影片
港鐵尖沙咀/尖東站 B1 出口, 步行約4分鐘
繼續閱讀
電話號碼
94241449
開飯介紹
裝潢趣怪搞鬼的樓上Cafe，牆身及餐碟設計更以各界名人為靈感，具創意又充滿色彩，你可在此一邊享用多國料理，一邊打卡。
繼續閱讀
附加資料
用餐時間90分鐘訂枱(留枱10分鐘）
營業時間
今日營業
12:00 - 22:00
星期一至四
12:00 - 22:00
星期五至六
12:00 - 22:30
星期日
12:00 - 22:00
以上資料只供參考, 請與餐廳確認詳情
有關獎賞計劃
相關文章
呢間餐廳成日係IG碌碌下就見到有朋友去今日終於輪到我去到先發現原來餐廳有兩層, 2樓仲有現場音樂表演諗都無諗就揀左2樓坐係尖沙咀寸金尺土既地方唔用盡d位去擺餐台反而搞音樂表現,respect!!今晚係sexophone 表演, 仲話如果客人想可以上台唱k添!蠔梗係要炸初頭仲驚驚地會唔會似放題既炸蠔咁黎到外脆內軟加埋個醬汁, 正正就係今日好想食既炸物!!好邪惡咸蛋牛油果蟹肉Pizza直情有蟹鉗係上面, 非常吸睛咸蛋黃係融入左係Pizza既底醬裡面牛油果味道不突出污糟大大條魷魚墨汁扁麵真係大條都唔信, 魷魚肉質仲係非常有水份, 有彈性但唔會耐嚼墨汁扁麵味道濃而不膩, 扁麵平面可以承載到更加多味道, 食到唔停口手工紫薯蛋糕完全無罪疚感既蛋糕!!食開甜品既可能會失望因為味道係淡淡既自然紫薯味平時唔太好甜品既人就非常適合!非一般檸檬烏龍茶沙冰沙冰份量足夠成餐飯同MENU所講一樣就係檸茶但茶味唔係紅茶咁厚味用左烏龍茶配搭檸檬今日飲益力多柚子沙冰益力多味好突出, 飲完後益力多既甜味會有柚子味緩衝左變得清爽
繼續閱讀
GoodDay BadDay MamaDay📍尖沙咀加連威老道27-27A號嘉榮大廈地舖及1樓我嘅大學好友準備結婚啦，有幸成為佢嘅姊妹一員，喺星期六專程相約去度身做裙，朋友都有嚟陪我。度完身、試完裙，我哋仲去埋The One個snoopy pop up添，之後決定去bookmark良久，朋友多次回訪嘅人氣玩味餐廳，GoodDay BadDay MamaDay食個early dinner！店內裝修別樹一格，有數之不盡嘅公仔、海報同裝飾品，淨係打卡都夠玩成個鐘，而餐點名都搞笑過人，menu設計更加係世界級正，連玻璃檯下都係用彩色Lego裝飾而成，環境氣氛無得頂！ 💰$188鵝肝槓上肝菌飯講十次 🍛鵝肝煎得香口，聞落油香四溢，食落近乎入口即化，油香仲會喺口中散發，頗有驚喜。至於risotto就有好濃烈嘅牛肝菌香氣，整體香而不膩，一啖盡食菌香、鵝油香同醬香，非常值得一試。 💰$148黃金軟殼蟹忌廉意粉 🍝Fettuccine寬寬扁扁帶點厚度，最適合配較濃稠嘅醬汁或芝士調味，所以餐廳選用統稱為「金沙」嘅鹹蛋黃醬實在非常明智，加埋忌廉一齊煮，口感更creamy！軟殼蟹炸得香口酥脆，配上大量菇菌點綴，盡是滋味！ 💰$145好邪惡嘅咸蛋牛油果蟹肉比薩咩叫減肥 🍕好邪惡！真係好邪惡！大量芝士加咸蛋醬抹滿整塊薄身脆pizza，完美地放上六隻蟹鉗，隨心灑上蟹肉、切粒牛油果同切片番茄仔，再放上沙律菜裝飾，賣相相當吸引，多重口感，多重享受。脆脆嘅pizza邊唔會過乾，芝士同咸蛋味道適中唔會過鹹，雖然好邪惡，但一啲都唔肥膩！ 💰$56士多啤梨奶昔 🍓個人認為呢間餐廳嘅飲品比食物同甜品出色，尤其係喺熱辣辣又翳焗嘅天氣下，飲到一杯透心涼嘅飲品，真係特別加分！而且我鍾意佢哋嘅飲品唔花巧，除咗用啲比較有特色嘅玻璃杯裝住外，相比起其他餐點，佢哋嘅賣相都唔會華而不實，純粹係一杯杯簡單、清涼、解渴嘅飲品。朋友好鐘意飲milkshake，考慮到我唔食得太多香蕉，所以佢揀咗strawberry milkshake試試。細細一杯淡粉紅色嘅milkshake帶有淡淡嘅士多啤梨香氣，食到少許果肉同果籽，唔會有粒粒碎冰，口感順滑，味道清甜唔假，推介！ 💰$56夏日熱辣辣，好熱好熱降溫椰子沙冰 🥥而我就叫咗一杯椰子沙冰，個名又係改都好鬼馬，望住啲字個腦就已經響起「夏日熱辣辣，吃西瓜消暑解渴；夏日熱辣辣，喝一杯凍檸檬茶！」呢幾句歌詞，勁好笑！椰子沙冰分量都幾大，而且冰度十足，上面仲放咗一球海鹽雪糕，絲絲鹹味令本身已經好香濃嘅椰子味更突出，半溶嘅雪糕加上frappe嘅綿滑，配pizza、risotto呢類較飽膩嘅主食最為佳！ 💰$68唔甜的紫薯蛋糕 🍰自家製嘅紫薯蛋糕非常精美，蛋糕共有四層，薄薄嘅餅底為底層，數上去有紫薯cream cheese同幼滑嘅mousse，而最頂層就鋪滿紫薯蓉，層次分明，口感豐富細膩，而且食到紫薯自身嘅甜味，想食甜品但怕肥嘅朋友可以考慮一試！ 💰$68焙茶芝士蛋糕 🍰另一款cheesecake朋友揀咗焙茶口味，整體口感唔算柔軟，偏硬身、紮實，勝在茶味香醇，餅底相比下較為厚身，食完唔會有好膩嘅感覺。
繼續閱讀
上年第一次食位於尖沙嘴的Good Day Bad Day，感覺食物不錯，今次找個機會帶父母來試一試這間玩味餐廳吧來到餐廳內他們已經覺得環境裝潢幾得意，特別是看著餐牌上有趣的菜式名字他們更是好奇 第一道上菜的是樣子震撼的蒲燒鰻魚蛋包飯(全條)($156)，鰻魚帶點香口醬汁香甜，但下面以蛋包著的鰻魚汁飯則太濕，同樣是鰻魚汁味的飯則顯得沒有新意，白飯方面可以改善一下以甚麼樣的方式呈現，也可以加入一些配料以增加口感，不會太沉悶。上一次來都有點這道菠菜菠菜忌廉燉飯($125)，質地同樣是creamy的，沒有煮得很硬，不過份量好像少了點。剛剛焗好的好邪惡鹹蛋牛油果蟹肉比薩($145)鹹香味撲鼻，味道果然鹹香帶牛油果的順滑，配搭新穎好吃，我們都很喜歡上次都有點的半熟吞拿魚比薩($145)今次則比較遜色，特別是相比起前者更是平平無奇，比較推薦試試另一個薄餅。有蟹Go又有蟹肉蟹蟹扁麵($145)的表現幾有驚喜，算是有不少的蟹肉同樣是鹹香味十足，滿滿地掛在扁意粉上，粒粒蟹子亦增加不同的口感，可以一試！我們亦點了一個相近的蟹GOGO甲羅燒龍蝦汁燉飯($139)，不同的是加入了一些龍蝦味，但我們均覺得剛才的意粉味道更突出、更佳，而米飯的質感則比較軟淋。Mamaday的食物一如有趣，味道不馬虎，這次帶父母到來他們都覺得這個品牌幾得意，又可以慢慢坐、聊聊天；希望不久後再來用餐吧
繼續閱讀
Good Day Bad Day MaMa Day呢個名真係好特別，我聽過一次就深深記住左。餐廳位於鬧市尖沙咀，近地鐵站，好方便。佢嘅主菜選擇多元，每一款都帶來獨特嘅美味，而且菜式名都非常特別，絕對能夠滿足你嘅味蕾同埋好奇心。點解個個叫軟殼蟹比薩將炸到脆卜卜軟殼蟹加入比薩裡面，再攞去焗，軟殼蟹為比薩增添了額外的鮮味和脆口，配合拉絲的芝士，滋味無窮。Good Day Bad Day MaMa Day嘅有蟹go又有蟹肉蟹蟹扁面（即蟹肉蟹膏扁意粉）呢個扁意粉最適合鍾意食蟹的人！扁意粉煮得剛剛好，超多蟹肉同蟹膏，這個組合帶來濃郁嘅蟹肉鮮味，每一口都好滿足。古法烤黑毛豬配沙律黑毛豬肉質鮮嫩多汁，經過古法烤制後，有陣炭香味，黑毛豬肉質嫩滑多汁，咬落啖啖肉，搭配清新的沙律，平衡了肉質的豐腴感。Good Day Bad Day MaMa Day嘅環境舒適，裝潢幾時尚，好啱三五知己朋友聚會。
繼續閱讀
玩味搞鬼餐廳 - GoodDay BadDay MaMaDayMamaDay旗下一間玩味十足嘅cafe，之前CK已經試過另一分店OMG MamaDay，覺得食物水準同環境都唔錯，所以今次決定同朋友試埋呢間比較一下有咩唔同裝修方面兩間分別唔算大，都係以復古玩味為主，佈置勁有創意同藝術感！店員都係耐心地俾到菜式上既意見 ! 菜式方面，每一道菜都係以玩味搞笑命名，可以好肯定講當大家唸住呢d風格嘅餐廳都係黎打下卡為主，抱住食物質素會唔太高既期望黎，但試過之後係一定會欣賞佢地嘅大膽創新，絕對唔係「Mamaday」！簡單介紹一下CK同朋友叫左D咩野食野飲啦 : 好邪惡鹹蛋牛油果蟹肉pizza🦀🥑🍕 $145越邪惡越吸引, 首先賣相精美, 薄脆的餅底鋪滿鹹蛋黃, 然後放置了牛油果粒, 以及帶肉的蟹鉗, 中間再放置了沙律菜, 每一口都品嚐到鹹蛋黃的味道, 真的很邪惡香脆紫薯窩夫配雲呢拿雪糕🍠🍦😍 $108一上枱就即刻俾佢嗰陣香氣吸引住，真係忍唔住想即刻開動！呢個紫薯窩夫真係超級正，外層香脆，咬落去仲有一陣清脆嘅聲音，好滿足🤤！天然既紫薯餡料甜而唔膩，真係食到唔想停口🍠最完美嘅係配埋一球雲呢拿雪糕🍦！雪糕濃郁嘅香味配埋香脆嘅窩夫同紫薯嘅綿密口感，真係將成個嘅層次感拉到極致，食落去有種幸福嘅感覺💖宇治抹茶澀澀地 $48香氣濃郁高品質，甜味同澀味有良好既平衡，且口感優雅醇厚。🥥夏日熱辣辣, 好熱好熱降溫椰子沙冰 $56沙冰好綿滑，唔會有碎冰，口感超正 ! 椰子香甜味濃，慢慢飲都唔會變淡，仲加入藍色嘅海鹽雪糕 灑上爆谷 層次好豐富 ! 尼杯消暑解渴夠晒正！🍹擺烏龍嘅lychee💰$48除咗有特別嘅「非常把鬼」玻璃杯，呢度全部飲品都好靚好得意，呢杯荔枝茶幾好飲，唔甜又清新 !希望下次有機會可以再試埋銅鑼灣果間啦GoodDay BadDay MaMaDay地址 : 尖沙咀加連威老道27-27A號嘉榮大廈地舖及1樓電話 : 94241449營業時間 : 12:00 - 22:00 / 22:30
繼續閱讀