影片
營業時間
今日營業
11:00 - 23:00
星期一至日
11:00 - 23:00
*(22:45 Last Order)
以上資料只供參考, 請與餐廳確認詳情
相關文章
同老婆晌紅磡啲殯儀館出席完安息禮拜，就專登落嚟紅磡搵食，因為晌德民街附近一帶有非常之多餐廳，選擇多又經濟實惠，加上近黃埔站，走又方便。行到近黃埔呢邊見到有間「銘興山西刀削麵」，有少少印象就喺幾年前晌大角咀食過一次，都成九點幾，望入去裡面坐滿人，證明餐廳有料到啦！餐廳呈長型，一內進就一眼睇晒成間餐廳，裝修簡約，燈火通明，一邊牆身掛上玻璃，增加空間感，小掛燈令環境變得雅致好多。對比起大角咀店，呢度就睇唔到師傅整刀削麵喇。出面仲有個自助區，自己斟熱水洗吓餐具，又或者攞啲酸蘿蔔食吓，啲酸蘿蔔仲喺任添，店家夠晒慷慨，絕對無斤斤計較，而且，啲店員服務幾好，又有禮貌，仲無服務費添。餐具、牙簽、糖包晌枱側櫃桶，自由取用，如果有放啲紙巾就仲好。大大本餐牌睇落選擇非常之多，不過，初頭睇嘅時候你可能會覺得有啲亂，但細心研究不外乎喺上湯、冷拌或熱拌刀削麵，以及多種小食、特色推介……等等，所有主食都包熱飲，但可以加錢轉配。荔枝蝦球 $45打開餐牌第一版有啲新品推介，見呢個荔枝蝦球得意喎，試試無妨。賣相真喺幾特別，幾似荔枝，雖然唔知外層嗰啲喺乜，類似旺旺仙貝咁，一口咬落去外殼好脆口；裡面嘅蝦膠就打得好彈牙，又有蝦鮮味，唔錯！唔錯！牛筋腩冷刀削麵 $62諗住天氣都仲喺好熱，所以，揀咗個冷刀削麵，由於冷麵關係，就加咗好多青瓜絲、花生、蔥花，再淋上胡麻醬嚟拌麵食，入口麵條好有韌勁，拌勻所有佐料，令到食味豐富；而啲牛筋、牛腩更喺入晒味，牛筋軟腍有彈性，而牛腩十分鬆化富肉香。花雕醉雞米線 $65老婆就揀咗花雕醉雞，估唔到喺成兜花雕醉雞咁送上嚟，份量十足，但最緊要喺啲雞好食，一來雞肉好嫩滑，二來皮下脂肪少，雞皮食起嚟好爽口，其次喺有酒香得嚟卻唔會好嗆喉，好有份醇厚感，雖然隻蛋未喺好溏心，但浸得入咗少少酒味，又幾過癮喎，加埋滑溜嘅米線，不愧招牌菜式。阿華田脆脆 +$8、熱檸水可惜豆漿只有凍，所以，老婆就照舊要杯熱檸水，而小弟見到杯阿華田脆脆幾特別，就試一試。阿華田沖得比較濃郁，面頭加咗好多朱古力脆粒，添加一份脆口感，都幾得意。由於主食嘅份量都好足秤，所以，雖然睇見仲有好多幾吸引嘅小食都想試，不過實在擔心食唔晒，依家兩個主食加個蝦球都好飽喇，有機會下次先再嚟試試！
繼續閱讀
又是準備上韓文課的日子亦慣性不停發掘旺角太子以外地區的美食；而這天就沿著屯馬線來到有超多美食選擇的紅磡區，就在地鐵站附近就找到一家很受街坊及大學生歡迎的平民美食店吃刀削麵花雕醉雞刀削麵 $65（轉冷/熱拌 +$10） 阿華田脆脆 $8（套餐加購價） $26（單價）聽說這是店家的signature food，本來這款是配熱湯刀削麵，天氣太炎熱就把它改為冷拌做法，加入大量青瓜絲、烤鹽花生、蔥跟芫茜，再配上酸甜的麻醬跟微辛的擔擔醬，拌勻以後即可食用！是非常適合夏天吃的拼配，刀削麵的麵質更煙韌彈牙口感很好，加上醬汁就已經夠好吃了～ 配角已經夠出色，但作為主角的花雕醉雞就更令人鼓掌，部份更是雞髀肉，而且份量比我想像中多！入口雞肉仍保持嫩滑，附上的溏心蛋做到半流心狀態，入味和帶有淡淡花雕酒香，卻不會太濃太嗆喉太苦澀，酒味拿捏得很不錯！成為人氣食品實在不無道理～ 套餐加配幾塊錢就有一杯「阿華田脆脆」特飲，味道濃郁也有粒粒阿華田脆脆增加口感，冰凍之餘又可以解辣包漿小豆腐 $45個人推薦這個小食啊！下單即炸，看起來是很普通的炸豆腐，金黃微脆的外皮，裡頭嫩滑程度有如豆腐花的感覺，有意想不到的口感，豆腐味跟灑在表面的孜然粉，實在好吃！荔枝蝦球 $45以紅米包裹著蝦膠的中菜款式，在這裡只需以小食價就可以吃到了！沒有浮誇的把一粒一粒的荔枝蝦球掛到假樹上，伴隨的就只有混入點點煉乳的沙律醬，紅米炸得香脆，裡頭的蝦肉彈牙好吃，配醬汁味道會更豐富，這個也是推薦啊！涼拌青瓜 + 黑木耳 $35（單價） $45（雙拼價）撇除以上的特色小食，店家還有不少涼拌系列，部分更可以雙拼啊！青瓜+黑木耳作為涼拌絕對是經典，除了麻辣還加入蒜頭、花生、葱等配料，香辣感十足也非常惹味！想居住在紅磡跟黃埔區，或在這邊上班的朋友對這店並不陌生，裝潢位置雖處於內街不過只離地鐵站5分鐘不到的路程；最重要的是這間的無論價錢跟味道都是超值啊！大大份絕對會讓你吃到飽，款式拼配真的超多（選擇困難症的朋友要留意），還有醃蘿蔔任食！到訪當晚是星期五晚上，但由入座到離開都是座滿了客人，要知道這店的座位真的很多很多，人流絡繹不絕！初嚐這店確實有很好的進餐體驗，眼見還有其他分店更便利我，下次會再去其他分店嘗試其他口味
繼續閱讀
一開始在比較狹窄的舊址也常常吃，自從搬了新店之後反而不是住在附近😆吃過好幾間分店 還是覺得紅磡店特別好吃 價錢定位是便宜大碗 凍飲加幾元 搵店員落單 唔使自己落幾好老家在山西的朋友大拇指認同 說好吃但他比較喜歡湯麵作為本地人 我比較喜歡熱拌口味 花雕醉雞肉質很好 很嫩很入味還有半熟流心蛋-拌麵加上了日式芝麻醬 蒜香可算是有點新意思還可以選不同的辣度麵條有勁道 真的不吃不厭雖然山西人沉默了 本地人還是很喜歡牛筋腩 其中一款配料選了這款 很入味好食還有豬軟骨不要錯過香炸Q彈墨魚餅好吃 就是喜歡墨魚類的小食另一款比較喜歡的小食是豬頸肉 好像也是這裏的招牌菜 香脆可口
繼續閱讀
作為黃埔之友，一定會認識銘興山西刀削麵，之前舊店都會間中幫襯，上年搬咗去隔離街後今次第一次來，地方大咗光猛咗，裝潢都好好多。最出名嘅刀削麵依舊咁好食，口感煙韌而且份量十足！可以選擇拌麵或上湯，這次點了麻辣牛筋腩上湯刀削麵$56，牛筋入味之餘夠煙韌，而牛腩則軟淋，配上麻辣醬汁非常惹味，最佳配搭👍🏻除了刀削麵，其實其他小食都非常出色，其中必點推介有🐔花雕醉雞 $55，花雕味濃郁，雞肉鮮嫩，水準相當高。另外包醬小豆腐 $45 都好好食，外表炸得香脆，內裡香滑，加上調味粉令人回味！香炸Q彈墨魚餅 $45真係非常彈牙又香口，又係必點小食之一，誠意推薦。另外再點了涼拌青瓜 $35，充滿了麻辣醬汁，味道偏辣，如果喜歡辣就一定要試了
繼續閱讀
紅磡多嘢食就係人都知，週末姐姐放假唯有周圍覓食，近近地見到呢間山西刀削麵都好多分店，而且價錢實惠🤤見到有好多大學生嚟食滿座，所以就入嚟食晚餐！🍽️ 花雕醉雞熱拌刀削麵好耐冇食過花雕醉雞，所以叫咗一個醉雞刀削麵，再加$10轉熱拌😋估唔到都熱拌刀削麵咁大碗，有大量嘅芝麻醬同青瓜絲，好Fresh😝刀削麵煙煙韌韌撈埋一齊食好味道😍呢個熱拌刀削麵真係值得一試，而醉雞凍凍地浸到好入味，越食越開胃！🍽️ 過橋刀削麵過橋米線就食得多，今次為咗Lisboy叫咗呢個包羅萬有嘅過橋刀削麵套餐🤣真係好大碗！有牛丸、豬耳、豬丸⋯咩都有得食，仲有大量嘅手撕雞肉，配咪煙靭嘅刀削麵，Lisboy食到舔舔脷！🍽️ 荔枝啵啵蝦球揀主食之前，我哋見到呢一個荔枝蝦球好特別，成個荔枝嘅外型炸到脆卜卜，原來入邊係蝦球🤤真係有特別又滋味！🍽️ 蒜泥牛展Lisba 日最愛牛展😝所以呢個蒜泥牛展係佢必點之選，蒜香重牛展入味！🍽️ 香炸Q彈魚餅呢個魚餅係叫嚟俾Lisboy食，煎到外脆內軟，佢食咗兩三塊，滋味無窮😝
繼續閱讀