海灣餐廳及海灣咖啡室

營業中

休息中

第一次去海洋公園萬豪酒店食自助餐，搭地鐵都可以去到海洋公園，真係好方便。呢度自助餐都好多不同種類嘅食物，有中式丶日式丶西式，同埋好多甜品丶雪糕。雪糕方面有Häagen-Dazs和Mövenpick，仲有一款唔知咩牌子。仲有心太軟丶迷你葡撻丶其他一口蛋糕仔。重點推介：任食清蒸龍蝦，師傅會即場切開一半，每人每次限攞半邊，有兩款醬汁選擇：芝士汁丶泰式汁。我個人認為熱食龍蝦好味過凍食龍蝦，而灣仔萬麗酒店都有蒸龍蝦。當晚仲有韓式和牛供應，師傅會即場煎兩塊和牛，然後自己加配料(泡菜丶生菜)。仲有燉湯，就係瑤柱蟲草花瘦肉湯。蝦籽撈麵，落足料，好多蝦籽。刺身就有帶子丶赤蝦丶北寄貝丶八爪魚⋯⋯好新鮮。服務態度好好，所有職員都有禮貌，仲好細心。環境好靚好有渡假嘅感覺，好舒服，去過會好想再去多次。