影片
以上資料只供參考, 請與餐廳確認詳情
首先，講句唔關事既：日溢 係讀「日日」實在好易讀錯做日益😂😂絕對係糧尾首選，我叫一個外賣雞粒炒飯呀，大份到夠我食2餐！ 😜窮起上黎呀，我分3餐都得呀！（當減肥囉）經濟差，好多人靠你架喇！佢將個外賣發泡膠盒就黎塞爆呀不過咁，唔好衝去幫襯住，如果你對食係有要求既話，就唔該停一停 諗一諗。 🤨因為，佢既味道係非常麻麻地呢～😃賣點真係大份架咋至少... 我就啱啱出左糧，暫時未諗住再次order日溢既午餐或者到糧尾時... 都唔會㨂佢.. sorry喔🥺
繼續閱讀
剛剛工作後, 在眼花瞭亂的灣仔街頭尋找簡單晚飯食時,發覺好多都是花費近百的一頓晚飯.但因為搭過海巴士的關係,就發現到呢間茶仔, 就試試你吧!因想食得清淡點, 所以叫左個蝦米雜菜煲.先黎了個例湯, 以為都是普通湯水,但呢個粉葛湯, 誇張講好似阿媽煲出黎咁. 好味!再來是個蝦米雜菜煲, 在上湯的浸著下, 令到d 菜同d 粉絲入哂味, 送飯一流! 最後飲番杯簡單的凍啡, 都係約六十幾元埋單食完一出門口等幾分鐘就有過海巴士的到來, 十分方便!
繼續閱讀
灣仔軒尼詩道熱鬧地段既茶餐廳～星期日晨早流流，想快靚正食個早餐之後就去上堂！價錢唔貴、新鮮製作，我揀左個通粉，係就係賣相唔係吸引但覺得味道都ok 既！奶茶仲要大大杯、茶味夠濃，上堂前可提提神～
繼續閱讀
經過灣仔做嘢，晨早流流食個早餐先，喺修頓對面，搵到呢間茶餐廳，門面普普通通，內部裝修普普通通，但見價錢都普普通通，即管試吓啦早餐牌灣仔來講，早餐個價做到低到$28 ，真係算超值，今日我就揀咗個A餐，試吓先西煎雙蛋及牛油方包做到太陽蛋效果，蛋黃流心，但煎唔出一種脆邊的效果。方包建議大家轉烘底，因為佢用呢隻方包，食入口係有少少「笠」口的感覺鮑魚火腿絲通粉火腿絲算多，鮑魚是絕無僅有，但偶爾咬到一條鮑魚絲，味道係濃郁的。湯底來講，比一般嘅茶餐廳更濃味，但更明顯飲得出嘅係用味精開嘅，鍾意味濃定淡，真係見仁見智熱檸水比平時嘅熱飲杯大杯少少埋單$29 ，當一個中途休息站，對食物要求不太高的話，超值得冇咩所謂
繼續閱讀
今日路經灣仔，打算食嘢，見到呢間曾經光顧過，決定食完飯先回家。食物質素算可以，等候時間不需十分鐘已可上枱。蝦醬海鮮炒飯味道偏咸，但可接受。服務水準可接受，合格。
繼續閱讀