影片
更多
2005-09-11
31 瀏覽
6/9 ( Tue ) Breakfast 要飲頭啖湯，第一件事就係要早起身。7點9就仆落樓下食早餐，真係任你揀位坐。雖然有個靚位坐，但實在係太早食唔落d野，就講其中「深刻」d架啦~橙汁﹣家下0既酒店重有100%鮮榨橙汁過你飲（憑味道就知一定唔係Mr. Juicy）...唔係話俾新鮮0野你飲好難，而係市面上實在有太多代用品，實在無必要俾咁好0既0野出0黎...米奇頭Waffle﹣一切開,聽到因為質感鬆脆而產生0既聲音，好有蛋味，本來配肉桂糖食，食唔慣之下又配返花生醬同牛油，一樣咁GOOD!!人造燒賣﹣唔知邊年開始，人造就代表佢係假同唔正宗0既意思~人造皮、人造牛油...而家連燒賣都有得人造；完全係得個樣，唔知係因為外國人眼中0既燒賣係咁定係質素根本有問題！黃色皮裡面係一團不知名0既「肉」，睇唔出又食唔出係咩∼連街邊小販燒賣都知係平價魚肉∼佢...真係唔知係咩∼咖啡﹣溫吞∼唔凍唔熱，好鬼尷尬。加埋凍凍地0既奶就更加...腸胃唔好真係唔好飲，因為我一飲就肚痛...經要求下俾0左杯熱啡我，不過加0左奶再攪兩下又係凍返！唉...外國人飲0既熱0野就係咁架啦咩？？？選擇種類多但質素欠佳同少選擇但
要飲頭啖湯，第一件事就係要早起身。
7點9就仆落樓下食早餐，真係任你揀位坐。
雖然有個靚位坐，但實在係太早食唔落d野，就講其中「深刻」d架啦~
橙汁﹣家下0既酒店重有100%鮮榨橙汁過你飲（憑味道就知一定唔係Mr. Juicy）...唔係話俾新鮮0野你飲好難，而係市面上實在有太多代用品，實在無必要俾咁好0既0野出0黎...
米奇頭Waffle﹣一切開,聽到因為質感鬆脆而產生0既聲音，好有蛋味，本來配肉桂糖食，食唔慣之下又配返花生醬同牛油，一樣咁GOOD!!
人造燒賣﹣唔知邊年開始，人造就代表佢係假同唔正宗0既意思~人造皮、人造牛油...而家連燒賣都有得人造；完全係得個樣，唔知係因為外國人眼中0既燒賣係咁定係質素根本有問題！黃色皮裡面係一團不知名0既「肉」，睇唔出又食唔出係咩∼連街邊小販燒賣都知係平價魚肉∼佢...真係唔知係咩∼
咖啡﹣溫吞∼唔凍唔熱，好鬼尷尬。加埋凍凍地0既奶就更加...腸胃唔好真係唔好飲，因為我一飲就肚痛...經要求下俾0左杯熱啡我，不過加0左奶再攪兩下又係凍返！唉...外國人飲0既熱0野就係咁架啦咩？？？
選擇種類多但質素欠佳同少選擇但樣樣好食，我寧願揀後者。
公平講句，迪士尼俾你0既，真係皇帝式招待。
張貼
