影片
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
純粹因為近所以去幫襯一下。大概12:30唔使等位，去到就可以入座。攞位嘅時候已經講明係5位大人，1位小朋友（兩歲）問侍應攞BB櫈好快就拎咗俾我哋。點咗一碗雞米線、叉燒包、叉燒腸，酸菜魚味道中規中矩；其他基本嘢冇特別；鮑汁鳳爪，有色無味；椒鹽白飯魚，應該係即炸熱嘅；燒賣有粒大蝦算係足料；炸鮮奶，脆但係唔熱；原本冇諗住寫食評，所以本身冇影相。但係態度實在太差，所以需要同其他食客分享一下。坐低點咗幾款點心之後覺得唔夠，所以諗住加單，就問職員拎多一張點心紙落單，佢嘅回應係「頭先冇俾你咩？」（講嘢好大聲，而且係用質疑嘅態度）我回覆：加單 （係咪唔想做生意呢？加單都唔得？）跟住兩個阿姐（職員）企喺我隔籬傾偈，其中有議論其他客人麻煩⋯而且隔籬枱上坐點心嘅時候，有即時跟進㗎，但態度都唔係幾好，又係質疑人哋係咪自記落錯⋯我哋聽到呢啲說話，快快脆脆食完就走啦。到埋單俾錢，過程都算順利。之後睇單發現佢連小朋友茶位都有計（朋友之前嚟過係唔計嘅），所以去咗隔籬個收銀問咗一聲，又係用啲好惡劣嘅態度回應。其實飲餐茶食個lunch，都係一班人傾吓偈輕鬆吓。點解成個過程要咁勞氣呢？唔係一個人態度唔好係接二連三幾個人都係態度都好差，呢間酒樓發生咩事？竟然到而家都唔執笠。
繼續閱讀
今日中午諗住飲個茶之後行下街去到睇門口都多人等，心諗冇死啩，入去話即刻有位，原來門口啲人等下午茶，好啦入去坐低點野食都好地地…點知一上菜，果個上菜呀姐態度差到一個點，我3個人坐一張枱，明明仲有個走廊位上菜，佢係都要喺我隔離上菜，仲大大聲叫我「睇住！」，之後仲大大力將啲野食抌上枱面！我問佢：「你咩意思？」佢話：「咁你阻住我，我咪叫你借開，睇住！」我直坐喺度睇緊電話，明明仲有個吉位你上菜仲要係走廊位，我一直郁都冇郁過，到底邊度阻到你？ 咁嘅服務態度！真係冇下次到底我嚟食嘢？定係嚟睇住佢？
繼續閱讀
鼓勵香港人返大陸既臭服務酒樓，特別係收銀，9/10m晚更既收銀，西到你唔信，香港飲食業玩完總有原因，最悲哀係缺人到要請埋呢啲西人，投訴無門，除咗呢度發洩下諗唔到。
繼續閱讀
今日同屋企人嚟歎個下午茶一點半到咗拎位 排緊第四張枱都幾多一家大細排隊飲茶一點十左右就開始放人入去✨優惠孖寶嗌咗下午茶special 腩仔米線+牛肉腸粉腩仔嘅皮燒得好脆 幾出色 好抵食✨陳皮牛肉球牛肉球大大粒正常發揮✨沙嗲金錢肚金錢肚幾爽 沙嗲味濃 同埋唔會冧哂 件件都大舊 唔錯！✨薑汁雞包仔包熱辣辣 食落好鬆軟亦都有薑汁味道餡料十足 有晒雞肉同冬菇✨豬骨湯鮮竹卷一咬落去爆哂汁 餡料豐富配合埋豬骨湯 好有層次weekend一家人飲茶抵食之選😽
繼續閱讀
翠湖海鮮酒家荔枝角長沙灣道833號長沙灣廣場2樓202A號舖score 分數：A/70+位置： 好方便，係荔枝角站A出口，長沙灣廣場上，全程有蓋唔怕雨。除非你行路或搭巴士價錢： ～HK$150-250/人(晚飯價)味道：味道係標準囉～好食但又冇咩大驚喜服務： 酒樓阿姐服務咁，還想咩要求清潔： 大致乾淨環境： 晚巿酒樓囉特色： 廁所係出面（算方便）、 茶水無限添飲（吹水好去處，唔怕缺水）以我去過咁多間晚巿酒樓嘅經驗，講真嘅，我覺得冇咩特別。唔難食，又唔係特別好食，好標準嘅傳統中式酒樓。午巿嘅點心我就未試過啦，但今次係佢裝修後第一次去，都係算咁，因為成個環境算新。
繼續閱讀