影片
以上資料只供參考, 請與餐廳確認詳情
我地一家都好鍾意食糯米糍，呢晚同老婆返完外家，行過商場去搭車時見到，8蚊一粒，$20蚊3粒，36蚊6粒，D24榴槤味需加$4一個，有好多口味選擇，黑芝麻、豆腐、芒果、奶皇、綠茶、藍莓、咖啡、斑蘭等，老婆好推介呢間的糯米糍，最後買左6粒返屋企食。我地買左傳統的椰絲花生、芒果奶皇、軟綿豆腐、斑蘭，呢家糯米糍皮較厚，又好軟綿綿又煙韌，中間餡的份量都好多下，我最愛傳統的椰絲花生，一咬落去已經見到滿滿椰絲花生; 老婆就最愛軟綿豆腐同芒果奶皇。由於每日新鮮製造，最好快D食晒，食唔晒要放雪櫃。
繼續閱讀
行過屯門市廣場，見有媽媽喜歡吃的糯米糍，緊係買俾媽媽試下啦好多款噃仲有媽媽喜歡嘅D24榴槤味價錢都好抵咁Packing 都好靚顏色亦相當吸引呢！一啖咬落去。。。。皮吾煙韌，林左啲餡只有少少榴槤味，一啲都吾吸引，平係平，但係都吾值一次過，下次吾再買囉
繼續閱讀
K-point新開了間kiosk 賣甜點裝修好得意，我昨天行過就被排得靚靚既糯米滋吸引了。$20/3粒，$36/6粒，好抵食連個包裝盒都好可愛我一直都好支持小店手作甜品ga，一來味道獨特，二來仲有好多心機係食物入面一共買了3件。D24榴槤味(需加$4一個)，芒果味和豆腐味。其實係超級選擇困難症發作下揀出來因佢有二十幾種味可選。我仲好想試朱古力和黑芝麻味不過家中只有我愛甜食，買太多會浪費拎到返屋企一開，成個廳都係榴槤味，勁糯米滋皮軟綿綿，涵滑do do仲好濃榴槤味，好味呀!!不過作為晚飯後甜品的話，食一件就飽了(作為下午茶應該不錯)豆腐味--我放入雪櫃雪了一晚，雪凍了的糯米滋皮比室溫硬一點，凍凍地食各有風味。我鍾意豆腐味不算甜，但略嫌豆味不夠濃芒果味都不錯，入面有果肉
繼續閱讀
9月份已經有嘅pop up store，終於加入openrice糯米糍有好多味道 D24、芒果、奶皇、綠茶、藍莓、黑芝麻、紅豆、豆腐、咖啡、斑蘭等等糯米糍$36/6件我揀嘅大部分都味道較淡，而且糯米糍嘅皮偏厚身…整體黎講 平係平，但係連味道都平平，餡料偏少。芒果奶皇：比想像中一般般，芒果同奶皇味弱香蕉朱古力：兩種味道各佔一半，裡面有塊細到食左唔多覺嘅香蕉仔士多啤梨：我覺得味道有d怪，士多啤梨味有少少假抹茶：咁多個唯獨抹茶叫好食少少藍莓：我自己覺得偏甜鮮芒果豆腐：比較芒果奶皇我寧願揀呢款，芒果同豆腐幾夾，但呢度嘅芒果唔係長州糯米糍，唔會爆哂芒果勁甜，唔好期待錯誤因為新鮮製造，店員話首日keep室溫，其後就要雪藏，記得盡快食哂。除左糯米糍，仲有不少款式的布甸，店員話有優惠價，由於未食過 我安全起見叫左穩陣野。芒果布甸$12（原價$18）佢唔係實的的嗰隻布甸，芒果味都算香，幾好食，而且仲有果肉。不過怕甜人士注意，佢係偏甜的。
繼續閱讀