影片
更多
2020-06-12
5657 瀏覽
我承認人既潛能係無窮無盡，學黃子華咁講，當你好忠實咁發展你既潛能，但你發現果種潛能係搵唔到食既，咁究竟係潛能定係無能呢？人既價值取決於佢既能力，社會係現實既，汰弱留強，睇黎人生呢條路都真係幾難行…係你洩氣之前，不妨黎中環呢間全新戶外體驗既口吧「Piqniq」幫你打打氣。係27樓高空將整個維多利亞港到山頂既景緻盡收眼底，加上一整片綠州既環境，整個野餐體驗與別不同，我有無潛能就唔知，不過呢間餐廳就肯定好有潛質啦！👇📌A La Carte -▪ Market · Spinach Salad - $78▫ 炎炎夏日，想胃口大開唔係難事，因為「柚子菠菜 · 沙律」呢個正正幫我平衡一下腸胃，醒覺我多年沉睡既味蕾。分別用左澳洲青蘋果粒、鰹魚乾、柚子醋醬汁搭配新鮮菠菜。菠菜食落相當清甜，味道清新，配埋青蘋果粒，口感更加豐富。▪ Pasta · Salad - $78▫ 混合左自家醃製青瓜撈埋泰式青醬「意粉 · 沙律」，賣相特別搶眼，當然唔少得就係面頭上新鮮既大蝦啦。大蝦食落鮮甜爽彈，唔會有一浸雪藏味，唔錯；而配上青醬既意粉質感煙韌，特別醒胃呀！▪ Smoked Salmon Bruschetta -
但你發現果種潛能係搵唔到食既，咁究竟係潛能定係無能呢？人既價值取決於佢既能力，
社會係現實既，汰弱留強，睇黎人生呢條路都真係幾難行…係你洩氣之前，
不妨黎中環呢間全新戶外體驗既口吧「Piqniq」幫你打打氣。係27樓高空將整個
維多利亞港到山頂既景緻盡收眼底，加上一整片綠州既環境，整個野餐體驗與別不同，
我有無潛能就唔知，不過呢間餐廳就肯定好有潛質啦！👇
📌A La Carte -
▪ Market · Spinach Salad - $78
▫ 炎炎夏日，想胃口大開唔係難事，因為「柚子菠菜 · 沙律」呢個正正幫我平衡一下腸胃，
醒覺我多年沉睡既味蕾。分別用左澳洲青蘋果粒、鰹魚乾、柚子醋醬汁搭配新鮮菠菜。
菠菜食落相當清甜，味道清新，配埋青蘋果粒，口感更加豐富。
▪ Pasta · Salad - $78
▫ 混合左自家醃製青瓜撈埋泰式青醬「意粉 · 沙律」，賣相特別搶眼，
當然唔少得就係面頭上新鮮既大蝦啦。大蝦食落鮮甜爽彈，唔會有一浸雪藏味，唔錯；
而配上青醬既意粉質感煙韌，特別醒胃呀！
▪ Smoked Salmon Bruschetta - $78
▫ 再黎多個開胃菜「煙三文魚 · 普切塔」，其實普切塔姐係義式麵包上加左蒜、
橄欖油，再加埋煙三文魚或者他他而製成。食落三文魚質感滑嫩，加埋番茄參巴醬、
黑豆，口感十足，而且麵包份外有咬口，食得過。
▪ Vegetarian · Fried Rice - $78
▫ 呢個絕對唔係普通既炒飯，而係名副其實既「素食者 · 炒飯」，
分別食到芥蘭粒、椰菜絲、蔥粒、芫荽，每樣配料都有佢既營養價值，
果然係健康之選。另一亮點係飯粒掛滿紫洋蔥整既醬汁，特別好食！
▪ Panna · Cotta - $68
▫ 就連甜品佢地都唔錯，呢個「義式 · 奶凍」質感彈滑，食落味道香濃，
唔會話太濃太甜，我覺得做得幾平衡。
📌S p r i t z -
▪ Aperol Spritz · on Tap - $90/Glass
▫ 最鍾意飲義式汽酒，尤其係呢d咁chill既環境下，零舍不同呀。
其實將用左Aperol利口酒、Prosecco氣泡酒加埋soda，再將一塊橙片放入，
入口做到相當清爽，帶少少甜，已經相當好飲！
📌C o c k t a i l s -
▪ Moscow · Mule - $118
▫ 將伏特加、薑啤、青檸、苦精混合而成，飲落酒香濃郁，後勁帶少少苦澀感，幾特別。
張貼
