影片
港鐵尖沙咀/尖東站 A1 出口, 步行約7分鐘
繼續閱讀
電話號碼
91521063
付款方式
座位數目
30
其他資料
網上訂座
自帶酒水
VIP房
電話訂座
賞訂座積分
加一服務費
電視播放
以上資料只供參考, 請與餐廳確認詳情
有關獎賞計劃
相關文章
媽咪生日，梗係要同佢好好慶祝啦！之前經朋友介紹一間位於尖沙咀嘅高級私房菜，餐廳由廣州大同酒家創辦人後人經營，糅合傳統粵菜並加以改良，務求令新一代可以品嚐昔日嘅味道。順德撈魚生又名「撈起」，餐廳以深海𩶘魚代替傳統淡水魚生 ，魚生片新鮮清甜，配上紅椒、花生、蔥、薑絲等等，食嘅時候仲可以用生菜包住魚生、飯同辣椒醬，味道層次更加豐富。燕窩鷓鴣粥呢道懷舊菜需以粥為名，實際卻無米⋯配上金華火腿、鷓鴣同燕窩，鮮味十足，既滋潤又養顏⋯當紅炸子雞皮脆肉嫩⋯雞皮薄薄一層，一啲都唔油膩；雞醃得入味，而且肉汁豐富，口感一流！廣州荔灣豉椒炒蟹薑蔥炒蟹、避風塘炒蟹就食得多，豉椒炒蟹真係第一試，估唔到都咁好味！以豉椒大火炒蟹，味道鮮美，辣辣哋非常惹味！清炒涼瓜先將苦瓜啤水兩個鐘，沖走苦瓜本身嘅苦澀味，再以清炒方式烹調⋯口感清爽，味道帶有少少回甘，連平時唔好苦瓜嘅我都能夠接受。蜜汁火方其實呢度係浙江嘅傳統菜，餐廳以菠蘿代替傳統嘅蓮子，配以火腿，再夾喺方包裏面去食，鹹香嘅火腿同清甜嘅菠蘿帶嚟一種獨特嘅鹹甜口味。咖喱牛腩、大同荷葉飯濃郁嘅咖喱同牛腩嘅軟嫩完美結合，簡直係米飯嘅殺手！配合埋荷葉飯，風味獨特，更添特色！蟹油撈麵以剛才辣椒炒蟹嘅蟹油嚟撈麵，辛辣香口，極之惹味！二十年陳皮紅豆沙紅豆沙香甜可口，伴隨着陳皮嘅醇香，令人回味。總括而言，每道菜都非常出色，令大家都十分滿意！餐廳只有2間廂房，仲有1間K房；另外，餐廳只接受訂座，六位起訂。菜單方面可以搵老闆娘幫你寫，或者叫佢俾啲建議都得⋯
繼續閱讀
荔灣豉椒炒蟹 高質私房菜 今日朋友帶我去一間喺尖沙咀廣東道 蘋果店隔離嘅樓上鋪私房菜 格調裝修好靚 佈置得好優雅 坐得好舒服 啲餐具都好靚🥰🥰聽講係廣州大同酒家嘅後代開嘅 主打懷舊粵菜 老闆娘親力親為 每道菜都會細心講解👍👍 想食最好提前兩三日預約 因為只有兩張大枱😉 另外有一間房有卡拉OK及麻雀🀄️ 小食✨自家製鹹酸菜 炸花生開胃啲小食😋😋 ✨民初順德撈魚生（深海𩶘魚）呢個餸好有意頭 撈起撈起 風生水起👍 可以用生菜包住魚片及飯一齊食 𩶘魚非常鮮甜 好正👍😋 ✨燕窩鷓鴣粥用金華火腿 鷓鴣熬製湯底 係以前有錢人食嘅食品 佢嘅濃稠度就好似粥一樣 有一絲絲嘅燕窩 非常足料 必食😍 ✨ 大同炸子雞雞皮炸到香脆 雞肉鮮嫩多汁 可以點醋或者懷鹽食 兩樣都好食 各有千秋 仲配埋脆卜卜嘅蝦片 真係好有回憶😋 ✨廣州荔灣豉椒炒蟹係經典嘅懷舊菜式 蟹肉鮮甜結實 以豆豉辣椒乾蔥絲薑絲一齊炒蟹 相當惹味 好喜愛這道菜 真係食到舔舔脷😋😋 ✨清炒涼瓜非常清新爽脆 一啲都唔苦 食完喉嚨好舒服😉 ✨密汁火方以方包夾住金華火腿同菠蘿 一齊食 菠蘿好甜 味道好夾 念念不忘👍👍 ✨咖喱牛腩✨大同荷葉飯佢個咖喱汁真係超好味 撈埋荷葉飯一齊食 超正👏👏 ✨蟹油撈麵最後仲有個撈麵 用頭先豉椒炒蟹既蟹油撈呢個麵食 仍有蟹油香味 完美嘅配搭😍 ✨陳皮紅豆沙紅豆沙加咗20年嘅陳皮 煲到起晒沙 唔會太甜 啱晒我🥰🥰🥰 整體嚟講 環境舒服 用心製作 服務到位 好享受嘅一個晚上😍 🎈大同私房菜會所 (尖沙咀)尖沙咀廣東道120號海威商業中心6樓
繼續閱讀
餐廳位於尖沙咀，位置嚟講都算非常方便，適合喺附近shopping之後再慢慢行過去食飯, 餐廳係朋友預約，我哋都非常期待佢嘅餐牌，呢一間私房菜嘅評價非常高，所以就決定去試吓，餐廳名字源自廣州大同酒家，主要係致敬返老式粵菜，舊址本身佢哋喺九龍城，係行走會員制，同埋主要做熟客生意，不過好彩，而家呢一邊尖沙咀都開始接受街客生意，朋友就事先Booking， 2-3日前同餐廳討論菜單，未去食已經非常期待！！！😎水鴨湯，非常適合老人家，平和滋補，而且又非常濃厚嘅水鴨味道，味道非常特別，喺出邊好少可以飲到呢一種味道嘅湯，而且一個湯非常清，冇乜油，咁落去非常舒服，作為第一道菜，非常impressed!😎乳鴿，餐廳用嘅十幾年滷水汁不斷加新，而且乳鴿嘅肉質非常鮮嫩，加埋滷水嘅味道，亦都非常match, 第一次食到呢一個配搭！😎高級羅漢齋，餐廳係用難搵嘅傳統食材 「三菇六耳」，食落去有一個非常多元化嘅口感，味道亦都非常鮮，啱晒鍾意食羅漢齋嘅朋友！😎清炒涼瓜，係呢一間餐廳嘅招牌菜，餐廳嘅師傅用冷水沖洗2小時，保證冇苦味，非常神奇，本身我都唔係一個鍾意食涼瓜嘅人，但係冇諗到呢一個菜令我對涼瓜嘅味道改觀，味道非常清新，而且係有少少爽口，非常推介大家！😎酸菜豬肚尖 用最嫩滑的1/4豬肚 加上自製潮州咸酸菜而成，味道都幾好食，未試過呢一個組合嘅配搭，亦都覺得幾開胃，酸菜味道亦都好好食！😎龍蝦粉絲煲亦都非常好食，粉絲吸收晒龍蝦本身嘅精華，非常乾身，再加埋龍蝦啖啖肉，成個口感非常高級，而且龍蝦非常新鮮，食得出爽口彈牙，係新鮮嘅龍蝦絕對唔係雪藏貨！😎荷葉飯，每一粒都粒粒分明，係非常傳統嘅味道，而且有荷葉嘅香味，我同朋友都非常鍾意！😎陳皮香草綠豆沙，陳皮同埋綠豆沙嘅味道非常夾，而且非常入味，用呢一個甜品作結簡直就係完美！
繼續閱讀
今日帶朋友去食好西，黎到尖沙咀呢間「大同」一嚐私房菜成個環境好high class，好得好舒服，主打用左藍綠色，望落好舒服成個人都放鬆晒如果多朋友仲可以約埋三五知己一齊一邊食野一邊唱K，勁chill!野食方面都好高質，先黎個老火湯，飲得出用左好耐時間煲好濃郁，開一開個胃先芝士蟹蓋，一放但已經聞到勁香，滿滿既芝士混埋啲蟹肉好香口，面頭仲要烤過黎，每一啖都係享受！魚子醬炒肥腸，正如華仔話齋「攞走個磅！」，啲魚子醬落得一啲都唔孤寒，面頭滿滿一大堆，炒到啲炒腸鬼咁香乳鴿外皮酥脆，烤得岩岩好仲保留左好多肉汁，軟身又入味苦瓜炒得岩岩好，唔會太老變晒色亦唔會太生食落好苦，軟淋淋入口好甘主食有糯米飯同XO醬撈麵飯粒金黃色睇見都食指大動！最後仲有紅豆沙作結，煲到起晒沙紅豆都爛晒，比足心機勁好味！
繼續閱讀
🥢大同會所私房菜這間私房菜以預約制營業 全場只有兩張大枱 預約人數六位起 所以想試朋友記得約六至八位朋友一起預約♥️主打傳統名貴特別中菜🥢順德式撈起（深海𩶘魚）順德一款魚生菜式 運用深海𩶘魚 切成薄片 配上特製的麻油及醬油 配上蔥薑花生和油炸鬼 最後用生菜夾着一起吃 口感清新特別 魚生非常嫩滑 和日式的雨傘非常不同，值得一試👍🏻🥢大閘蟹粉扒豆苗運用大閘蟹的蟹粉淋在豆苗上 豆苗吸收大閘蟹粉的鮮味 放入口中滿滿幸福🥢自泡味菜炒豬肚尖運用自家炮製的鹹菜 和嫩滑彈牙的豬肚尖 用大火猛炒 整道菜非常有鑊氣 而且味菜的調味非常好 讓人吃得停不下來🥢廣州荔灣豉椒炒蟹廣州荔灣的豉椒炒蟹 運用豉椒和特製的辣椒油 配上大蔥等配菜 晚火大炒 蟹隻非常入味惹味 而且蟹的size非常巨大哦🥢蝦子扒節瓜節瓜熬製得非常軟腍 拌上滿滿的蝦籽粉 鮮味十足🥢咖喱牛腩每舊咖喱都非常大 而且咖喱炆得軟腍腍 完全沒有跟和渣滓 咖喱味濃郁 是運用中式做法的咖喱 用來餸飯一流🥢大同荷葉飯荷花入邊有大量配料 包括冬菇、瑤柱等等 荷葉包起蒸 整個飯吸收了荷葉的香氣 推薦👍🏻🥢蟹油撈麵運用上一道菜的炒蟹的蟹油 將精華完全吸收 淋上自家製的撈麵上 美味滿分👍🏻🥢二十年陳皮紅豆沙紅豆沙煮得非常軟爛 加入二十年陳皮提升香氣
繼續閱讀
您可能會有興趣的...