影片
開飯介紹
供應多款台式料理、夜市小吃及任食火鍋；火鍋有多款湯底選擇，並按所選的牛肉級數收費，豐檢由人。店內更設有「櫻花樹」，讓食客掛上許願卡。
繼續閱讀
營業時間
今日營業
11:30 - 23:00
星期一至五
12:00 - 23:00
星期六至日
11:30 - 23:00
公眾假期
11:30 - 23:00
以上資料只供參考, 請與餐廳確認詳情
有關獎賞計劃
相關文章
我哋揀咗要Set B（$308）咁首先講咗我哋嘅湯底先啦我哋揀咗要戀戀蕃茄鍋/椰皇雙子鍋兩個湯底食落去都好濃郁😝😝（特別係後者）聞落去椰子味真係幾重～食響鈴真係一流👍👍蕃茄湯食落去亦都幾鮮甜之後就講吓佢哋嘅牛肉/豬肉先啦澳洲和牛食落去幾滑嫩😋😋而且紋路幾靚、油脂均勻食多幾件都唔會覺得好Heavy精選牛板腱嘅牛肉味比較濃郁😗😗茶美豚梅肉食落去煙靭、爽口食落去唔會覺得好乾咁之後就講吓其他打邊爐配料啦花雕醉雞食落去都幾滑☺️☺️（花雕酒味亦都唔會太過濃啱啱好）有一個香辣貢丸食落去都幾特別😘😘食落去味道唔會太過辣之餘又幾惹味所以我都encore咗幾次跟住就講吓佢哋嘅台灣小食啦我自己幾鍾意嗰個府城蝦卷/蔥肉餅因為真係幾脆口😍😍而且食落去幾Juicy鍾意食榴槤嘅人都一定要試吓榴槤炸彈最後就講埋佢哋嘅飲品/甜品啦佢哋依家新推出咗飲品外賣食飽之後仲可以單嗌嘢飲拎走👍👍我哋就揀咗要Chill芝芒芒（$36）/爆Chill芝青青（$42）兩杯飲落去都真係幾入味😜😜配埋芝士一齊飲唔落去就更加Creamy甜品方面，佢哋嘅窩夫真係做得幾出色😚😚食落去幾脆口再加埋雪糕一齊食就更加Perfect黑糖豆腐花食落去都幾夾☺️
繼續閱讀
90分鐘成人 ＄278 /小新及長者 ＄198120分鐘成人＄308 /小童及長者 $228別忘了之前食過幾次都知佢咩料但今次新湯底有令人耳目一新！椰皇雙子鍋酒香麻油雞前者就一如以往出色 追開我既讀者就知我幾鐘意椰子湯底後者真係好重麻油香味令我諗起去台灣旅行既宵夜麻油雞湯米線作為邊爐湯底喺香港都應該唔常見 但絕對係被低估既選擇無論淥牛肉定係浸響鈴都會好入味講起又有啲流口水想再食過套餐方面揀左SET B 澳洲M7除左包SET A有既：澳洲250日穀飼卡樂Beef精選牛板腱西班牙粟飼豬梅片羊肉卷SET B再多左：澳洲M7牛胸腹日本鹿兒島茶美豚梅肉我地儘可能試哂每款牛肉整體各款肉類質素都高既但因為仲有好多台式小食同甜品 所以戰鬥力有限 冇encore好多次牛肉如果budget有限既朋友其實SET A都好值得一試 唔會將貨就價配料同甜品其實算係呢度既隱藏主角各類既小食好似台灣香腸、紹興醉雞同鹽酥雞、炸雞排、香芋丸等炸物仲有超級多既台式甜品同飲品雪花冰、仙草凍、雪糕窩夫台式奶茶/奶綠/果茶再加唔同配料當中奶綠有得走糖 如果奶茶都可以就更好最後套餐仲每人配一隻蘭王雞蛋同movenpick雪糕所以如果你想策略性食牛肉食回本既話都幾大機會失敗 因為呢到太多好吸引既台式甜品/廢水選擇喇
繼續閱讀
近期少左出街食飯, 不過就算少左出街食都好, 依然會有機會體驗到被餐廳職員惡待, 而且呢類型嘅餐廳仲有可能包埋價錢貴食物質素又差嘅特質, 可能呢個係香港嘅文化? 身為本地人有時都會比佢地嚇親更何況係遊客呢。 不過寫一篇食評都花唔少時間, 而且又要整理啲相, 如果唔係真係衰到極致我都唔抽時間寫了, 最多自己black list唔好嘅餐廳下次唔再去!今次係我唔知幾多個月無寫食評之後再次寫食評, 原因係呢間餐廳比到我一個舒適嘅環境, 食得好開心, 見到openrice上面有唔少人專登開個帳號黎留劣評比餐廳, 但一個中評或好評都無寫過, 我就覺得如果人地做得好嘅話就唔好吝嗇讚美。琴日因為約左朋友黎荃灣玩, 玩之前就醫飽左個肚先, 可以坐耐啲傾耐啲所以事前為左專登揀左可以食好耐嘅餐廳我地一行四人黎到揀左四款湯底, 我就無試朋友嘅湯底, 自己揀左椰子湯, 椰香味重, 用黎煲南瓜好好味, 南瓜仲要係粉粉地嘅口感, 配埋椰子味真係好夾, 朋友試左之後係咁話要食我個煲椰子湯我唔單止鍾意南瓜, 豆製品都係我超級鍾意嘅食物, 煲左好多響鈴搞到個湯油淋淋 但間唔中放肆下都ok嘅呢幾個月有兩次係其他餐廳打邊爐嘅經驗, 一間餐牌度寫有響鈴點知去到又無得嗌, 一間就係曾經去過一次有響鈴但上一次無, 真係好失望而且仲要兩間都係岩岩開場就無 可能無入貨呢次黎別忘了我每次出去夾都有響鈴, 而且唔係得返碎頭碎尾, 真係夾得好開心, 食得好滋味 蔬菜櫃啲菜都好多款, 又新鮮又補得快, 每次出去都係滿滿嘅丸類都有唔少選擇,仲有即食炸物, 我就無食, 朋友們話ok另外呢度嘅台式飲品係任嗌, 我一人飲左三杯, 味道唔可以話好好飲, 但我覺得同出面野飲舖個啲差唔多質素, 無乜特別甜品方面我試左豆花同鮮草芋圓, 真心唔推薦甜品, 個豆花係布甸口感仲有啲藥材味, 芋圓較硬, 最後我繼續煲南瓜當甜品 XD我地食到飽飽最後唔記得左嗌雪糕, 好似話一人限嗌一份, 但唔緊要, 最緊要食得開心服務方面不得不讚,亦係好大嘅原因令我要寫返食評, 職員由帶位, 侍應, 收銀都好有禮貌同親切, 基本上食到咁上下就會有專人黎主動加湯, 嗌嘅食物同飲品都上得快同埋大致黎得齊, 唯一漏左一款配料, 我地話比一位戴眼鏡中等身材嘅男職員知後佢主動跟進, 過多一陣仲有黎問我地個配料有無到, 真係好抵讚廚房職員我無見到佢地唔知佢地態度係點, 但以上菜速度同漏單率黎評嘅話都幾肯定佢地做野都幾妥當又快手呢間餐廳已經入左我嘅喜愛名單, 下次有機會嘅話會再黎食過
繼續閱讀
♡ 性價比極高嘅火鍋店｜別忘了 ♡-最近朋友介紹我去食一間台式嘅火鍋店「別忘了」 我呢啲港女梗係要去朝聖打卡啦😂😂呢度望住一棵櫻花樹 ～～ 進餐🌸今次就揀咗最抵食嘅 🌟😍😍$298 澳洲M7和牛餐 😍😍 仲可以食120分鐘 真係性價比勁高‼️‼️火鍋湯種類選擇都幾多 而我就揀咗藥膳養生鍋同埋椰皇雙子鍋😍- ♡ 肉類 🥩♡ 種類嘅選擇都好多 有茶美豚梅肉、牛板腱、卡樂Beef、M7牛胸腹等等～ 豬肉口感甚佳 🫶 M7 牛肉油脂分布平均 嫩中並帶有爽口感真係encore咗勁多次🫶🫶👍🏻-♡ 炸物 ♡ 有榴槤炸彈、小雞排等等～ 過下口癮真係唔錯😋-♡ 火鍋配料 ♡ 我哋叫咗鴨血、墨魚滑、蘭王生雞蛋🥚～ 出面仲可以拎唔同嘅配料 有蔬菜、台式丸子等等 ～ 仲有麵類選擇👍🏻👍🏻-♡ 甜品🍧 ♡ 呢度最出名嘅就係刨冰 不過當日就想試吓其他😆於是我哋就叫咗芋圓仙草凍 同埋 棉花糖小芋圓配窩夫🧇 最鍾意就係佢嘅芋圓真係好煙靭😋-♡ 飲品 ♡ 一打開佢嘅飲品類，真係大開眼界👀佢哋提供多款台式飲料基本上真係可以用 「包羅萬有」形容👍🏻我哋就叫咗純純冬茶、雷萌胭脂桃花紅茶、別忘了水果茶同桂花春茶～ 真係款款都咁好飲👍🏻 ❥#⇢店鋪資料：別忘了 (荃灣)荃灣眾安街68號荃灣千色匯I 2樓2032號舖## 🔍尋找同區美食📍➾ #礦泥黃X荃灣-#hkig #hk #hkfoodie #hkgirl #foodie #hkfood #foodstagram #foodblogger #foodgasm #香港美食 #香港好去處 #香港小店 #相機食先 #手機食先#拍拖好去處#香港美食地圖#香港美食指南
繼續閱讀
今日又經過別忘了, 平時食開平價套餐嘅我突然好想試下宮崎牛. 畢竟超市買一pack都要2-300蚊. 中午免加一$268.講真上菜真係有啲驚喜, 個份量好似多個超市$300 gram數的. 如果計落甜品飲品同菜、丸任食又唔使洗碗, 在我角度係完全ok的, 哈哈！😁宮崎牛果然係入口即溶, 唔可以超過十秒, 要好易咁入口真係好好正.我今次揀咗壽喜燒, 雖然唔係用鐵鍋燒的, 但醬料味道很正宗！ 隔離枱見到我碟牛都話好靚, 仲問係邊個套餐😬成件事我覺得好滿足, 我覺得抵食嘅！
繼續閱讀