影片
港鐵銅鑼灣站 C 出口, 步行約1分鐘
繼續閱讀
電話號碼
36190669
開飯介紹
台灣過江龍首間海外分店，其魚料理主打酸菜魚口味，另亦供應6款特色湯底，如日式的極道明太子奶香魚、鮮味十足的海派蝦湯魚，配上多款台味私房菜、炸物和飲品更加滋味。
繼續閱讀
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
有關餐廳
餐廳告示
🥳全新Menu新上線，1人食小盤低至$78起
2024-11-08
⭐11月推廣活動⭐
點購小份奉送白飯 1份
點購中份奉送白飯／涼菜 各1份
點購大份奉送白飯／涼菜 各2份
點購特大份奉送白飯／涼菜 各3份
💥新Menu等你睇!! https://jhujian.com/es0Kx
詳情
有關獎賞計劃
上回講到係銅鑼灣希慎廣場食到個唔好味嘅酸菜魚🤷🏻♀️，於是諗住去麻辣風雲食，點知竟然執咗笠🥸，搵搵吓Openrice竟然發現銅鑼灣廣場一期開咗間台灣嘅酸菜魚，於是就去食，星期六嘅午市時間出奇地冇咩人，座位都相當闊落😀❣️總長酸菜魚（中 2-3人） $228份量相當大，湯底夠酸同辣，魚肉超滑，仲有好多唔同嘅配料，好似酸菜、雲耳、腐皮、金菇同寛粉嘅材料，相當足料😋，味道亦相當有驚喜🤓❣️高雄甜不辣 $28甜不辣煙煙韌韌，新鮮炸起，十分脆身🫢，加上調味粉，真係食唔停口😆❣️浪子鹹酥雞 $35鹹酥雞新鮮炸起，粉漿好薄，雞肉仲保留肉汁，調味粉同甜不辣係一樣嘅，係略嫌有少少油，炸得唔夠乾身😆❣️檸檬紅茶 $18❣️冬瓜檸檬 $18飲品正常發揮，夠大杯，但甜度同冰度都冇得揀🤷🏻♀️，佢哋就有個優惠，只要Openrice收藏佢哋嘅餐廳，就可以每人免費飲一杯嘢飲🤪，我哋就冇要到，要咗甜品嘅優惠🤓❣️紅豆仙草 $28只要喺社交平台打卡，就會免費送一客甜品，揀咗紅豆仙草，份量有啲少，味道還可以😌，解辣一流🤪🏦是次消費總額 $360（人均消費 $180） 🍴須加一服務費👅好味度：8.5（10分滿分）酸菜魚味道有驚喜，炸物都唔錯，見到餐牌都有相當多嘅味道選擇😆，出呢篇食評之前已經食咗兩次🤓，如果想食酸菜魚，嚟銅鑼灣呢間係唔錯嘅選擇😗
繼續閱讀
今日帶frd去食酸菜魚咁埋單嘅時候，我問會員係咪有積分點知男經理勁串咁講：你都要俾個Number我先得㗎！聽到真係呆咗😅餐飯食咗$301我哋俾咗張$500佢問有冇一蚊？ 我話有 跟住就摷銀包點知佢又無啦啦講咗句：你都唔想我找199俾你啦！第一次見人服務態度咁差唔會再光顧
繼續閱讀
過黎食野唔係過黎受氣， 你有火唔該唔好喺我面前發。就算你地啲野幾好食都好，咁嘅服務態度你想有回頭客都難🤭 問你有冇會員積分你就答我有定冇啦 答非所問仲要態度好差！以後都唔會再幫襯。
繼續閱讀
🐯台式酸菜魚餐廳，點知叫錯左個嘉義沙鍋魚？！🐭 ⭐️按「更多」睇詳細食評及餐廳資料😋 「湯比魚更鮮，一碗記三天」係台灣過江龍築間酸菜魚的口號，懶惰二人組去左呢間以粉紅桃紅色為主調既酸菜魚打算嘗下鮮，點知我地叫左個嘉義沙鍋魚，竟然同我地既寄望有出入？！《嘉義沙鍋魚》 $208根據餐牌介紹，佢係古早味做法，有豬油、沙茶、辣豆瓣等用料炒香左之後再配鱸魚。個鍋上枱時聞到超級咸香既味道！上完菜店員都會齊齊叫聲「湯比魚天鮮，一碗記三天」金針菇冬菇、寛粉果啲係ok既。而魚既質應亦都唔錯！不過食落去味道愈黎愈濃，可能個湯底點啲太過混合左好多唔同既食材同醬料，好似辣椒同沙茶醬。食食下突然覺得個湯有啲似打邊爐打到後期既湯底咁…或者呢個湯底就好似榴槤咁比較濃味嘅食物，例如臭豆腐或者榴槤咁，有人會好鍾意，亦都有人會好唔鍾意…如果你有食過呢個湯底，都可以話俾我知你哋嘅感覺😛《冬瓜檸檬茶》 $18酸酸檸檬，加上甜既冬瓜茶味。不過感覺上好似酸左少少。《蜂蜜檸檬水》 $18淡淡既蜂蜜味，相比冬瓜檸檬茶，呢杯好飲啲清爽啲。🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟整體 ❤️食物黎講只能夠講嘉義沙鍋魚個湯底唔係我哋杯茶！我地見其他枱食酸菜魚都食得幾開心。有機會嘅話，我哋都可能會再嚟試吓佢哋嘅酸菜魚。💚環境方面，感覺就係坊間酸菜魚嗰種裝修，店內有大大個LED 屏幕同埋鮮艷嘅顏色做裝修，務求令到食客用餐同時有較強視覺觀感。💛服務方面，員工有禮，不過上菜時間比較慢，個魚等左咗成半個鐘，上菜時間有待改善。 Rating： 懶惰鼠😻😻懶惰虎 🤩🤩📍築間酸菜魚銅鑼灣軒尼詩道489號銅鑼灣廣場一期2樓202-203號舖💰人均消費：$220⏰營業時間：11:00am-11:00pm #懶惰在香港 #lazifooday #香港 #銅鑼灣餐廳 #銅鑼灣美食 #hkfoodie #hkfood #hkrestaurant #hkfoodblogger #hongkongfoodie #香港酸菜魚 #cwbfood #嘉義沙鍋魚 #香港台灣美食 #香港好去處 #香港打卡 #打卡餐廳 #留港消費
繼續閱讀
呢到有幾款唔同口味既魚，不過我地一心黎食酸菜魚😎😎😎😎係openrice book位仲有炸魚皮送，味道都幾好嫁，脆卜卜，份量都多👍👍椒鹽雞軟骨有驚喜，新鮮炸起，好香口👍揀左2-3人份量既酸菜魚（另外加左鵪鶉蛋），原本都有d配菜（木耳、寬粉、腐竹等）味道都幾好，少少辣🤤🤤我仲叫左碗白飯食，個汁撈埋白飯食好開胃🤤🤤🤤🤤🤤最後我地兩個人食唔哂！最後仲試左兩個奶凍，普普通通咁。坐位都幾好坐，職員有禮貌，最緊要佢價錢都幾抵食👍👍👍
繼續閱讀