影片
更多
2024-03-01
30 瀏覽
今日同朋友去咗食呢間《大同私房菜》；佢係做廣東菜同粵菜起家嘅，而家已經做到第三代。呢個私房菜有兩間大房，中間亦都有間娛樂室，預約時間夾到嘅話仲可以入去唱下K添！燕窩鷓鴣粥第一道菜亦係餐廳嘅招牌菜，食得出豐富嘅材料、燉煮過後亦都好軟稔，當中仲有唔少靚料如金華火腿、鷓鴣同燕窩等，食材都配搭得好好，充滿鹹香，加啲醋喺面仲可以減膩，令人更開胃！味菜豬肚尖一上菜就聞到胡椒爆香嘅味，而豬肚尖經過處理後係唔會怕有任何腥味，亦都唔會炒得過韌，食落惹味又有咬口，真係幾好食。順德式撈起平時食得多壽司，都係第一次食中式嘅魚生包飯。呢度係順德嘅風味菜，因為河魚比較多菌不宜生食，所以店家都用左立魚（海魚）去做呢道菜，連埋飯包埋生菜，最後加咗幾滴余均益辣椒醬，食到魚嘅鮮味，亦都有少少辣椒香辣味！新年食夠哂意頭🧧傳統蝦多士🍤🍞平時食嘅蝦多士多數都係蝦膠，而佢個傳統係佢將豬肉同蝦膠加入去，皮脆餡靚，口感更煙韌。荔灣式豉椒炒蟹🦀呢道炒蟹同樣好有豉椒風味，而且辣度適中，蟹腳已經預先拆開，可以好方便就食到裡面嘅蟹肉😚蜜汁火方呢個都係第一次食！菠蘿蜜片同金華火腿放埋一齊，帶果香嘅酸味同時夾雜肉香味，真心覺得唔錯！不過如果麵包
廣東菜同粵菜起家嘅，而家已經做到第三代。呢個私房菜有兩間大房，中間亦都有間娛樂室，預約時間夾到嘅話仲可以入去唱下K添！
燕窩鷓鴣粥
第一道菜亦係餐廳嘅招牌菜，食得出豐富嘅材料、燉煮過後亦都好軟稔，當中仲有唔少靚料如金華火腿、鷓鴣同燕窩等，食材都配搭得好好，充滿鹹香，加啲醋喺面仲可以減膩，令人更開胃！
味菜豬肚尖
一上菜就聞到胡椒爆香嘅味，而豬肚尖經過處理後係唔會怕有任何腥味，亦都唔會炒得過韌，食落惹味又有咬口，真係幾好食。
順德式撈起
平時食得多壽司，都係第一次食中式嘅魚生包飯。呢度係順德嘅風味菜，因為河魚比較多菌不宜生食，所以店家都用左立魚（海魚）去做呢道菜，連埋飯包埋生菜，最後加咗幾滴余均益辣椒醬，食到魚嘅鮮味，亦都有少少辣椒香辣味！新年食夠哂意頭🧧
傳統蝦多士🍤🍞
平時食嘅蝦多士多數都係蝦膠，而佢個傳統係
佢將豬肉同蝦膠加入去，皮脆餡靚，口感更煙韌。
荔灣式豉椒炒蟹🦀
呢道炒蟹同樣好有豉椒風味，而且辣度適中，蟹腳已經預先拆開，可以好方便就食到裡面嘅蟹肉😚
蜜汁火方
呢個都係第一次食！菠蘿蜜片同金華火腿放埋一齊，帶果香嘅酸味同時夾雜肉香味，真心覺得唔錯！不過如果麵包烘做脆底，或者炸饅頭，可能口感會更有層次！
大同荷香飯配咖哩
一上桌就聞到嗰種薰香嘅荷葉香味，食落味道同平時唔算有好大分別，不過有脆卜卜嘅飯焦更加有嚼勁。老闆娘教我哋可以配搭咖喱或者醋，而我地都係第一次荷葉飯配醋，酸酸地幾新奇～
蟹汁拌麵
最後係隱藏menu，就係頭先食過嘅炒蟹汁配生麵，老闆娘提我地蟹汁唔駛點太多酒，精髓反而係辣椒🌶️碎，果然溝埋落麵到嘅香辣味好突出，麵嘅口感啱啱好😋 而且亦令我諗起屋企嘅感覺！
（無糖）陳皮紅豆沙
最後係甜品，大家聽到無糖嘅甜品都好有興趣試，店家亦放羅漢果糖比大家自己落糖，不過我喺無糖下更加食到陳皮嘅香味，而且煲得夠融嘅紅豆起哂沙，質感濃稠，不經不覺食完一碗而冇落過糖，健康目標達成😆
整頓飯食完，令我印象最深嘅都係一開頭嘅燕窩鷓鴣粥，味道出色而且口感夠濃稠，選料優質，亦看得出廚師嘅心機。
整體黎講，呢間私房菜都在做一些失傳嘅順德菜，睇得出店家嘅用心，家庭式嘅經營亦令人更有溫馨感。如果大家搵緊適合一家大細「飯聚」嘅餐廳，不妨考慮下「大同私房菜」！
推薦指數：4.3/5⭐️《尖沙咀私房菜 嘆失傳順德風味》
張貼
