影片
港鐵沙田圍站 A 出口, 步行約5分鐘
繼續閱讀
電話號碼
66774936
付款方式
以上資料只供參考, 請與餐廳確認詳情
甜品鋪真係好難打80字, 呢度買過好多款甜品同豆品都比其他出面多數甜品鋪出色，全部真材實料足料，調味剛剛好又唔會太過甜，住係附近真係要支持下，博康人唔算多，希望做得住做落去
繼續閱讀
本人住在馬鞍山，星期六同家人一起踩單車去博康邨的《豆研心事》購買糖水返屋企食，我哋點了三個糖水，一共$96。楊枝甘露味道都唔錯，不過要$36都唔平，佢個汁冇乜芒果味，可以改善一下，同埋可以加多啲芒果粒，依楊枝甘露嚟講，soymart by豆乳狂人好味過去，人哋芒果多D，同埋佢個糖水兜穩固啲。多芒小丸子，要$40仲貴過楊枝甘露，味道同楊枝甘露差唔多，只不過係多咗啲小丸子，同埋少咗西柚。最好食係芝麻糊豆腐花，芝麻糊芝麻味香濃，豆腐花也不錯，最緊要係呢碗嘢最抵食，咁大碗只需$20。總括嚟講，呢間甜品店都唔錯，幾有心機整糖水，下次有機會我都會再踩單車嚟幫襯。大家都要多啲幫襯小店，如果唔係就會執笠啦！
繼續閱讀
來到這家店，第一眼見到滴滴黃金色搶眼嘅楊枝甘露，光看就令人喉嚨痕癢啦！嘗一口，舌尖上即刻感受到芒果嘅鮮甜與柚子嘅順滑微酸，好合拍，飲得我心情都開朗起來😋。講起芋園4號，呢個豆腐花配上芋泥同仙草真係獨一無二，咬落去，芋泥嘅香濃與豆腐花的滑嫩恰如其分，幾款質感喺口中交融，正！諗起粢飯都仲禁流口水🤤，係好耐冇食過咁實在嘅傳統美食，質感煙韌，每啖都食到幸福滿滿。啲配料唔係虛有其表，真材實料喺度！依家講到重頭戲，推介呢個芒果豆腐花，真係即刻愛上！芒果片醒神之余，豆腐花又爽滑得很，兩者相輔相成，係驚艷我味蕾嘅完美組合👍。諗起佢，我就忍唔住想再去一轉，個肚又喺度嗌我啦！
繼續閱讀
朋友係沙田，經常過黎玩，玩都咁上下都會搵下甜品食。沙田其實有唔少甜品舖，今次見到有間平價高質糖水小店進駐了沙田，好近沙田圍站，附近的朋友可以有多個甜品舖選擇。佢地有好多中式糖水，包括豆腐花、芋圓系列等等，這些都是我最愛食的。而且價錢超抵。我諗左好耐，真係好耐，最後，終於食左個芋圓3號 (豆腐花、紫米、仙草、花奶)，都只係$36。芋圓好大粒而且煙韌，紫米軟糯，我揀左煉奶，配上豆腐花、仙草，夏天食番一碗咁嘅甜品，只有3個字黎形容，爽爽爽! 😋
繼續閱讀
👧🏻Wodafoodie in Sha Tin住沙田既朋友有福了！最近揾到呢間平價足料豆乳飲品及糖水小店🤩佢有豆乳、豆腐花、桃膠、仙草、芋圓仲有傳統中式糖水，價錢只係$16起，超抵！重點係沙田圍站行過去只係5分鐘，值得一試😆✨ 💜芋圓3號（豆腐花、紫米、仙草、花奶）$36有芋圓既糖水點可以唔試！紫米夠軟糯，三色芋圓大大粒，幾煙韌😍芋圓系列可選配黑糖/豆乳/紅糖/煉奶/冰糖椰汁我揀左豆乳，加上豆腐花同仙草凍食真係透心涼🤩✨ ❤️紅棗蓮子桂圓桃膠 $34女士最岩揀呢個養生之選！欣賞佢既桃膠大大粒 浸得夠所以食落好滑洗得夠乾淨所以都無黑色既污糟野🫶🏻👍🏻不過如果可以揀甜度就更好啦✨ 🍼桃膠豆乳 $20豆乳飲品就可以揀正常、少甜或無糖我揀左無糖，飲到豆乳個種純粹豆香加埋桃膠，有得食又有得飲，好抵飲😋✨ 💚海帶綠豆豆乳 $18夏天咁熱 飲呢個可以下下火海帶綠豆加上豆乳底 比糖水食法少甜d又可以拎住係街飲 夏天必叫🤩📍 豆研心事 (沙田)沙田沙角街6號博康邨街市地下50號舖
繼續閱讀
您可能會有興趣的...