影片
更多
2022-08-28
786 瀏覽
『望住海景好寫意，菜式創新之餘味道拿捏得幾好』舊年年尾造訪過仍在尖沙咀的HAKU，表現不俗(拖延症的post一直未出🙈) 今次再訪已經搬到IFC 4樓的平台，比起舊舖環境更開陽闊落，對住海景同開放式廚房享用晚餐感覺更加放鬆舒適🥂菜式由曾擔任米芝蓮三星餐廳Maaemo R&D chef 的Rob Drennan設計，充滿藝術感同創意📜如果話舊舖更偏向傳統日式割烹路線，新舖則更充滿現代同各地文化的衝擊，可以話係完全唔同的體驗。推介 🥢海膽 🥢松露薯仔粒 🥢藍龍蝦 🥢甜品 ————————————————————⦿ Dinner Set (HKD1980)◎ Starter - Part 1//北海道海膽| 4.3/5//煙燻鱈魚籽 | 3.5/5//炸山口縣雞髀肉 | 3.8/5前菜中最喜愛當屬海膽，海膽肥美軟滑味道濃郁，同黑松露一齊放係鬆軟的Brioche上面，焦香可口👅炸雞旁邊有自家醃製的酸瓜，酸到打冷震好過癮◎ Starter - Part 2//大拖羅 | 4/5//慢煮魷魚 | 3.8/5//松露薯仔粒 | 4/5//藍龍蝦 | 4.3/5大拖羅用昆布鰹魚醃過，配上英
舊年年尾造訪過仍在尖沙咀的HAKU，表現不俗(拖延症的post一直未出🙈) 今次再訪已經搬到IFC 4樓的平台，比起舊舖環境更開陽闊落，對住海景同開放式廚房享用晚餐感覺更加放鬆舒適🥂菜式由曾擔任米芝蓮三星餐廳Maaemo R&D chef 的Rob Drennan設計，充滿藝術感同創意📜如果話舊舖更偏向傳統日式割烹路線，新舖則更充滿現代同各地文化的衝擊，可以話係完全唔同的體驗。
推介 🥢海膽 🥢松露薯仔粒 🥢藍龍蝦 🥢甜品
————————————————————
⦿ Dinner Set (HKD1980)
◎ Starter - Part 1
//北海道海膽| 4.3/5
//煙燻鱈魚籽 | 3.5/5
//炸山口縣雞髀肉 | 3.8/5
前菜中最喜愛當屬海膽，海膽肥美軟滑味道濃郁，同黑松露一齊放係鬆軟的Brioche上面，焦香可口👅炸雞旁邊有自家醃製的酸瓜，酸到打冷震好過癮
◎ Starter - Part 2
//大拖羅 | 4/5
//慢煮魷魚 | 3.8/5
//松露薯仔粒 | 4/5
//藍龍蝦 | 4.3/5
大拖羅用昆布鰹魚醃過，配上英國芥末同法國紫羅蘭芥末，以食用杜鵑花點綴，芥末甜口魚肉肥美至極🐟魷魚慢煮30分鐘很軟腍，洋蔥甘甜不嗆辣，酸汁令整道菜頗有生津感🥔薯仔粒迷你脆口，加入現刨松露、魚子醬等等，各種味道相輔相成加強了薯香。
而龍蝦最得我心，龍蝦肉加Celeriac purée、(唔記得係咩)脆脆同玫瑰花瓣，龍蝦汁用龍蝦殼熬製🦞肉質彈牙爽口，炒麵般幼細的脆脆感覺系舌尖環繞，醬汁濃郁誘人
◎ Main
//慢煮20小時鹿兒島豬肉 | 3.8/5
//A4 鹿兒島和牛 | 3.5/5
//松露牛油麵包 | 4/5
豬肉狀似紅燒肉，皮更厚更脆，略嫌有少少硬。豬肉紮實入味，濃味之選🐷而和牛則一貫的肥，略帶點苦味，需要洋蔥汁帶回一點甘甜度🍞神來之筆必屬牛油麵包，外酥內軟，配上松露牛油滿嘴芬芳，蘸上豬肉或和牛的醬汁又是另一種風味。
◎ Dessert
//番石榴雪葩 | 4.5/5
//Jerusalem Artichoke Icecream | 4/5
番石榴雪葩濃郁到極點，撈勻食會食到青草感的輕盈，再到creamy的奶香，最後翻去番石榴的濃烈清香🍐Jerusalem Artichoke又稱菊芋，食落帶點藥材的香氣，自帶的甜味配上85% 黑朱古力尤為融洽。
◎ PETIT FOUR | 3.8/5
柚子啫喱配山椒鹽/香蕉蛋糕/Ruby Chocolate
柚子啫喱有d 黐牙，香蕉蛋糕好濃味，朱古力就加入味噌好似海鹽朱古力
————————————————————
♣️ HAKU
☌ 中環IFC 4樓4011號舖
◔12nm~3pm; 6~10:30pm
回頭率：🌕🌕🌕🌕🌑
環境：🌕🌕🌕🌕🌑
份量: 🌕🌕🌕🌕🌑
味道：🌕🌕🌕🌕🌑
價錢：HKD2178p.p(incl. 10% service charge)
張貼
