烤魚工房

營業中

休息中

【元朗區】【烤魚工房】之前成日嚟呢邊搵自己啲學生，嗰時見到南天大廈有間烤魚工房好多人食，已經好有興趣都想試吓。可惜當時啲學生唔多啱食魚，所以一直都苦無機會。終於到佢哋搬埋舖之後，就叫得郁凌霄哥陪我去試，第一次食就係新舖。一場嚟到梗係食佢哋嘅烤魚，呢款「鮮青椒味烤魚」有三款魚可以揀，我哋試 $329 嘅「江團魚」，要「小辣」、「多湯」。嚟到仲話呢排送豆腐，有成六舊，索晒啲汁都幾正。魚肉就更加係又嫩又滑，辣得嚟都好惹味。跟住食 $169 嘅「重慶把把燒」，係 48 串川式現烤串燒組合，有羊肉串、雞腎串、魷魚串、五花肉串、牛肚串、雞脆骨串、魚豆腐串同粟米粒串，有加熱底座，鮮辣過癮。冇乜話邊款特別好，但係口痕當小食就好掂。嘢飲方面，我就叫 $43 嘅「至尊水果茶」，夠晒多生果，嘢飲又濃，仲話健康養顏添。凌霄哥就飲 $39 嘅「益力多沙冰」，我有問佢意見，佢話好好飲。連埋加一埋單價係 $638，食到咁大條烤魚同埋咁大堆串燒，都算係抵食嘅。。。（地址：元朗教育路54-66號順發大樓地舖及1樓）@howfishgongfang#1amfoodie #foodie #hkfoodie #thatfoo