影片
更多
2023-08-19
1077 瀏覽
南美洲嘅菜喺以墨西哥菜食得比較多，老實講，南美其他國家嘅菜有咩特色，真喺唔太多認識，講嚟講去都喺墨西哥。今晚就同個好耐無見面嘅食友專登出嚟聚一聚，撞啱佢話好想試墨西哥嘢，就嚟到灣仔「EL GORDO Tacos & Grill Factory」喇。 駱克道一帶以酒吧居多，咁當然市場需求，都有唔少好食餐廳。雖然「EL GORDO 」賣墨西哥菜，但裝修方面就唔會話有太多墨西哥嘅特色，反而跟附近嘅酒吧模樣差唔多，但勝在樓底高空間感強，尤其喺天花既吊燈比較最有特色，而且柔和嘅燈光令整個場頗有氣氛。 反而擺喺枱上嘅杯碟好有南美風情，而且，睇落喺手工製，唔似喺大量機製嘅出品，加上各有不同紛紛色彩，確喺幾精緻。 侍應話佢哋嘅餐牌啱啱重新整理過，以大類分包括有Tacos、Grill Starter、Mains、Salads、Sides、Desserts。另一張喺飲品餐牌，當中有好多酒品，不過我就無影，只喺影咗啲非酒精類嘅飲品。 Ginger Ale $30今日食嘅嘢都會喺濃味嘢，所以，就揀杯Ginger Ale嚟清爽吓，估唔到仲加咗一大嚿檸檬，入口就更加冰涼清爽，襯晒今晚啲嘢食。 Sweet Pota
駱克道一帶以酒吧居多，咁當然市場需求，都有唔少好食餐廳。雖然「EL GORDO 」賣墨西哥菜，但裝修方面就唔會話有太多墨西哥嘅特色，反而跟附近嘅酒吧模樣差唔多，但勝在樓底高空間感強，尤其喺天花既吊燈比較最有特色，而且柔和嘅燈光令整個場頗有氣氛。
反而擺喺枱上嘅杯碟好有南美風情，而且，睇落喺手工製，唔似喺大量機製嘅出品，加上各有不同紛紛色彩，確喺幾精緻。
侍應話佢哋嘅餐牌啱啱重新整理過，以大類分包括有Tacos、Grill Starter、Mains、Salads、Sides、Desserts。另一張喺飲品餐牌，當中有好多酒品，不過我就無影，只喺影咗啲非酒精類嘅飲品。
Ginger Ale $30今日食嘅嘢都會喺濃味嘢，所以，就揀杯Ginger Ale嚟清爽吓，估唔到仲加咗一大嚿檸檬，入口就更加冰涼清爽，襯晒今晚啲嘢食。
Sweet Potato Fries $68點咗一款配菜，就喺炸番薯條，亦喺今晚首先登場嘅食物，都好大碟吓，咪以為啲色澤咁深喺炸燶咗，其實因為蕃薯糖份高容易炸得上色。入口非常之香脆，唔油膩，咬落又粉又甜。
Nachos(Chicken) $138墨西哥粟米脆片絕對喺經典嘅墨西哥頭盤，目測所見差唔多枱枱客都會叫，因為用嚟佐酒非常合適。大大碟粟米脆片，朋友話估唔到咁大份，的確啲脆片堆到成座小山丘咁，混和了烤雞肉粒、芝士、洋蔥粒、蕃茜碎，淋上茄汁，仲伴有牛油果醬同酸忌廉，睇見都興奮啦！脆片烘得脆口，夾埋其他材料，一啖放入口，口感豐富，食味紛陳，不愧經典。
Nachos(Chicken)
$138
9 瀏覽
0 讚好
0 留言
Burrito (Beef) $148另一個墨西哥經典美食就喺墨西哥捲餅，真喺估唔到又喺咁大份，仲有好多粟米脆片墊底，同樣佐以牛油果醬及酸忌廉。因為夾夾埋埋有太多粟米脆片，店長好好人，見我哋食唔晒，主動幫我哋打包唔好嘥。講返個墨西哥卷，真材實料，拎起感覺非常墜手，再望望個橫切面，勁足料，裡面塞滿餡，一啲虛位都無，烤得熱焫熨手，外皮煙韌有咬口；內裡捲有芝士、焗豆、烤牛肉……等等，鹹香惹味，味道多層次，真喺味道跟口感都咁一流。
Burrito (Beef)
$148
4 瀏覽
0 讚好
0 留言
Churros $68 雖然呢度主打賣墨西哥菜，但亦提供「西班牙玉桂油條 」，油條色澤偏深，灑滿糖霜，襯少少士多啤梨，入口就非常香脆，裡面就好軟綿，並且一啲油膩感都無，滲出微微玉桂香，沾上朱古力漿，份外美味，又喺另一經典。
今晚餐飯實在物有所值，一來環境舒服有氣氛，二來食物味道水準高，再者招呼熨貼，實在值得推介。
張貼
