簡品堂

營業中

休息中

呢間連鎖麵包店喺灣仔開左1~2個月左右，本身見佢麻糬曲奇好吸引🥺，不過之前去到啱啱好賣晒☹️，唯有淨係買一袋抹茶麻糬波波試😋。🔅宇治抹茶紅豆麻糬波波 ($25/6)$4/隻有拳頭size咁大，幾抵食😝。包體好軟熟，唔會好乾，焗熱左聞落幾香抹茶味，個皮脆脆地，焗左好食啲👍🏻。包入面有紅豆餡同一舊麻糬。紅豆偏甜，麻糬口感較黏、軟糯，個人比較鐘意煙韌Q彈既麻糬🙈。雖然餡唔算好多，試過咬左一大啖咩餡都食唔到🤣，不過計返價錢都唔可以太挑剔😝。💬如果expect係james bon bon嗰種煙韌既麻糬波波就可能會令你失望，呢個其實應該叫麻糬包會貼切啲😂。不過overall其實都ok，性價比高😋。