都唔錯～脆滷豆腐⋄奶皇千層榚⋄流沙芝麻包⋄生炒糯米飯⋄楊枝甘露最後記得飲返碗薑茶番薯糖水，夠哂薑味驅驅寒！🔸生日優惠當月生日者可享全枱免費升級啤酒汽水任飲 (四位或以上適用)總結：店員主動幫手換碟，服務態度良好；整體食物質素不錯，而且選擇唔少😋平時喺屋企食多數清蒸，呢度可以食三種煮法，價錢抵食簡直大滿足！
繼續閱讀