影片
更多
2018-03-31
88 瀏覽
爸媽去咗台灣旅行，我地幾姐弟當然要自行覓食。雖然我地都好鍾意日本野，但因為呢排真係食得太多啦; 所以我地決定食番啲好耐都無試過嘅野 -- 「蠔門盛宴」我地上網睇到唔少網民推介一間名叫<<Season Plus>>嘅餐廳。因為佢嘅生蠔非常馳名，唔少遊客都唔介意長途跋涉，攀上幾段樓梯，黎到呢個世外叢林......由大門行入餐廳，我地見到唔少青翠樹木。月色，綠林，我地尚算體會何謂「歲月靜好 現世安穩」。為咗欣賞靜謐夜色，我同弟妹都一致決定坐係outdoor 嘅一張西式餐枱度。抬頭一望，簷篷掛滿大小不一嘅星星，真係閃爆全場。入座啦！ 枱櫈同一系列擺設都好有歐陸風味啊！打開餐牌，我地又經歷一番「內心格鬥」。好彩，我地一早就鎖定要勁食生蠔!事不宜遲，我地一口氣order左3款生蠔-- 分別係: 南非生蠔No.1，法國Gillardeau No.0，同埋Irish Rock No. 00 各三隻。南非個種生蠔每隻只係HK$29;另外兩款就HK$39一隻，真係好抵食啊！無知嘅我一開始以為"No.0"或者 "No.1"，只係餐牌上一個簡單編號。點知，一問之下，我先知道呢
我地上網睇到唔少網民推介一間名叫<<Season Plus>>嘅餐廳。因為佢嘅生蠔非常馳名，唔少遊客都唔介意長途跋涉，攀上幾段樓梯，黎到呢個世外叢林......
由大門行入餐廳，我地見到唔少青翠樹木。月色，綠林，我地尚算體會何謂「歲月靜好 現世安穩」。
為咗欣賞靜謐夜色，我同弟妹都一致決定坐係outdoor 嘅一張西式餐枱度。
抬頭一望，簷篷掛滿大小不一嘅星星，真係閃爆全場。
入座啦！ 枱櫈同一系列擺設都好有歐陸風味啊！
打開餐牌，我地又經歷一番「內心格鬥」。好彩，我地一早就鎖定要勁食生蠔!
事不宜遲，我地一口氣order左3款生蠔-- 分別係: 南非生蠔No.1，法國Gillardeau No.0
，同埋Irish Rock No. 00 各三隻。
南非個種生蠔每隻只係HK$29;另外兩款就HK$39一隻，真係好抵食啊！
無知嘅我一開始以為"No.0"或者 "No.1"，只係餐牌上一個簡單編號。點知，一問之下，我先知道呢個號碼，係引證左每款生蠔嘅年齡。
法國Gillardeau No.0
$39
7 瀏覽
0 讚好
0 留言
法國Gillardeau No.0 $39/隻
3款生蠔當中，我個人最鍾意源自法國嘅Gillardeau No.0。
呢款生蠔相當肥美，唔單止帶有濃郁嘅海水鹹味，質厚嘅蠔肉更加富有彈性，食落口別有一番滋味。
妹妹話，佢甚至食到一股淡淡嘅鮮果味添。
味道如此清新，難怪佢一直堪稱為「生蠔界嘅勞斯●萊斯」啦！
食完3款生蠔之後，我地又忍唔住叫多set <<一人生蠔套餐>>。
5隻中型size生蠔，加埋杯黎自阿根廷嘅香醇白酒，成個set 都只係$99，真係物超所值。
意大利肉醬千層麪
$128
5 瀏覽
0 讚好
0 留言
意大利肉醬千層麪 HK$128
食咗咁多生蠔，點都要點番個正餐食下。
弟妹都好鍾意千層麪，所以我地就叫左個意大利肉醬千層麪。結果當然無令我地失望啦！
香濃肉醬配上濃郁芝士，令成個麪條增添唔少口感。雖然我個人唔太鍾意乳酪製品，但對於呢款千層麪，都係忍唔住畀個LIKE呀！
柚子蜜
$28
6 瀏覽
0 讚好
0 留言
熱柚子蜜 HK$28
食咗咁多好野，我就決定叫番杯熱飲暖胃。
熱柚子蜜酸酸甜甜，止渴生津，真係好適合作為春夏交替嘅養生之品呀!
捧在手裡，暖在心裡！
如果日後有朋友想食價廉物美嘅生蠔宴，我一定會推薦呢間餐廳姐~😍
張貼
