影片
更多
2018-03-03
183 瀏覽
好耐未食個越南野啦，今日嚟到尖沙咀The One濕平，俾我哋見到有間食越南菜喺4樓，裝修開揚走型格路缐，同埋都坐滿7788，一於就入去試試。因為行左成日街嘅關係所以我哋兩個人叫咗頗多嘅嘢食。首先來一個新鮮椰青先啦，食越南野點可以冇椰青啊。棷青好新鮮雖然啲汁唔係太甜但係椰肉係勁軟滑嗰種。真係成個都可以又飲又食。因為實在太多小食想食，所以最後叫咗個小食拼盤 - 有炸春卷、炸蝦餅、蒸粉包同埋豬頸肉，真係一碟就滿足晒你四個願望，兩三個朋友一齊食其實啱啱好唔使逐樣叫。炸物炸得鬆脆可口，唔會成口油。豬頸肉都冇乾爭爭嘅感覺。必叫牛油雞翼，一上枱已經聞到好香嘅牛油味，咬落熱辣辣，好肥美又多汁，正！香茅燒牛仔骨，來到睇見已經好想食，燒到剛好，唔會太乾，好香香茅味。細細個已經鍾意食菠蘿炒飯見好耐冇食過今日叫咗一個，鍾意佢飯炒得夠乾身，飯有好多配料仲有好多菠蘿肉。辣椒膏炒大蜆，呢個汁簡直係冇得頂，如果唔係叫咗個飯我諗我會叫法包嚟點。香香辣辣咁樣。至於大蜆粒粒脹卜卜，一碟有起碼8大隻。蒜蓉炒椰菜苗，呢個菜唔係間間餐廳都會有，係我見到必點嘅蔬菜因為平時係屋企會少食啲，我鍾意佢比較有口感。今日除咗買咗好多野之外仲
因為行左成日街嘅關係所以我哋兩個人叫咗頗多嘅嘢食。
首先來一個新鮮椰青先啦，食越南野點可以冇椰青啊。棷青好新鮮雖然啲汁唔係太甜但係椰肉係勁軟滑嗰種。真係成個都可以又飲又食。
12 瀏覽
0 讚好
0 留言
因為實在太多小食想食，所以最後叫咗個小食拼盤 - 有炸春卷、炸蝦餅、蒸粉包同埋豬頸肉，真係一碟就滿足晒你四個願望，兩三個朋友一齊食其實啱啱好唔使逐樣叫。炸物炸得鬆脆可口，唔會成口油。豬頸肉都冇乾爭爭嘅感覺。
小食拼盤
$108
14 瀏覽
0 讚好
0 留言
必叫牛油雞翼，一上枱已經聞到好香嘅牛油味，咬落熱辣辣，好肥美又多汁，正！
牛油雞翼
$68
15 瀏覽
0 讚好
0 留言
香茅燒牛仔骨，來到睇見已經好想食，燒到剛好，唔會太乾，好香香茅味。
細細個已經鍾意食菠蘿炒飯見好耐冇食過今日叫咗一個，鍾意佢飯炒得夠乾身，飯有好多配料仲有好多菠蘿肉。
大🦐菠蘿炒飯
$88
23 瀏覽
0 讚好
0 留言
辣椒膏炒大蜆，呢個汁簡直係冇得頂，如果唔係叫咗個飯我諗我會叫法包嚟點。香香辣辣咁樣。至於大蜆粒粒脹卜卜，一碟有起碼8大隻。
辣椒膏炒大蜆
$145
22 瀏覽
0 讚好
0 留言
蒜蓉炒椰菜苗，呢個菜唔係間間餐廳都會有，係我見到必點嘅蔬菜因為平時係屋企會少食啲，我鍾意佢比較有口感。
今日除咗買咗好多野之外仲食咗好多好野。感覺大滿足！
張貼
