影片
開飯介紹
餐廳裝潢走日式簡潔風，設有戶外座位。提供西式及日式的菜餚，且提供健怡菜單及兒童套餐。
繼續閱讀
附加資料
繁忙時間，用餐時間90分鐘。晚市室外座位設有 Minimum Charge : 星期一至四每人:$300 , 星期五至日及假日: 每人:$350
營業時間
今日營業
11:00 - 22:00
星期一至五
11:30 - 22:00
星期六至日
11:00 - 22:00
公眾假期
11:00 - 22:00
以上資料只供參考, 請與餐廳確認詳情
有關獎賞計劃
相關文章
明顯就係餐牌上嘅嘢樣樣都想叫，前菜我哋嗌咗薯條同埋巴馬蜜瓜多士，薯條係我最愛嘅粗薯條上面仲要落咗好多芝士勁開心，即炸嘅薯條係無敵嘅，巴馬蜜瓜多士有驚喜，巴馬火腿有油香，入邊啲粟米表面仲要燒過勁有誠意！主菜我哋叫咗安格斯肉眼牛扒同埋意式青醬蟹肉意大利麵，我冇諗過塊牛扒都幾大塊而且都夠厚，我哋叫咗medium所以真係好Juicy，意式青醬蟹肉意大利麵超好味，入邊都幾多蟹肉，而且我一向都係青醬愛好者，佢個青醬做得唔錯！一向覺得pekopeko嘅食物都有水準，隔咗一段時間冇嚟食，食物品質同味道都keep到個水準！
繼續閱讀
諗住幫朋友仔慶祝生日，咁啱上網見到荃灣西有間可以望到海景又可以寫生日牌嘅西餐。 本身諗住坐戶外位置可以打卡汀九橋，但咁啱當日打颱風，户外暫停開放，十分可惜。我們揀咗張坐房嘅枱，房間空間大又安靜，十分適合我們傾偈，感覺都幾舒適☺️。 餐廳有提供二人餐，套餐幾豐富。但因為不是十分肚餓，我們選擇了單點幾款想食嘅嘢食。 頭盤：蟹肉牛油果船，口味清爽，又開胃又健康，值得推介👍 。主菜：藍青口，幾入味，而每隻都好飽滿。牛扒都好大份，成數啱啱好，而且煎得香😋。 但最開心嘅係，成功俾到驚喜俾我朋友。訂咗當日會有餐廳同事打電話同我確認訂座，幾貼心嘅喺會確認多次生日名，以防出錯。同埋會送埋張即影即有相，超正嘅體驗🥰。 如果想慶祝生日嘅朋友仔，呢間餐廳值得一試😍。
繼續閱讀
好唔好味呢啲都係個人感覺但樣樣野食都係微暖接近凍的🙂↕️🙂↕️🙂↕️好似煮完上碗碟好耐咁唔會有下一次想坐室外係要人均消費$300咁想坐室外 最後叫左個4人餐🙂↔️🙂↔️🙂↔️生日飯 明明想坐耐啲但完全食唔落 坐唔夠一個鐘😮💨😮💨就即刻買單等買單都等左成10分鐘收碟又收到鬼死咁快明明未食完已經走黎問仲要唔要🫠🫠🫠🫠你收走晒佢啦🙂↕️🙂↕️🙂↕️🙂↕️🙂↕️🙂↕️🙂↕️🙂↕️🙂↕️
繼續閱讀
今日同朋友中午去咗呢度食飯，我哋等咗廿幾分鐘，都仲未上任何食物，朋友問侍應係唔係每個客人都係要等廿幾分鐘都未上嘢食，個侍應有禮貌咁答我哋好快會上菜。後來終於上咗呢盆食物，然後就有一個著住唔同制服嘅男士走過來，態度麻麻咁樣同我哋講，佢話佢哋嘅服務承諾係30分鐘之內上菜，我即刻望電話，由我哋入座到上菜已經過咗34分鐘，但其實我哋杯飲品未上。佢又話每一樣食物都係即叫即整，所以需要多啲時間。我哋冇同個男人繼續爭論落去，既然佢話即叫即整，我就即刻每樣食物都試一試，竟然有以下發現：頭盤：日式餃子：凍嘅 煙三文魚醬油淮山漬：凍嘅 (呢個正常）主菜：法式燴牛面頰：室溫，不過完全無牛肉味，淨係得好咸嘅醬油味 印式乳酪烤雞扒：室溫，over cook，啲雞肉好硬豆乳雞湯：熱嘅鰹魚湯烏冬：微暖Tiramisu: 啲cream 溶嘅總結：除咗個豆乳雞湯係熱嘅，冇一樣似係即叫即整！好彩今次唔洗我俾錢，不過下次有人請我都唔會再嚟呢度食！
繼續閱讀
喺荃灣附近住咗咁耐，要帶狗狗出去一齊食嘅選擇都比較有限。咁適逢其實依家嘅天氣都唔算太熱，咁就一於帶埋狗狗出街啦😆揀咗呢一間喺商場嘅餐廳，其實已經唔係一次去㗎啦，都去咗好幾次，次次都係帶狗狗坐出面，雖然天氣冇夏天咁熱，但係坐出面都幾翳焗，好彩佢哋嘅風扇係有凍風出，呢個就比較錦上添花！ 食物方面，喺OpenRice訂，有八八折，不過食物質素就未算太好，偏鹹同埋偏油，咖啡就正正常常，不過主子坐得開心，有得出街街玩就心滿意足了😍🥹
繼續閱讀