影片
更多
6天前
318 瀏覽
九龍站之上嘅「圓方」有唔少中高檔食肆，而過到嚟金區演薈廣場上面嘅平台花園，就別有一番風情，一來景觀開揚，二來間間餐廳都設有露天座，非常有氣氛。今晚同舊同學嚟食飯，就選上「Sepoy Mess」，喺一家融合英國與印度風味嘅餐廳，小弟都好一段日子無食過印度菜喇。上文都提及過，呢度每家餐廳對出都有啲露天位，日頭曬吓陽光食住嘢喺幾爽，不過，近排入夜就有少少寒，乖乖坐番室內會好啲。餐廳分兩層，下層嘅用餐區就細啲，只喺有幾張枱，而由於個酒吧設喺呢層，所以，感覺下層都喺俾人哋飲吓酒、食吓小食，輕鬆一下，渡過Happy Hour嘅歡樂時光。至於樓上，就好唔同，地方唔止大、樓底高，而且，特別有氣氛，行到餐廳尾仲有個廂房，不過，就無問太清楚個最低消費要幾多。而無論下層定上層，都見牆上掛咗好多印度軍隊嘅相片、油畫、火槍，睇上去有好濃厚的殖民時代色彩。餐廳經理就向我解釋Sepoy意思就即喺印度士兵，而Mess即喺軍隊食堂。食物選擇方面，一大張餐牌就羅列晒小食類、包點類、印度薄餅、天多利燒烤、主菜、咖哩、特色菜以及甜品，選擇確喺唔少。而另一張餐牌，就喺各種飲品、雞尾酒、非酒精類、啤酒，以及多款烈酒。仲有一張細細
上文都提及過，呢度每家餐廳對出都有啲露天位，日頭曬吓陽光食住嘢喺幾爽，不過，近排入夜就有少少寒，乖乖坐番室內會好啲。餐廳分兩層，下層嘅用餐區就細啲，只喺有幾張枱，而由於個酒吧設喺呢層，所以，感覺下層都喺俾人哋飲吓酒、食吓小食，輕鬆一下，渡過Happy Hour嘅歡樂時光。
至於樓上，就好唔同，地方唔止大、樓底高，而且，特別有氣氛，行到餐廳尾仲有個廂房，不過，就無問太清楚個最低消費要幾多。而無論下層定上層，都見牆上掛咗好多印度軍隊嘅相片、油畫、火槍，睇上去有好濃厚的殖民時代色彩。餐廳經理就向我解釋Sepoy意思就即喺印度士兵，而Mess即喺軍隊食堂。
食物選擇方面，一大張餐牌就羅列晒小食類、包點類、印度薄餅、天多利燒烤、主菜、咖哩、特色菜以及甜品，選擇確喺唔少。
而另一張餐牌，就喺各種飲品、雞尾酒、非酒精類、啤酒，以及多款烈酒。
仲有一張細細哋嘅餐牌，同樣喺飲品，不過，喺歡樂時光嘅優惠飲品餐牌，自然划算得多！
Masala Chai Punch $88舊同學就喜歡啲特別嘢，所以揀咗呢個「賓治」，的確又喺幾特別，用咗印度嘅拉茶做底，加咗少少雜果汁，再放上肉桂條。佢就話茶香中滲出陣陣果香，又嗒到少少肉桂味，非常特別有趣。
Mango Lassi $68食親印度菜小弟都鍾情印度酸奶，而芒果口味就更加喺小弟「飛弗」，呢一杯印度酸奶，入口口感順滑，芒果味濃郁又清甜，乳酪帶出嘅酸味唔太重，清涼解辣，飲到尾味道都無走樣，就知真材實料，無話加水加冰嚟打。
Mango Lassi
$68
0 瀏覽
0 讚好
0 留言
先講個賣相，色彩繽紛非常之養眼，裡面包咗好多食材，包括蕃茄、青瓜、印度洋蔥、芫茜、士多啤梨、烤粟米粒、薄荷葉，再淋上自家製嘅薄荷醬汁同灑下唔少巴馬臣芝士碎，撈勻之後食落唔單止味道清新豐富，微辛增加咗開胃感。
Afghani Ribs & Chips $188咪見Ribs就以為喺豬肋骨，再睇清楚餐牌啲細字，其實呢一道喺「阿富汗羊肋骨」，羊肋骨經過24小時慢煮，之後再用印度香料、芫茜、薑、大蒜去醃製，燒到陣陣焦香，再蘸上特製嘅菠蘿醬一齊食，濃香肉嫩，少少羶卻喺「脂」味無限，而Chips亦唔喺我哋所諗嘅炸薯傑，只係好有印度色彩嘅烤薯仔。
Chicken Tikka Masala $178 瑪沙拉雞喺印度菜好常見嘅菜式，呢款菜除咗加入好多印度香料去煮之外，仲加入埋乳酪，記得有位食友講過，瑪沙拉喺混合多種具芳香性嘅香辛料所做，喺印度料理嘅萬能香料，用咗瑪沙拉煮出嚟嘅菜式，帶少少辛辣，刺激惹味，而雞肉意料之外幾嫩滑。當然，嗌呢款菜就一定要搭印度薄餅啦，下面再分享。
Chicken Tikka Masala
$178
0 瀏覽
0 讚好
0 留言
Truffle Ricotta Cheese Naan $38叫印度咖喱，又點少得印度薄餅，店家有好幾款口味，我哋就揀咗搽咗松露醬，又加咗芝士嘅印度薄餅。啲薄餅口感鬆熟，咬落有韌勁，而且睇相都見啲松露落得疏爽，松露味好突出，芝士味就唔算好強，但淨食都已經好唔錯，再蘸埋啲瑪沙拉醬汁，可以講無得輸。
Truffle Ricotta Cheese Naan
$38
0 瀏覽
0 讚好
0 留言
Pistachio Burnt Basque Cheese Cake $128小弟一向嗜甜，不過，就算食印度菜都好少食埋印度甜品，因為好多時都超甜到不得了，但今晚見啲甜品比較西式，而舊同學亦好鍾意食甜品，就叫咗呢款開心果巴斯克芝士蛋糕。裝飾方面，灑咗好多開心果仁碎，而一身綠色嘅蛋糕都頗有開心果香味，質感外脆內軟，裡面帶少少濕潤，好食。反而，卻唔覺有「巴斯克」焗到燶燶哋嘅效果。
「Sepoy Mess」嘅廚師做菜功夫扎實，招呼亦好好，加上用餐環境舒服，唔單喺「印度士兵嘅飯堂」，亦喺老友相聚嘅好地方。
張貼
