Sagrantino

營業中

休息中

萬聖節約埋朋友們係中環食飯，簡左依間由日本人主理既意大利餐廳，最開心既可以帶酒去開！前菜點左八爪魚沙律，味道其實一般，因為八爪魚有點韌，要切細啲慢慢食先得，另外既意式蕃茄法國麵包就好正，我鍾意蕃茄加左好香既橄欖油，味道岩岩好，唔會太過油膩，好開胃！主菜有Bistecca beef steak, 因為係日意fashion 菜，無左平時食牛扒既重要元素「油脂香味」，因為應該係半慢煮，所以依道菜牛肉味係偏淡，主要靠個汁先有味，但個汁又有係甜甜地既，咁岩我唔鍾意sweet base既醬汁，於是我要左芥辣調下味。最鍾意既始於都係偏和風既cold pasta, Zuke, 吞拿魚刺身紫菜凍意粉，口感好爽好彈牙，意粉個汁似食更日式冷麵既鏗魚豉油，好少地方會咁整，加埋Wasabi配吞拿魚，口感都幾多元化！仲有魚子醬蕃茄大蝦意大利粉，平時好少叫魚子醬既野，原來配蕃茄都好夾，有點似明太子，大蝦就得一隻，份量就真係唔係咁抵，個醬就唔錯既！Overall, 係中環食晚飯黎講，真係好抵食，餐廳氣氛都非常好，值得推介！會再返黎試下其他菜式！