鼎王麻辣鍋 (金巴利道) (已結業)

大家對「鼎王」個名字可能比較陌生，但如果係台灣遠近馳名嘅「無老鍋」會唔會熟悉啲？其實無老鍋就係隸屬於鼎王集團旗下嘅餐廳，雖然大家都係火鍋店，但各自有其特色。香港終於都開左無老鍋，不過其實都幾貴，唔可以成日食。鼎王都一樣係走中高檔路線，一樣貴，但最大嘅分別係…啲間openrice有折頭！！🤣🤣🤣 如果揀啲早鳥時段，最平可以半價🤤🤤湯底得兩種：1）酸菜白肉鍋 2）麻辣鍋，價錢一樣係$68（每位計）亦可以叫鴛鴦鍋（每位+$10）。酸菜鍋酸味味幾好食，最正係啲白肉，加埋佢秘製嘅腐乳醬，真係冇得頂，未試過不妨一試。而麻辣鍋係佢嘅招牌菜，佢用左好多料頭去熬製個湯底，香氣撲鼻。而且辣度可以選擇大中小辣，如果唔食得辣可以揀小辣，其實辣度只係等於譚仔十少辣。同無老鍋一樣，湯料係無限refill的，鴨血、豆腐、酸菜都係會不停refill。你唔洗出聲，職員見你食到咁上下就會主動問你加唔加。基本上你乜都唔洗叫，淨係個湯底已經可以吃到飽🤣今次我哋衝著麻辣鴨血豆腐而來，所以只選擇咗麻辣鍋。鴨血係食過咁多間最好食，不單止夠晒彈牙（可以直接用筷子夾起），而且味道仲好好，應該有調過味，每舊都大大舊好有口感，我係因為佢先