影片
港鐵尖沙咀/尖東站 B2 出口, 步行約5分鐘
繼續閱讀
營業時間
星期一至五
12:00 - 16:00
18:00 - 23:00
星期六至日
12:00 - 23:00
公眾假期
12:00 - 23:00
以上資料只供參考, 請與餐廳確認詳情
呢間餐廳係冇上網搵過就直接入咗去食，佢出邊嘅裝修幾靚，好有日本風格，！我哋叫咗一個二人套餐！份量都算啱啱好！睇落好似幾多野食！先講拉麵嘅湯底啦，自己個人來講唔係幾鍾意重味精嘅湯底，但係佢啲湯底真係有啲鹹鹹地，如果少啲味精咁就好好多！其他嘢食例如串燒又或者係餃子都唔錯！兩人食一個套餐埋單都係二百幾蚊，但係你單單咁樣去叫，會貴啲， 所以我建議如果你哋係兩個人去嘅話可以叫二人套餐，因為我哋計落真係平左架！
繼續閱讀
已經有十多年冇嚟呢到食啦, 好彩仲未執咋, 因為真係好想再試螃蟹拉麵, 每次嚟呢到都一定要食, 知道其實呢到係有分店既, 但始終覺得呢間係最好味, 可能間間師傳手勢唔同, 而家呢到仲有儲印花計劃添, 儲齊可以有$180優惠券螃蟹拉麵 - 賣相唔錯, 湯底夠濃郁, 螃蟹好鮮甜, 雖然出面超巿都有, 但始終都係唔同啲, 有少少流心既半邊蛋, 拉麵好爽口招牌餃子 - 皮薄肉鮮而多汁豆腐都好香好滑, 但如果浸得太耐豉油而未食, 食時就會好咸中華冷麵 - 凍食都好好味, 青瓜好清甜爽口, 見到師傅係即場去製作既, 所以等既時間會耐少少
繼續閱讀
是晚由於預九點幾要去睇戲但又有事要響加連威老道做左先急急腳響附近睇下有咩食 最緊要快但又唔想企街邊食 見到呢間拉麵都唔差就衝入黎啦一坐低先發現原來係呢間響荷里活廣場同荃灣分店都食過呢由於之前已經食左掃街野頂肚所以無叫套餐同小食啦無謂眼闊肚窄做大蹝鬼叫左咖哩雞塊蛋飯 配有薯蓉同麵豉湯日式咖哩口味 唔會太辣 蛋夠滑 炸雞少少乾身另外叫左個拉麵 有一塊叉燒 大量紫菜同粟米 正呀可惜隻蛋唔係半熟蛋麵質彈牙湯底略微濃味 食完有口渴感
繼續閱讀
今天去完玩具展，沿天橋行左去尖沙咀加連威老道，在小巷看到札幌小店，不是好大間，坐位得三十幾個位左右。中午一點左右，不是太多人，入去有位。餐牌有拉麵丶咖喱飯及小食假日都有lunch set. ...拉麵＋小食=$78. 飲品+$5. 叫左二set: 豬肉拉麵加鷄軟骨串，及雜錦拉麵加鷄翼串。份量足，麵好大碗，雞軟骨串有成三串， 鷄翼串有兩串！！！但湯底一般，我覺得唔夠濃，隻蛋好熟，豬肉冇乜味，整體味道一般，只是食飽！
繼續閱讀
2017年2月5日 (星期日) 6:10pm 不用排隊 雖然小小一間，但不算太侷促，環境清潔，餐具乾淨。 此店本人已經來吃過 6 次，今次是第 7 次惠顧了。對上一次是 2015 年期間，相隔接近 2 年了，嘻嘻 ... 因為喜歡它選擇和配搭多，份量足夠，水準穩定，價錢方面亦不昂貴，相信在尖沙咀旅遊旺區很難再找到。 本人選擇了 『HK$198 自選二人套餐』，在這 2 年之間，只加價 HK$6，算是有良心了！ 北海道南瓜炸薯餅 - 即叫即炸，外脆內軟，南瓜蓉粉嫩，整體層次分明，一吃難忘，味覺享受。以蕃茄和生菜絲伴碟。【推介之選】❤❤❤ 炸雞肉 - 熱騰騰，雞肉新鮮，只可惜炸得太久，質感變得乾硬，且容易熱氣。 鰻魚飯 - 魚肉滑溜不腥臊，沒有魚骨，比起 2 年前，明顯大條了些。在拌勻醬汁一起吃，美味鮮甜。雖然鰻魚份量比較少，但配合小食後，還是足夠飽肚。❤❤ 招牌牛油拉麵 - 拉麵麵質算彈牙，湯底不太濃郁，豚肉味道卻一般，碗旁以粟米粒和昆布作配襯點綴。與 2 年前相比，水準下降了。 自家製餃子 - 味道不過不失，餡料算足，如果再大隻些會更好。《 餐 牌 》： 新增了『庵列套餐』和『蓋飯套餐』，下次本人再來時，一定要吃一吃。 【溫馨提示】❶ 自選二人套餐可選 2 款拉麵或飯和 3 款小吃。❷ 大部份拉麵和鰻魚飯須另加 HK$10 或 HK$15❸ 小食選擇多元化❹ 經常滿座，大家要提早到達，否則要排隊等候。❺ 可以儲印花換優惠劵
繼續閱讀