影片
港鐵觀塘站 B2 出口, 步行約3分鐘
繼續閱讀
電話號碼
98493567
營業時間
今日營業
11:30 - 21:00
星期一至六
11:30 - 21:00
星期日
全日休息
*勞工假期休息
以上資料只供參考, 請與餐廳確認詳情
-
網上訂座即將推出
今日去左觀塘見個客, 做曬野后同個客傾下觀塘有咩好食又抵食. 佢就介紹左間超高人氣. 永遠都有人排緊隊嘅小店. 佢話如果食飯時間去的話, 排隊時間可能仲多過食嘅時間. 攪到我都想去試下. 我醒目當然避開午飯時間啦. 2點左右去應該唔使排喇掛. 去到門口仲有2枱人客排緊. 唔係好多. 當然排啦. 門口放左餐牌可睇定食咩. 佢地主打花膠雞湯米線. 最後等左10分鐘到有位. 店內真係人頭湧湧. 坐無虛席. QR CODE 落單. 叫左我最愛嘅藥膳黃酒花膠雞米線 $68用料足紅棗當歸川芎木耳滋補藥材 好香嘅藥材味. 雞件勁多而且好滑仲有花膠4-5塊，真係估唔到咁多料. 個湯好香濃鮮美, 米線Q彈, 最後我係飲曬D湯. 麻藥雞伴麵 $68 同事試左個人伴麵. 真係有驚喜. . 勁香嘅麻油味 雞件又多仲有隻流心蛋超正.金磚豆腐 $42 — 熱辣辣 金黃酥脆 外脆內軟， 內裡好軟滑。呢餐真心抵食好食. 不過真係好多人去. 如果可以避開食飯時間, 早D或遲少少去就會慳少少時間. 呢間小店值得去食. 唔講太多, 你地自己去試下喇. 雞駅花膠雞米線專門店地址: 觀塘開源道60號駱駝漆大廈3座1樓I室
繼續閱讀
由佢啱啱開業史努比已經bookmark咗結果拖拖下 拖到而家先去🤣🤣因為佢長期排長龍呢間嘢真心勁誇張 無論系中午定夜晚都排長龍排到癲唔早啲去就有排等架啦🫣好彩史努比醒目 5點幾未到6點就即刻去坐低咗冇耐 一搭正6點佢就開始排隊啦😂嚟到梗系要試下佢哋嘅signature花膠雞米~👍🏿招牌花膠雞米線 $68湯底呈奶白色 不過望落都好清 睇表面冇乜油👍🏿飲落清甜 有淡淡嘅雞味而唔油膩😚米線軟硬度適中 開頭食帶少少煙韌即使浸耐咗都冇話變到淋晒~不過唔知系咪史努比唔好彩 呢碗嘅雞件佢比親都系雞胸/雞翼雖然冇加錢轉髀但都唔使全胸掛🫣份量就好足嘅 計埋翼都有6件雞左右不過雞胸唔系好夠滑(史努比食開雞胸 知點先叫滑🤭👌🏿)部分偏鞋口 某部分就滑啲但都未稱得上系好嫩嘅雞胸🤔另外有唔少花膠 木耳同蟲草花木耳好爽脆 索咗啲雞湯幾好食!花膠就略嫌偏硬身 同埋口感唔似花膠 不過唔肯定佢系咪鱈魚膠所以唔敢亂講🙌🏿淨系知如果炆淋啲再軟滑啲會更加好但呢個價錢有花膠都唔會expect太多~因為雞件所以令到佢低分咗 但亦都因為湯同米線令佢tone返高啲🤣味道: 8/10性價比: 8/10👍🏿藥膳黃酒花膠雞米線 $68呢碗系爸爸👨🏻嘅 不過史努比都有試🤣只系覺得招牌個湯好飲啲所以就比咗呢碗爸爸👨🏻🤣湯底同樣夠清 但飲落味道好唔一樣!飲到好濃嘅藥材味 相反黃酒味冇咁濃 但都唔錯 藥膳湯底帶啲甘甜 唔系落重糖嗰種甜😚米線順滑有咬口👍🏿雞件同樣足 唔一樣嘅系呢碗基乎全部都系髀😳成碗只有一件雞胸 其他全部都系雞髀肉果然唔同 髀肉嫩滑好多🤤索咗藥膳湯嘅味道 帶有藥材香~兩個米綿各有千秋🤭味道: 8/10性價比: 8/10👍🏿金磚豆腐 $42呢款小食必嗌! 炸衣唔太厚 但好香脆😚而且炸得幾好 唔會太過淋油爸爸👨🏻話食到有幾粒有黑芝麻香 但史努比又唔覺有🤣豆腐非常嫩滑 基本上唔使咬佢就融入口🤭外脆內軟口感上做到個contrast幾過癮椒鹽落得有啲重手 所以稍鹹但因為本身豆腐冇調味 所以成粒食都唔會過鹹👍🏿呢個價錢絕對值😆出面大排檔份量多少少賣貴一倍啦😂味道: 8.5/10性價比: 9/10👍🏿椒鹽粟米 $38粟米爽脆香甜外面沈咗啲椒鹽同大量炸蒜甜甜鹹鹹嘅味道系幾得意嘅🤣第一次食椒鹽粟米 個人就冇話特別鍾意相比起豆腐佢冇咁出色但甜中帶鹹嘅味道唔系差嘅😂不過要趁熱食 凍咗會油味道: 7/10性價比: 7.5/10*不設加一服務費*踩出門口已經排晒長龍 超勁🤣🤣估唔到喺駱駝漆晚市都做到咁爆不過佢哋嘅湯底出色 價錢親民 確實抵食!但雞件質素可能有啲參差🤔一碗全胸/翼同另一碗全髀咁滯 食唔食到髀好睇彩數🤣驚嘅話可以+$10轉髀~值得一讚系佢有啲膠碟提供用嚟裝雞骨 幾細心🥰Overall系推薦嘅😆整體評分：味道: 8/10環境: 7.8/10服務: 7/10衛生: 7.9/10抵食: 8.5/10
繼續閱讀
又去觀塘搵嘢食🌞今次去呢間都幾多好評嘅米線店，勝在喺駱駝漆第三座嘅一樓，唔使等𨋢等到傻，行樓梯上一層就搞掂✌️🤣冇諗過18:30去到已經滿座，遲多幾分鐘入已經要排隊🙊 店舖雖然細，但係都坐得舒服嘅，店員都好醒目，見男朋友孭住書包，都即刻俾個籃我哋擺袋👍🏻同埋上菜都好迅速，出咗去個廁所（雖然廁所要行遠啲，喺3樓），已經嚟齊晒啲食物😆藥膳黃酒花膠雞米線 $68充滿中藥養生嘅醇厚甘甜味道，足料👍🏻雞肉好滑易咬，不會乾澀，米線偏軟但都Q彈，花膠兩大片，都係柔滑的，整體嘅份量都幾多😙 雞肉正常係會有骨嘅，所以店舖都好貼心準備咗啲細碟，比客人裝雞骨🤩沙羌雞飯 + 凍檸茶 $48 + $4份量足夠，呢個價錢有咁多雞，覺得好OK。沙羌醬汁濃郁，好啱送飯😆蜜糖雞翼 $42味道好OK，雞翼炸得好脆，加埋甜甜嘅蜜糖(唔會超級甜），好惹味😙日本芝士年糕 $38冇諗過芝士年糕會配煉奶，個賣相已經好吸引，食落去的確會又鹹又甜咁，但係我自己OK😍首先，咬到個層炸左既外皮時配埋個煉奶係幾match，慢慢地會感受到裏面爆漿芝士嘅感覺，再覆蓋返啱啱嗰種煉奶甜，形成又鹹又甜嘅感覺，接受到有鹹又甜嘅人可以一試😙我覺得呢間嘢CP值都幾高，食物都對得住個價錢，呢個價錢可以食到咁多雞又有花膠，唔食花膠就咁沙薑雞飯$50都唔使添，仲想點，真係糧尾之選🤣🤣結論🫰幾抵食，CP值高⚡️幾受歡迎，早啲去排少啲🤣🎡餐廳資料餐廳名稱：雞駅花膠雞米線專門店餐廳地址：觀塘開源道60號駱駝漆大廈第三座一樓I室營業時間：星期一至六 11:30-21:00; 星期日及勞工假期休息
繼續閱讀
行過幾次都食唔到 因為次次都要等超多張枱！今次叫朋友等住位先🤝 我一嚟到就啱啱好有位入🔥 朋友都等咗16個位 要成半個鐘先入到去食 我就叫咗藥膳黃酒雞花膠米線🫰🏻 首先湯底好清 有藥膳黃酒味 伴隨着一啲唔係好記得出名嘅藥材😂 飲落係幾入味 無味精 米線我轉咗做上海麵 見到佢話上海麵係即刻製造🙂↕️ 即刻叫黎試下~ 上海麵口感唔錯 上海麵口感幾好 幾爽口 花膠都好腍身 雞份量好有誠意 仲可以加錢轉雞髀另外叫咗個小食 豚肉生菜包 豚肉非常腍身 好入味 搭配韓式辣醬 好似去咗食韓國嘢咁正
繼續閱讀
今日去咗駱駝漆大廈食花膠湯米線，都算係區內名物，我哋啱啱開門冇耐去到，已經需要排隊。✨招牌花膠雞米線🐔🍜✨我哋加$10轉左雞髀，見到好滑身，鹹到適中，咬落去有鹹香味。雞湯奶白色🍲，飲落去好舒服，食完面之後亦都唔口渴，絕對唔係味精湯👍。花膠份量都唔少，亦都好爽身，唔錯。✨麻藥雞拌麵🐔🍜✨撈麵突顯咗米線嘅煙靭，我哋叫佢俾辣醬我哋一齊撈🌶️，少少辣連埋一齊食好惹味，好適合而家呢家熱熱地嘅天氣食😳。✨金磚豆腐✨佢哋炸到好香口🤪，亦都唔會話好濃味，正宗外脆內滑🥰。不過記得炸起唔好即刻食，因為中間好辣口😂。呢間米線係排隊店，但一d都唔伏👍，值得排一陣隊試下。因為食麵，亦都唔算話排得好耐，如果大家想試一試區內名物，都值得過嚟一試，不過就建議大家轉雞脾食會開心D😆。地址：觀塘開源道60號駱駝漆大廈第三座1樓I室@雞駅@chillchill_aloye#觀塘美食#花膠雞#米線#人氣店
繼續閱讀
您可能會有興趣的...