影片
更多
2012-12-09
12 瀏覽
小女今次有幸被邀出席今次既意式「蠔」情茶聚，多謝ALEX同老闆BEN哥既悉心安排! 活動2點半開始，雖然我地有BLOGGER未到，不過BEN哥就已經開始按人頭準備即搾既楊桃白桃汁，我本身好鐘意飲果汁，好似感覺上比水有味而又比汽水健康，不過就從來未試過用星星楊桃嚟搾汁飲，今次係第一次飲，再加上平時既白桃汁通常係飲日本果D包裝果汁，果味係有，甜味係更重，無法啦~唔係私家搾既一定會加左糖水。不過今次BEN哥E個真係正!! 飲落唔係太淡又唔係甜到不得了果種，而且E2種水果又幾MATCH，BEN哥話佢地完全冇落糖水，我地飲到既係水果本身既甜味，而D水果係今朝去買新鮮GAR，真係好有HEART去搵食材，令到我好期待跟住既野食!跟住就開蠔俾我地食啦!!!!因為我地有2位朋友唔係好受得蠔，所以特別為佢地整左兩款焗蠔 - 煙肉焗生蠔 / 芝士莧菜焗生蠔。而生蠔就分別有先食較淡味既大隻美國Pacific Rock同海水味濃點既法國白珍珠我平時都只係係自助餐到食下蠔，不過望落通常都係唔係太新鮮既，更加唔會有咩海水味，而肥美小小既蠔就係澳洲食過，而今次OYSTER BAR & GILL既蠔，雖然唔係望落隻隻都
活動2點半開始，雖然我地有BLOGGER未到，不過BEN哥就已經開始按人頭準備即搾既楊桃白桃汁，
我本身好鐘意飲果汁，好似感覺上比水有味而又比汽水健康，不過就從來未試過用星星楊桃嚟搾汁飲，今次係第一次飲，再加上平時既白桃汁通常係飲日本果D包裝果汁，果味係有，甜味係更重，無法啦~唔係私家搾既一定會加左糖水。不過今次BEN哥E個真係正!! 飲落唔係太淡又唔係甜到不得了果種，而且E2種水果又幾MATCH，BEN哥話佢地完全冇落糖水，我地飲到既係水果本身既甜味，而D水果係今朝去買新鮮GAR，真係好有HEART去搵食材，令到我好期待跟住既野食!跟住就開蠔俾我地食啦!!!!因為我地有2位朋友唔係好受得蠔，所以特別為佢地整左兩款焗蠔 - 煙肉焗生蠔 / 芝士莧菜焗生蠔。
而生蠔就分別有先食較淡味既大隻美國Pacific Rock同海水味濃點既法國白珍珠我平時都只係係自助餐到食下蠔，不過望落通常都係唔係太新鮮既，更加唔會有咩海水味，而肥美小小既蠔就係澳洲食過，而今次OYSTER BAR & GILL既蠔，雖然唔係望落隻隻都係外形飽滿，不過口感滑溜，完全冇一PAAAT野既感覺WOR! 而兩種都有海水既鮮味~
西湯就係意大利牛肝菌忌廉湯
E個完全係俾隻大手指公BEN哥!! 超好味!! 佢完全夠晒濃味，冇偷工減料咁勁加水，而且佢無論嗅同食都有好重既牛肝菌香味。其實一開始我有以為佢種咸味係用SALT整出嚟，後尾佢地介紹果時我地先知係材料原本既咸味~ 哈哈，小女唔係太識食，搞到差少少就誤會左佢地。個湯真係好飲到好想下次再嚟飲!自製法國鵝肝醬
其實食E個次前我唔係好敢食，因為早兩日係KOWLOON CITY某地方食左人生第一次食既鵝肝，真係勁爆難食，不過今日食E個完全唔係果回事!! 佢切開果時有D似切雪芭咁，硬硬地又好易碎，拎嚟塗上包到真係幾好食。不過我唔係太識形容E種味，你地下次去可以叫一叫嚟試下!! 一碟可以6-8個人去SHARE，因為佢都幾大個，同埋個味其實唔會令人SAY NO。今次MAIN COURSE就有
美國黑豬扒蜜糖芥末子汁
香蒜蜆肉意大利粉
香煎白鱈魚
牛肝菌煙鴨胸意大利飯
香煎白鱈魚係伴以白菌汁，挺喜歡這個組合，可以令本身味道較淡既魚加入生氣咁。而美國黑豬扒就係啱晒我既好少油冇肥肉。不過個人認為如果E兩味菜上碟時可以加多少少汁就更完美啦!!而意大利飯同意粉就係一JUICY一干身既感覺，我就較喜歡前者，因為佢口感多元化D~ 硬硬地身既飯粒，再加D濕濕既又夠味既汁，佢個汁同米既比例拎得幾準，冇令到我覺得太稀或者太難口，不過我食得慢，所以E個飯我放左一陣，食左其他野先食，果時已經凍左...唔知係佢熱D既時候食會唔會更加香口好味呢???
黑松露意大利比薩
BEN哥話E個PIZZA個底係師傅用人手整出嚟，冇用到機器/碌碌幫手，所以個PIZZA底會脆口過平時食果D。E個PIZZA一嚟果時我就拎左件嚟食，佢芝士味好夠真係啱晒我E D芝士愛好者!! 而佢個底真係夠薄，所以會幾脆口。不過如果大家日後蹳食E個PIZZA真係要佢到左就快手點食，因為我留左一半等左兩味菜先再食，佢已經硬硬地，冇一嚟咁好食。 唔可以唔提既係佢加左黑松露真係好鬼正，令到個PIZZA食落係多左種好香既味道!!我地TEA TIME係到食，身邊其實都好滿客，而差唔多個個都叫一SET E個HIGH TEA SET嚟一到輕鬆聊天一到慢慢食
挪威煙三文魚三文治黑魚子醬碎蛋撻撻
法國鵝肝醬多士
特級牛肉小漢堡
法式焦糖燉蛋
忌廉泡芙
意大利芝士餅
紐約芝士餅
我比較鍾意食底層既黑魚子醬碎蛋撻撻同法國鵝肝醬多士，佢用好脆口既多士襯住兩種醬。而個牛肉小漢堡佢個口感係有D似打邊爐手打牛肉球既感覺，我自己覺得佢咁大舊肉有點DRY既口感，可能佢牛肉味唔係太勁，所以如果係咁其實佢加塊芝士落去都唔錯。其實小食就普普通通啦，不過係樓下見到E SET HIGH TEA唔貴GAR，其實E個咁抵既價錢可以係個咁舒服既環境食咁好多款野都堅係唔錯呀!所以要求唔可以太高。
BEN哥最後仲俾左兩款甜品我地做個SWEET既ENDING~
焗朱古力心太軟
意大利芝士蛋糕
心太軟真係有一切開就流出嚟既場景，而廚師講解果時就話係克意整到個心太軟唔係好似市面食果D咁熱，為左個心可以冇咁易變成個糕既一部份，令到流出嚟既醬會感覺勁D同個皮冇咁厚~ 我幾鍾意佢用果種朱古力，唔係太甜，配個溫厘拿雪糕就剛剛好。而個意大利芝士蛋糕質數好過SET TEA果個好多，CREAMY D冇咁硬，佢仲比平時食既有D唔同，因為佢用左海棉CAKE去取代好DRY口感好唔和諧既餅碎
其實成餐大部份都幾好食，我仲食到超飽TIM!! 真係好感謝ALEX同BEN哥所花既心機同時間，令到我可以係週末''蠔''食一番。 而且店舖既環境同服務都唔錯，我地雖然係週六既灣仔商業區到食，不過成間餐廳都坐得幾FULL，仲有好多西人係到食野，成個環境都幾舒服，其實佢都冇大家係食評到講得咁差。
張貼
