泉章居

營業中

休息中

泉章居也吃過一兩次，感覺都不錯，所以星期六下午同同事去左上環泉章居食lunch。一行3人，原想點小菜，但見餐牌上有套餐揀，所以轉揀套餐，仲可以食到最鍾意的梅菜蒸鯇魚。  湯先上，足料亦幾好飲。鹽焗雞夠味且滑嫩。  菜心烾牛肉都係穩陣之作。 但我最期待都係條魚。因為最媑意食。好不容易等到條魚上枱，大半條，十分足秤。上面鋪滿梅菜，見到都興奮，畢左一大忽魚同梅菜係白飯上，準備大快朵頤，誰知食左一啖，面色一沉，失望至極!!!梅菜完全無味，好似俾白滾水浸完一樣，啲豉油都係就咁淋上去咁，完完全全糟蹋左條魚，條魚好;新鮮，肉質都食到帶滑嫩的，但加上呢個梅菜，完完全全係浪貴。食過梅菜蒸鯇魚都佑道梅菜、豉油和魚是三為一體的，但呢度竟然可以將3者完全分離，雖然其他小菜都不錯，但如果為左條魚而黎的話，恐怕失望而回。