影片
港鐵銅鑼灣站 B 出口, 步行約1分鐘
繼續閱讀
開飯介紹
「韓雅林」的意思是「盆滿缽滿，象徵包涵寬容態度，予人和諧親切的感覺」。而餐廳走中高檔路線，其宗旨亦是向食客提供優質美食及服務。優雅閒逸而富有格調的室內裝潢設計、精湛又充滿誠意的手藝、韓國宮廷的傳統料理，再加上一入門口就有身穿韓服的侍應歡迎，讓顧客能親身體驗韓國傳統地道巧手風味。
繼續閱讀
特色
適合大夥人
營業時間
星期一至日
11:00 - 23:00
以上資料只供參考, 請與餐廳確認詳情
偶然都好想食下韓國野🇰🇷今次就去左食銅鑼灣嘅韓雅林，主打正宗韓國料理 😉呢到裝修到古色古香嘅韓風，卡枱坐得舒服🤓坐低無耐，阿豬媽店員先送上自家制泡菜八小碟，款色超多，食完仲可以添🤩外貌普通嘅熱茶竟然係玉米鬚茶，有淡淡嘅玉米甜味🌽醬油蟹✨一諗起韓國料理就會諗起醬油蟹😜韓雅林嘅醬油蟹仲要係韓國直送嘅💓一入口就感到鮮甜，繼而食到Creamy嘅蟹膏同埋帶點漿性嘅蟹肉🤤阿豬媽店員會將蟹殼嘅膏刮得乾乾淨淨！撈埋去大量紫菜大量芝麻嘅麻油拌飯入面😍好味到痹！韓雅林牛肋骨皇✨呢到嘅招牌就係呢條牛肋骨皇🥰牛肋骨嘅肉佔得好多又好厚，而且甜甜地嘅韓式燒汁醃得好入味😋牛肉肉質嫩滑帶點彈牙又多肉汁🤤阿豬媽店員會幫助剪開一塊塊，再半煎半炒，話咁樣係最好味😆韓國生菜麵豉醬✨牛肋肉配埋生菜、洋蔥泡菜、麵豉醬包埋一齊食係第二種食法！生菜、洋蔥泡菜可以減輕油膩感👍麵豉醬帶點鹹味、豆香濃郁，同甜味嘅牛肋肉出奇地夾🤩紅棗茶✨最後送上濃稠嘅紅棗茶，紅棗味道香甜！感覺真係好滋補養生💖仲有糯米糍食添！😜韓雅林 (銅鑼灣)銅鑼灣軒尼詩道489號銅鑼灣廣場一期6樓
繼續閱讀
韓國料理，成行成市，有些店食後，真係感到被騙，貴不在話下，最重要唔好食，可能不是正宗韓國料理，朋友介紹下，來此店食了幾次，水準，份量，味道都可以推薦，一上配菜，好多款式，八碟，食配菜都飽飽地唷，有我最喜愛的魚乾，真係樣樣都幾好食，手工貴價嘢，紅炆牛肋骨，入味甜甜地，份量都算多，一人餐絕對足料，蠔仔石頭飯，熱辣辣，蠔仔比想像中細，但飯加辣醬撈混一起，非常美味。
繼續閱讀
韓國燒肉餐雖好味，但成本高，如果日日當午餐食，未到糧尾已陣亡，間中食石頭飯平衡生心理，感覺就好好多，去韓雅林食晏會更開心，因為落單後會收到八碟前菜。用料是坊間韓店常見的蕃薯、芽菜、泡菜和豆腐等，以前還有美味魚仔供應的，今次消失了，卻意外發現有筍片。食落每款前皆好味，當中最鍾意大大粒蕃薯，夠薯味、不過甜；青瓜肉片爽口又惹味，食得開胃，兩小碟都有自家特式。食過八小碟後，女店員恰好送上發出吱吱聲響兼冒烟的石頭飯。要注意的是，女店員會先放飯窩在枱邊，然後將飯及餸拌均，此後才移送飯鍋到客人面前，免去客人自己動手撈飯，過程中她不發一言，密密工作。記得初次光顧時，見她將飯窩放枱邊後逕自行開，遂自行取過飯窩準備起筷，未料她突然拿着醬料折返，默不作聲地拿回飯窩，再動手混醬入飯拌勻，事後交回飯窩給我。當刻，方始自己衰多手，即時講句 Joesong-hamnida 道歉。午餐款式選擇多，每款均配有餐湯，除正價飯餐外，還有是日特價餐，每天兩款，天天不同。先後試過蠔石頭什錦飯及韓式麵豉湯（連白飯一碗），前者值得推介。拌均後的蠔石頭什錦飯亂七八糟，沒賣相可言，仍可見蠔身夠大隻，粒粒外型飽滿，色澤光亮，份量頗多，入口鮮甜，蠔汁豐盈，並非縮水蠔仔貨式可比。進食時，刻意不翻動最抵層的飯，待它慢煮變成飯焦，始跟蠔同食，一次過嚐到軟硬香脆的多種口感。花點時間得來的精彩味道，最是值得。
繼續閱讀
韓雅林Happy Birthday to my Dear Friend!!!! 生日飯，圍埋一枱韓燒永遠係好好嘅選擇！| 牛肉素菜雜錦飯 |色香味俱全！ 牛肉加上韓食燒汁，香味四溢，韓國米香糯彈牙，加上石頭鍋，鍋底微焦的飯焦令口感更加香口有層次！| 海鮮滑豆腐湯煲 |生日要飲大醬湯！呢個豆腐湯煲就啱晒！海鮮配合大醬真係一絕！不過味道都偏濃！| 燒肉拼盤 |豬、牛、雞、羊四種肉類，咪以為係拼盤份量就會少，佢呢四款肉各燒夠燒2 around㗎！肉也唔算醃得太過，而且相當新鮮！
繼續閱讀
今晚我們去咗銅鑼灣廣場二期嘅「韓雅林」食晚飯！我們叫咗人蔘鷄湯、炆牛肋骨栗子煲、宮廷式炒年糕「牛肉」同韓式炒粉絲「牛肉」！餐前小食有八碟，相當豐富！人蔘鷄湯嘅鷄肉好滑，湯料非常足料，味道相當濃郁！炆牛肋骨栗子煲嘅牛肋骨炆得好腍好入味，牛肉味非常濃郁，味道相當香甜，而且份量十足！係本人嘅必食推介！宮廷式炒年糕「牛肉」嘅年糕非常煙韌彈牙，口感十足！牛肉韓式炒粉絲「牛肉」嘅粉絲非常爽口彈牙，鑊氣十足，味道調教得恰到好處！
繼續閱讀