影片
電話號碼
26187663
付款方式
以上資料只供參考, 請與餐廳確認詳情
香港越來越多，食肆執笠？價錢貴！服務態度差！環境欠佳今天去屯門美樂自家人酒樓食午餐，酒樓唔算多人（不用等位，仲有吉枱吉凳）坐低後叫咗兩次一個光頭男員工可唔可以俾多張凳，冇睬我，跟住叫另一位女員工，佢話你兩個人點解要咁多張凳？行左去都係冇睬我。我只是想攞多一張凳有問題咩？有什麼問題？
繼續閱讀
本身諗住去隔離食車仔麵 點知冇開所以搵其他野食 咁耐以來都未試過決定飲下下午茶🫖下午茶真係好抵食，原來每一盅都好大件而且價錢一啲都唔貴我哋一行四個人 飲完下午茶都係二百幾蚊煎蘿蔔糕 大大條蘿蔔條 好正拳頭咁大粒嘅蝦餃 超級足料，忍唔住要叫多一籠不得之了 最愛嘅鹹水角 脆卜卜又煙靭糯米雞又係非常之足料山竹牛肉又係大大粒配上喼汁，超級正牛柏葉 呢一個就爭少少比較爽口啲難咬啲已經決定咗，下一次再多啲人過嚟食多啲唔同款式🤭🤭
繼續閱讀
就剛剛發生，落街去買個燒味飯，比完錢過燒味部比張飛，冇人？跟住見到個師傅廚房拎住個垃圾桶出嚟，未笠垃圾袋，即係剛掉完/換新啦，好喇，見佢換完過嚟睇張飛，就擰轉頭攞個外賣盒想裝飯，心諗，唔係呀？！你完全冇諗住洗手先架？！跟住我就出聲喇：師傅，唔該你可唔可以洗洗手先呀？個師傅背住我但見到佢定左定窒一窒，跟住先單手洗佢隻左手？！心諗你又嚟？你一洗唔洗兩隻？！佢都係求其用水沖下，跟住佢擰轉面臉同語氣都帶不滿個向樣下隻左手：拿，洗左啦，洗左啦，得未？限住我出聲：師傅你依家好不滿呀？！你掂完污糟野你冇意識我要求你洗手先有問題呀？！呢啲基本個人衛生嚟架！跟住佢斬完個雙拼，食具入袋後我拎左後，佢都依然係眼超超睥住我走。我平時好少何會投訴，但大佬呀！食肆嚟架！你做燒味係親手掂到啲食物架！一啲個人衛生意識都冇！都預咗佢悔氣咁出品架喇！如果唔見換左呢個燒味師傅，濃眉細眼！我之後都唔會再去幫襯，無錯，少我一個唔少。
繼續閱讀
叫咗午市套餐$178，個福建炒飯賣相味道一般，諗住食唔晒打包走，就向侍應取外賣盒，拎到埋嚟見到咁細個外賣膠盒仔一定唔夠裝，即刻同個侍應講，侍應死口話四四方方實夠裝，又唔肯拎個大啲嘅發泡膠盒轉身就走咗去，結果個膠盒當然係唔夠裝啦，搵返嗰個侍應，佢望一眼講句「唔夠裝呀，咁買多個盒囉」問佢拎個大啲嘅發泡膠盒，佢仲要企硬話樓面唔會拎發泡膠盒比客，真係違反常理莫名奇妙，咁食客就唯有無奈貼錢$4買兩個膠盒($2/個)。其實餐飯最尾個侍應呢啲咁唔合理嘅做法真係令人覺得整個用餐體驗好差好無奈。
繼續閱讀
星期三偷到時間下午茶🥰朋友介紹好耐無飲茶！佢係商場地鋪所以行過去有點熱，但去到坐滿人咁濟😆見到佢地話「食物保証新鮮」，就衝左入去！果然無失望👍🏻蘿蔔糕大大件，不過煎得少少軟身炸春卷色水麻麻地，但一咬落去好正呀！熱熱地仲脆卜卜🤭好好味叉燒腸入面嚿肉好大下🤣幾正好耐無食燒餓瀨，都不錯啊😌！兩個人食左六樣野（食食下吾記得影相）～飽飽好滿足但留意，可能人多所以上菜時間都吾快，如果趕時間就未必岩🥲
繼續閱讀