影片
營業時間
今日營業
08:00 - 20:00
星期一至日
08:00 - 20:00
以上資料只供參考, 請與餐廳確認詳情
成日行過一直都覺得呢間麵包鋪d包好靚，價錢一定好貴。今次入到去，發現同我想像中有出入，充滿驚喜!入到鋪頭好第一超多款式，好香麵包味，未食早餐行入黎，真係流哂口水。麵包款真係好多，真係花多眼亂，要慢慢揀試食咩包。由於我實在太鐘意芋頭餡嘅製品，見到呢個芋泥小盒，成隻紫色四四方方，真係忍唔住入手了，一夾上手，成個包好咁重嘅。收銀姐姐好有禮貌問駛唔駛幫你加熱? 焗爐加熱完成個包即刻好香好香。姐姐專登唔唔封實，成個包唔會俾水蒸氣焗到淋哂，真係好體貼!返到公司切開個包，隔離同事都聞到。嘩，真係好香好正而且絕對唔係空氣包，平時出面食麵包，通常都要食2個先夠飽(可能我太大食了)，呢個包食完一個已經好有滿足感。
繼續閱讀
品榖🍞係一間我到訪好多次既麵包店。近期社交平台見到推出咗新產品！所以今次就去新分店買咗一款bagel，同一款麵包試下🥰🍑番茄煙肉比高🍅🐽🧀今次新出咗兩款口味，分別喺番茄煙肉，同藍莓芝士。今次就試咗咸嗰個。佢最出面係一個蕃茄味包體， 夾咗蕃茄乾喺入面，仲帶有少少香草味。內饀就有芝士同埋煙肉， 芝士係甜甜地，拎去焗一焗仲會流心， 而煙肉食落去有啲似火腿， 整體似蕃茄芝士pizza，吾錯🍑合桃芝士🌰🧀裡面有好多芝士粒粒，我都拎咗去焗咗一陣，中間芝士即刻流心。依款芝士同蕃茄嗰款一樣，都帶有少少甜味。另外，除咗芝士裡面仲有啲合桃，合桃同芝士一齊幾夾，麵包食落去好煙韌，幾好食
繼續閱讀
之前見佐敦有分店，已經想試點知依家開到嚟西環HKU附近都有入到麵包舖好似入咗麵包博物館咁😍超多款式，全部望落精緻Pastry有多款口味牛角酥🥐Bagel有原味、抹茶納言、海苔肉鬆、蒜香墨汁、金鑽鳳梨🥯仲有好多好多新穎台式麵包款，例如芋泥小盒、oreo麵包、伯爵愛民芒包、檸茶包等甜點有曲奇餅、果仁撻、可麗路、伯爵茶鬆餅等▶️ 迷你傳統長棍 Mini baguette tradition ($17)✨烘焙師精選✨平時見嘅法式baguette都係超長超巨型🥖一個人一定食唔晒呢度竟然有迷你版，迷你得來都有100g重比一般baguette深色，兩端成尖型，好似番薯形狀🍠估計用咗酸種配方，聞落有少少豉油咁嘅鹹香味唔焗熱食會比較硬身，要用啲力咬用焗爐焗至外皮近乎燶就做到外香脆內軟口感😍建議焗熱食！麵包肉好煙韌，回彈力十足，唔係一般白麵包軟綿綿質感鹹鹹地，搽果jam會好適合-又多一間本地出色麵包舖🍞款式係我暫時見過比較多同特別嘅一間開起HKU B1出口水街附近，啱晒啲趕時間嘅大學生買來做早餐、午餐、下午茶🫖麵包袋用紙袋，比交代環保又靚啲性價比唔錯，全部麵包大大個，絕對唔係空氣麵包買個包加$20仲可以配杯咖啡或latte
繼續閱讀
今日又來到西環，今次試咗品穀的外賣布甸撻想話呢個布甸撻賣相一流至少我望到真係想買來食但食落整體就還好的，未去到好驚喜既味道。如果有好高期望既客人可能會覺得有d 小普通
繼續閱讀
第一次買，問多兩句，服務員就眼望眼，態度令人很不舒服。未食都唔想再來，今時今日，咁噶服務素質，真係貼錢買難受。不宜整部自助收費機，唔識用最多試多幾次，唔洗睇人眼色。
繼續閱讀