尚興潮州海鮮飯店 (已結業)

耐唔耐想食潮州菜都會黎上環既尚興，店舖裝修十年如一，好有粵語長片既感覺，舊式老派裝潢，充滿人情味既職員，餐後仲有綠豆清心爽送，好有心意！🦐乾炸蝦棗上檯時係凍冰冰😢好明顯係炸完攤左好耐！蝦膠味道偏淡，加左唔少馬蹄，入口更有層次，無一般炸物咁熱氣，亦都保留左潮式蝦棗既特色。潮州甜醬甜度適中，配上清淡既蝦棗更添風味！🥢豉椒炒花甲熱辣辣炒起上檯🔥花甲偏細隻但份量搭夠，吐沙乾淨，配上豆豉辣椒一齊炒，小小辣好惹味，配白飯或者潮州粥一流🥰🥄潮州紅燒魚翅湯頭鮮美香濃，有小小回甘既味道！魚翅係一條條，好似芽茶咁粗，口感滑溜，但唔係一排排，畢竟一分錢一分貨😂另外將芫荽放入湯底，令到入口生色唔少！🦪薑蔥桶蠔桶蠔甜甜地，應該係先用蜜汁醃一醃，再用大量薑蔥爆香，鑊氣好夠，而且蠔蠔既份量都多。價錢比其他熱炒貴，但係用料，味道同份量都比較優勝！🪿潮州滷水🍲蠔仔粥📍尚興潮州飯店上環皇后大道西29號地舖