星橋居酒屋

營業中

休息中

係上環閒逛無意中係橫街小巷發現呢間不起眼的居酒屋，星期六既下午人流唔算多，店面亦細細，通常呢啲小店既出品都會唔錯。居酒屋裝潢同一般日式舖頭無異，最吸引眼球係牆上面既藍黑色畫，好特別。從店員口中得知串燒係佢地最拿手既，所以叫左少少試下。🔹免治雞肉棒🔹燒得焦香，咬落啖啖雞軟骨既爽脆，入面仲加左紫蘇葉碎，蘸上蛋汁，食落味道好豐富。🔹豬頸肉串燒🔹係燶邊豬頸肉呀！！燒完仲勁juicy,一咬就爆汁，佢既sauce 加左wasabi,所以完全唔會膩。🔹汁燒牛肉蔥卷🔹好有驚喜，用左來自日本九條既蔥，比平時既蔥會少左辛辣味，會甜好多又多汁，用汁煮到非常入味既牛肉面包住，啖啖肉香同蔥香，十分推介。🔹牛油果炸蝦卷🔹份量十足，蝦炸到金黃酥脆，配上青口條同牛油果，口感好豐富。🔹唐揚雞🔹賣相係平平無奇，但原來外脆內軟，鮮嫩多汁，大推！🔹松葉蟹膏蟹肉炒飯🔹金黃既米飯炒到粒粒分明，雖然蟹肉蟹膏已經炒到睇唔多，但你食落口就食得出啖啖都有蟹既鮮味，估唔到師傅炒飯手勢都唔錯。總括黎講，食品質素高，店員服務唔錯，雖然位置比較偏，但值得黎。