豐鍋雞煲 (荔枝角道) (已結業)

朋友帶我去左食補身鍋😚佢話有別於市面上既連鎖式火鍋店，餐廳坐位好舒服，裝備格局好闊落，牆上有好多霓虹燈，好搶眼，仲有自助醬油區可以調配自己口味嘅醬油😜🌟叫左好補身既滋補螺片花膠雞煲我地叫左半隻雞，份量勁多，鮮雞好嫩滑，而且好多肉夠鮮味，加上大量嘅花膠同螺片煲成嘅湯底😚店員推介我地飲完湯同食完雞煲先再加湯打邊爐😍湯頭的確夠晒鮮甜濃味好好飲😊🌟手工四寶丸，即係手打蝦丸，手打墨魚丸，手打鯪魚丸，同埋手打墨汁丸，每種丸都鮮味十足，而我個人比較喜歡墨魚丸，佢真係好爽口呀🥳🌟頂級安格斯牛小排全人手切割，大細亦都恰到好處，一口食到既牛小排，牛香味即時係個口入邊滲出嚟，而且肉質夠晒腍，份量亦都好夠，推薦大家叫呢一個牛小排😊🌟手工即炸魚皮，呢個就出色啦，真係喺出邊未食過，椒鹽味好重。而且大大塊，一上枱視覺上亦都好震撼真係色香味都俱全😋🌟雜菜籃有多種唔同嘅菜🥬包括左菜心，小白菜，油麥菜同生菜，蔬菜都好新鮮🥦我個人就比較喜歡食油麥菜，油麥菜嘅香味再配合埋火鍋嚟食，味道特別突出，兩樣嘢真係好夾💕一路打邊爐一路飲住凍嘅夏姑草同烏龍茶飲真係一種好好嘅享受😋