影片
更多
2020-03-31
2463 瀏覽
無論「唐包點」，抑或「唐記包點」，都喺只幫襯過買包。題外話，其實兩者點分？小弟無深究過，只喺晌網上睇到話「唐記包點」喺現場即蒸，所以，多數喺街邊大舖，而「唐包點」就工場蒸好再送嚟保溫，多數開設晌地鐵站內嘅細舖，喺咪咁就不我而知。但今晚，就因事未有時間煮，揀咗食「唐包點」嘅蒸飯。相信唔使多介紹，大家都知佢哋主打買中式蒸包，亦有兼營點心、飯品。而蒸飯就有7款，都喺常見嘅款式，平實，唔會搞太多花巧嘢。老婆要北菇蒸雞飯，小弟就揀鳳爪排骨飯，由於要趕住上網上課程，買到返嚟就佢食先，我就沖個涼除完菌先食，所以，未有機會影佢兜飯，不過，佢就夾起啲冬菇同滑雞俾我試，所以，唔好奇怪我兜飯點解有冬菇同雞件。唔好睇兜「鳳爪排骨飯」（$27）細細兜，其實，飯量同餸料都OK，至少夠食飽我。實際上，啲飯粒都夠分明，比預期好，撈埋啲蒸飯豉油，軟綿綿嘅白飯都變得好食，最鬼怕啲飯水多蒸到爛晒；而鳳爪、排骨都入味，排骨蒸出嚟肉質都幾滑，多啲豆豉就更好、更惹味。食外賣，除咗慳時間，亦慳啲錢，「唐包點」嘅蒸飯算喺精打細算之選。不過，非必要，我哋都較喜歡自己煮，感覺健康啲嘛！加上疫情持續，都唔知仲會搞到幾耐，盡可能都喺多啲晌屋
相信唔使多介紹，大家都知佢哋主打買中式蒸包，亦有兼營點心、飯品。而蒸飯就有7款，都喺常見嘅款式，平實，唔會搞太多花巧嘢。
老婆要北菇蒸雞飯，小弟就揀鳳爪排骨飯，由於要趕住上網上課程，買到返嚟就佢食先，我就沖個涼除完菌先食，所以，未有機會影佢兜飯，不過，佢就夾起啲冬菇同滑雞俾我試，所以，唔好奇怪我兜飯點解有冬菇同雞件。
唔好睇兜「鳳爪排骨飯」（$27）細細兜，其實，飯量同餸料都OK，至少夠食飽我。實際上，啲飯粒都夠分明，比預期好，撈埋啲蒸飯豉油，軟綿綿嘅白飯都變得好食，最鬼怕啲飯水多蒸到爛晒；而鳳爪、排骨都入味，排骨蒸出嚟肉質都幾滑，多啲豆豉就更好、更惹味。
食外賣，除咗慳時間，亦慳啲錢，「唐包點」嘅蒸飯算喺精打細算之選。不過，非必要，我哋都較喜歡自己煮，感覺健康啲嘛！加上疫情持續，都唔知仲會搞到幾耐，盡可能都喺多啲晌屋企食飯好啲。
張貼
