影片
營業時間
星期一至五
10:00 - 17:00
星期六至日
全日休息
公眾假期
全日休息
以上資料只供參考, 請與餐廳確認詳情
台鐵火車便當呢個飯盒機咁得意賣嘅飯盒同台鐵便當咁似樣嘟-揀-撳～又幾方便，味道有驚喜，份量夠，飯香，餸亦好味。性價比好高食飯時間唔使同人逼逼共快快手食飽抖陣又開工佢有好多選擇，古早排骨火車便當係台灣火車便當最傳統嘅一種，塊豬扒好大冚晒成個飯口。用古早方式製造排骨，可以食到台灣古早排骨風味，性價比極高。另外其他款式，廟口鹽水雞髀便當、香菇肉燥便當、紅燒牛舌香腸便當、三杯雞扒便當、彰化鄺肉雞翼便當、薑燒牛肉香腸便當、紅燒牛舌香腸便當、沙茶豬頸肉花枝卷便當、眷村獅子頭雞翼便當、，阿嬤蔥油雞貢條便當、山葵一口豬貢條便當 。全部都係台灣風味，喺香港確實少見。
繼續閱讀
第一次叫了廣肉便當同鹽水雞腿便當，媽咪食到一直心思思想再食。今日叫了外賣，一叫就係三份便當，因為媽咪貪心想試兩種，我唔o禁住佢，佢會成個menu都叫曬！今日叫了：廣肉便當、肉燥便當、牛肉台灣香腸便當，同埋茉香珍珠奶綠。樣樣都好好味！😋😋😋😋😋😋😋😋😋下次想試排骨便當😂😂😂🤗🤗🤗🤗‼️‼️‼️‼️‼️🉐️🉐️🉐️🉐️🉐️‼️‼️‼️‼️‼️💪🏼💪🏼
繼續閱讀
公司附近有間新開嘅台灣便當外賣，開咗之後，見公司大半同事成日捧場，今日終於跟咗同事去湊熱鬧，買個外賣試吓。WhatsApp落柯打，外賣就準時送到公司樓下，兩個起就送，今日同好姊妹夾份叫。我叫咗個古早味鐵路排骨便當，好姊妹就叫咗廟口鹽水雞便當，大家都係飲珍珠奶茶。今日落大雨，好彩唔使行出街攞外賣。一放飯，我哋就衝落樓下攞外賣，淋到濕晒嘅外賣哥哥已經等緊我哋，值得一讚！午飯時間爭分奪秒，你遲1分鐘，我哋就少1分鐘！返到公司急不及待打開，忍唔住「嘩」左一聲，因為完全睇唔出係$35嘅外賣！先講外賣盒，設計好靚好有心思，用料係正宗台鐵外賣盒嘅用料！打開香噴噴，餸菜鋪滿飯面。大大塊肉排，酥軟、多汁又入味，加埋半隻滷蛋，好滿足。伴以大量新鮮蔬菜，完全做到營養均衡，飯又粒粒分明，破晒自己紀錄，唔使10分鐘，我食到一粒飯都無剩。好姊妹同事俾咗兩舊鹽水雞我試，連皮食，一啲都唔肥膩，雞肉鮮味又鹹香，完全唔似雪藏雞！（$35 ，斷估應該係雪藏雞）盒飯實在太好食，一氣呵成食晒，食完盒飯先記得叫咗杯珍珠奶茶。一飲落去，我又係「嘩」咗一聲，好姊妹翻我一下白眼，然後串我：一早叫你試㗎啦！茶身滑不特止，最重要係茶底香而且唔膩，以我飲品控嘅經驗，茶底應該係溝茶葉，而且唔係cheap嘢先可以冲到咁香嘅茶！珍珠粒粒分明又煙韌，最怕珍珠奶茶啲珍珠黐到一舊蕉，啜都啜唔到。唯一希望小店會新增多幾款便當、小食。4款便當真係唔夠。
繼續閱讀
昨天中午到荃灣西開會 ,見到街上面嘅廣告寫住 台灣火車便當。 因為之前成日去台灣嘅關係， 成日都會響街好似當地嘅上班族一樣 ，會買當地嘅便當 。如果坐台鐵嘅話更加一定會買台鐵嘅火車便當， 因為火車便當係做得好精緻而唔係普通一個飯盒， 無論盒入面嘅擺款同埋味道都非常特別 , 因為佢係整定嘅便當,唔會太過熱辣辣 ,但係喺溫暖嘅狀態下都保持到美味, 呢個係火車便當嘅特別之處 。但依家疫情關係已經好耐冇出國 ，所以見到火車便當四個字即時眼前一亮 。不過喺香港有啲自稱台灣便當嘅地方 ，之前都試過好多次， 根本就唔係嗰樣嘢 ，完全冇台灣特色同嗰種味道 。 但係因為太耐冇食台灣嘢嘅關係 ，見到呢個街招都跟住摸上去 。原來呢間舖頭響工業大廈裏面 ，冇做堂食只做外賣 ，佢有四款飯分別係， 雞腿爌肉 ，鹽水雞 ，排骨同埋紅燒牛肉， 仲有台式飲品供應 。我叫咗一個鹽水雞便當同埋珍珠奶茶 ,然後拎咗返去 office 。當喺個袋拎出嚟時，竟然有驚喜 ，因為個盒唔係普通嘅外賣飯盒 ，佢係用返台灣台鐵嗰種火車便當盒 ，當堂一種熟悉嘅感覺返咗嚟， 感覺好似去咗搭台鐵咁 。跟住打開飯盒 ，更加喜出望外， 佢成個擺盤就同台灣食嘅一模一樣 。台灣嘅火車便當一定有幾樣元素，會有配菜漬物 ，時令蔬菜， 肉類， 同埋會擺得好整齊填到個盒滿曬， 畀你一種好飽滿嘅感覺 。 我呢一盒係鹽水雞便當, 裏面有整整一隻雞髀 ,仲有玉米筍同埋薯仔。雞髀好緊緻有啲似走地雞嘅感覺 ,充滿鹹香味。我食得出薯仔係用橄欖油撈過， 每樣食物都有特別處理過 ,好有心機。 最緊要嘅係佢仲要獨立配一盒醬料喺裏面,呢盒醬料竟然係香菇肉燥 。重有係啲飯 ，粒粒分明又香口 ，真係好有台灣味，喺香港從未見過 。今日繼續開會，我當然又去再幫襯佢 ，今次試一個叫做漳化雞腿爌肉便當。 同昨日一樣 ，一打開， 擺得好精緻 ，成個便當擺得滿滿咁樣。 三種漬物分別有紅蘿蔔白蘿蔔同埋青瓜， 酸甜適中 。蔬菜有高麗菜同埋四季豆。主食有半隻鹵水蛋， 竟然有啲糖心。 一隻鹵水雞下髀， 同埋爌肉 。五花肉煮得油香滿口 ，入口即化 。今次呢個便當嗰盒醬汁係蔥辣醬 ，呢個蔥辣醬不得了， 根本就係漳化食爌肉嗰間舖頭獨有嘅蔥辣醬， 竟然畀佢做咗出嚟。 呢個醬落埋落啲飯度， 根本就唔夠送飯 ，最後一粒飯都冇剩 。後尾我問返啲同事， 原來呢間舖頭係新開嘅 ，淨係開星期一至五做午市 ，搞到我想星期六日過嚟買都唔得。 希望呢間舖頭可以開到分店響出面，咁就有機會多啲食。真心推介 ，想食正港台灣味一定要嚟試。
繼續閱讀
偶然發現外賣隱世小店， 有四款便當，一些小食及台式飲品。和同事一起點了全四款及四杯台式飲品試試。 打開滿滿一盒，L1有雞槌、五花腩、蔬菜、滷蛋；L2有一隻大雞髀及一些配菜；L3有排骨豬扒及滷蛋蔬菜；L4有牛肉配台灣腸，全部有漬物跟醬汁以小盒另上，包裝跟台灣吃到的火車便當一樣， 算是十分精美，看得出製作用心。味道很好，跟香港一般吃到的台灣菜不同，是正宗台灣風味。 台式茶不錯， 總括來說性價比十分高，抵食又好食。沒想到能在香港吃到這種便當，能 一解因疫情未能旅行的心癮。
繼續閱讀