任你點車仔麵 (已結業)

難得嚟到九龍城，下午又未想食泰菜，搵咗呢間食車仔麵，想多想少自由選擇，彈性又高，完全係自己個刻想食咩就咩，唔怕交叉感染。好彩我哋早食，星期六下午12點幾就開始食，坐左一陣開始都多人，我哋1幾走就已經要排隊，估唔到呀。選擇都多，都有啲十五十六，唔知邊幾樣好。腐皮豬紅魚肉春卷，37元，豬紅夠味，腐皮勁大塊，魚肉春卷皮薄又夠味，配河粉，佢係幼粉，又唔會太索湯。酸齋魚片頭鮮蝦卷，蕃薯粉，38元，酸齋係另點，都幾好，魚片頭勁大舊，勁彈牙，我最鍾意，蕃薯粉都好多，成餐唔駛飲嘢已經勁飽。💪🏻💪🏻