Kiuki Sweet Bakery

營業中

休息中

開心果雙苺戚風蛋糕($480/4吋)ღ低糖配方、全天然食材，減肥人士都啱食ღ口感豐富，幾種唔同嘅口感ღ 不太甜同吃得輕盈我迷上左呢期大熱既開心果呀，咁岩係IG見到間蛋糕小店推出開心果蛋糕，亦係因為呢張圖吸引到我即刻比錢，訂嚟慶祝朋友生日。IG店出Post話係用意大利西西里島既開心果調配低糖忌廉，連夾心部份既Mousse都係用低糖配方，我就興奮了!!!食完都無咁有罪惡感😆面層用焦脆原粒杏仁作點綴，果仁香氣，咬落香甜脆口，令到蛋糕唔淨係得軟綿綿嘅口感。外層包住開心果忌廉，入口幼滑，重點係個味道，so far暫時食過蛋糕嚟講，開心果果仁味最濃郁，佢唔係嗰種甜嘅味道，而係真係有果仁既香味。賣相非常簡單，但暗藏細節，細細個蛋糕入面原來有好多層次，店長用唔同材料配搭出唔同既味道，再加不同口感的食材，令每一啖都好豐富。內層係用草莓造成濕軟鬆軟的草莓戚風蛋糕，戚風蛋糕中間分別夾雜了開心果麻糬和紅桑子慕絲。麻糬煙韌又夠軟，口感一流。紅桑子慕絲略帶酸，中和蛋糕甜膩，真係食到又甜，又微酸嘅味道。慕絲用低糖配方製成，還吃出粒粒紅桑子，好fresh，再令到口感進入下一個層次。