Luxury (已結業)

私房菜亦食過一兩次，雖然稱為私房菜，但其實都是掛了招牌，很易揾到的那種。今次同同事黎食呢間就真係好私房，因為店面完全無水牌而且係內街入面，只接受預約，無booking直情是不做生意的。我地係柯士甸道來回左2次都揾唔到餐廳，最後打俾餐廳，教我地點去。上左樓梯推門而入係一個小偏廳，有梳化椅，轉左入去才是餐廳所在，有個大大的開放式廚房，客人可以睇到廚師忙碌的身影。是夜預約的有4枱，頗熱鬧。因為今次係同事發板，所以食物已經預先同餐廳講好，預先係whatspp send左餐牌俾我地，我地到左就係等食。 先黎係自家製餐包，俾我地過止餓。然後頭盤，四式拼盤有日式凍豆腐、海膽燉蛋、巴馬火腿配律及煙三文魚配魚子醬，每樣份量都的的骰骰，可以小食多滋味~另外的黑魚子醬配帶子加芒果牛油果賣相別緻，帶子上更鋪左金箔。然後係First main，燴意大利飯上有大大粒香煎北海道帶子，龍蝦汁夠濃，飯又夠乾身，蝦味亦夠出，另外的芝士焗黑松露野菌千層，質怠有點似千層意大利粉，兩者份量都係少少地，所以食完唔會太飽，過到口癮之餘又可以繼續主菜部份。 干邑龍蝦湯帶點酒香，野菌湯則creamy，兩者質感都夠濃。 主菜點了澳洲M7