影片
港鐵鰂魚涌站 B 出口, 步行約4分鐘
繼續閱讀
營業時間
星期一至五
11:30 - 22:00
星期六
18:00 - 22:00
以上資料只供參考, 請與餐廳確認詳情
刺身沙律擺放得十分精緻，橙色的醬汁聽侍應說是由師傅調製的，吃起來清新可口。蔬菜加上三文魚，正呀!!自選壽司拼盤，選了三文魚、辣味三文魚、三文魚子、蝦、生蠔、吞拿魚。我最愛三文魚子，大大粒，咬落去”卜卜”聲，好過癮!! >o<燒羊架有少許羊羶味，肉質嫩滑，我男朋友大愛。烏冬湯底味道清甜，跟普通街買到的烏冬不同，麵較幼，十分滑溜。
繼續閱讀
最近經過鰂魚涌，發現有間新開的日本居酒屋，見到已經蠢蠢欲動想入去試。今日終於有時間可以去試了，門面見到都幾有心機，信心都翻左d嚟，話曬都係新開張，又咁偏僻。入到去，鋪面還不算大，不過勝在夠私密，三五知己都可以係度傾下計，大聲笑都唔會擔心影響到，私人聚會幾好的。侍應個個見我地入到嚟，即刻幫我地拉凳啊，同行有女孩子，感覺服務態度幾好。話曬係居酒屋，唔需要太拘束，老闆都係好家常咁同我地聊天，佢仲話當自己屋企得啦，真係好搞笑，跟住佢真係係雪櫃摞野俾我地飲，真係好似去左fd屋企食野咁。睇左個餐牌，好快咁點左平時中意食的野。開始，嚟個沙律先啦，日本野好唔好，一入口就知道，菜同三文魚都好fresh，好明顯入貨新鮮啦，老闆話佢地雖然係細鋪頭，但都要保持個食物質素，不過我都係相信自己條俐。唔好講咁多，食左個南瓜天婦羅先，入口以為好淋，點知係外脆內軟，硬到岩岩好，好香ge南瓜味，我食埋我朋友果份tim啊，點埋個汁，酸酸甜甜咁，好開胃。食食下，我地問啊老闆仲有咩好食啊？老闆好有信心咁叫我地試燒物！好！就信你啦，跟住佢燒左個牛俐，睇落無咩特別啊！食左先，一食變知豬定牛，佢同出面唔同ge地方係唔係燒到好乾，Juicy得嚟仲好有牛味，我一個人都食左一串，再加點！其實今次仲試左好多野，爽甜新鮮的日本生蠔(收到風話係空運到港)，黃金帶子，炸雞軟骨...掛住食唔記得影相！
繼續閱讀
好耐冇喺港島東用膳，呢日啱啱經過鰂魚涌食開呢到有兩間幾出名嘅日本菜喺附近，諗住試下，點之路過見到呢間新開張，既然嗰兩間都試過，就試下呢間啦！在門口看店子一眼望曬，叫做整整齊齊啦，老板兼大廚是香港人，同其他以日本人做主打嘅頗有不同，想必有一番驚人藝業。一坐低問攞餐牌，原來在牆身木牌就是，可能未印得切掛（大家都知香港啲租有幾貴啦，早一日開就多一曰生意），經理話遲啲有正式餐牌，不過呢啲小節唔理佢啦第一道頭盤沙律不過不失，跟住就係刺身，有深海池魚薄切，吞拿魚赤身和大toro，仲有粒貝，每樣鮮度都幾好，尤其是吞拿魚，鮮度像剛剛落機就上碟，而老闆都話：真係啱啱落機就比你食左啦，lucky!不得不提係老闆介紹吞拿魚的新奇食法，佢話條吞拿魚因爲新鮮，所以最好食原味，之後佢磨左嚿石頭咁嘅物體（原來係岩鹽）曬落啲魚生就咁食，冇得頂，赤身竟然有中toro嘅味道（相比大toro，我比較喜歡中toro），之後粒貝都唔錯，加埋啲岩鹽冇得輸啦。刺身差唔多就到壽司啦，見佢啲壽司唔貴就隨便點啲，好多時價格同質素成正比架嘛，所以冇乜期望，但求飽肚，but佢啲壽司出乎意料的質素，正所謂一分價錢三分貨，元氣價錢料理店質素，活煮蝦真係成隻蝦拿去活煮，同平時食嘅熟蝦有好大分別，有誠意，加分!牡丹蝦更加驚喜，真係有種釣上黎即食嘅感覺，又甘又甜，原來上面有劈野來自於蝦頭，師傅對佢啲貨嘅鮮度好有信心，因為蝦頭唔夠鮮就會臭，到時甘甜味就會變苦味。海膽又係另一個驚喜，我問師傅呢隻海膽同平時食嘅唔同喎，佢答我呢隻係北海道海膽，咁重皮!你收我三十幾元件比咁高質素比我，令我不禁頓起疑心，佢見我眼色有異，就同我講因為開業初期當做宣傳，仲話遲啲應該會加返啲啦，你而家黎食好好彩!當我收起我嘅疑問後細嘗呢件黎自北海道嘅壽司，沒有一般海膽的苦味（通常苦味來自防腐劑），有股濃濃的甜味，唔錯，呢個價錢超值。之後到熟食，全部即叫即做，時間較耐，but我有的是時間，等你。熟食有炸雞軟骨，燒牛舌啦，南瓜天婦羅啦，冇乜特別，勝在即做，普通菜式都特別好食，特別要提係個南瓜，原來係用日本南瓜，特別甜，真係來自日本乜都好食啲。
繼續閱讀