塩 (已結業)

今日介紹位於中環的懷舊居酒屋，SHIO一詞在日本解作塩的意思，店家希望以塩作為最原始的調味核心，讓食材展現出原本有的風味。餐廳以日本昭和時代裝修為主調，另外亦於隱藏位置設有萬聖節裝飾，一時唔留神都好容易嚇親。居酒屋一定唔少得飲酒，坐底幾個鐘同三五知己邊食邊傾。餐廳亦提供$298 sake 120 分鐘free flow，有六種sake可以任飲。🌟 奄田炸雞 $88 炸雞一共有五件，肉質非常飽滿，不過如果大家想要沙律醬或者天醬蘸的話需要問職員拎㗎。🌟牛舌芯串燒 $68 牛舌有兩件，牛味非常之重，亦都保留左牛舌嘅彈性🌟銀鱈魚 $218銀鱈魚嘅肉質非常之嫩，外皮燒得脆脆地，都幾香口，旁邊亦附有醬汁提供，不過稍嫌外皮有點魚鱗。由於銀鱈魚入面嘅骨比較少，適合一啲擔心哽魚骨嘅朋友 。🌟吞拿魚蓉海膽帶子丼 $288呢一個丼飯入面包括蔥花吞拿魚碎、海膽及帆立貝。值得一讚嘅係入面嘅刺身都非常之新鮮，海膽亦都唔會有一陣味，非常鮮甜。帆立貝雖然得兩件，不過都算厚切，至於蔥花吞拿魚就最適合撈飯食啦。丼飯雖然望落細細碗，不過兩個人叫一個一齊share加埋啲小食就啱啱好。📌SHIO @shio_yakitori