影片
更多
2024-10-01
162 瀏覽
早排去完日本，小編仍然心心念念掛住嗰度嘅風景同食物。可惜荷包肝硬化同仲未放到假，冇辦法再飛。🥲🥲🥲咁啱聽朋友講太子有間餐廳 @hungryizakaya 可以幫我1秒返鄉下，好似置身於日本咁樣小編就即管去試吓。😄本身都冇乜期望，以為會好似加太賀嗰種，掛吓燈籠就算。🤣😂但入到去都有啲驚喜，首先映入眼簾嘅係日本神社嘅代表鳥居，再入啲就見到燈籠牆，最令人驚訝嘅係有一棵百花齊放嘅仿櫻花樹。🌸🌸🌸我哋仲可以坐喺和式嘅榻榻米上面、喺櫻花樹下食嘢，確實好有日本feel。- 玉子の大滿足 $98🥚🍳🐣其實小編喺日本都好少食玉子燒，因為日本好多都係凍冰冰擺咗好耐。但呢度係新鮮熱辣辣整起，出晒煙。玉子非常之厚實，上面鋪滿飛魚子、明太子醬、沙律醬。玉子食落去軟綿綿，加埋上面嘅飛魚子，有雙重嘅口感。味道方面主要係明太子嘅鹹鹹辣辣，再加餘韻嘅蛋香，確實有大滿足嘅感覺。味道：8.4/10- 夢王飛驒和牛漢堡扒丼 $148 🐄🐮呢個丼飯用料相當奢華，除咗有頂級嘅生食級夢王蛋，仲有飛驒和牛整成嘅薄漢堡扒。漢堡扒肉味比較突出，不過口感比較結實，小編會鍾意腍啲鬆啲嘅漢堡扒。而夢王蛋蛋味強烈，非常之濃稠，撈飯食一流，忍唔住
早排去完日本，小編仍然心心念念掛住嗰度嘅風景同食物。可惜荷包肝硬化同仲未放到假，冇辦法再飛。🥲🥲🥲咁啱聽朋友講太子有間餐廳 @hungryizakaya 可以幫我1秒返鄉下，好似置身於日本咁樣小編就即管去試吓。😄
本身都冇乜期望，以為會好似加太賀嗰種，掛吓燈籠就算。🤣😂但入到去都有啲驚喜，首先映入眼簾嘅係日本神社嘅代表鳥居，再入啲就見到燈籠牆，最令人驚訝嘅係有一棵百花齊放嘅仿櫻花樹。🌸🌸🌸我哋仲可以坐喺和式嘅榻榻米上面、喺櫻花樹下食嘢，確實好有日本feel。
- 玉子の大滿足 $98🥚🍳🐣
其實小編喺日本都好少食玉子燒，因為日本好多都係凍冰冰擺咗好耐。但呢度係新鮮熱辣辣整起，出晒煙。玉子非常之厚實，上面鋪滿飛魚子、明太子醬、沙律醬。玉子食落去軟綿綿，加埋上面嘅飛魚子，有雙重嘅口感。味道方面主要係明太子嘅鹹鹹辣辣，再加餘韻嘅蛋香，確實有大滿足嘅感覺。
味道：8.4/10
- 夢王飛驒和牛漢堡扒丼 $148 🐄🐮
呢個丼飯用料相當奢華，除咗有頂級嘅生食級夢王蛋，仲有飛驒和牛整成嘅薄漢堡扒。漢堡扒肉味比較突出，不過口感比較結實，小編會鍾意腍啲鬆啲嘅漢堡扒。而夢王蛋蛋味強烈，非常之濃稠，撈飯食一流，忍唔住一啖接一啖。
味道：8/10
- 壽喜燒牛肉鍋—並盛 $198🐮🐄
呢個壽喜燒鍋係會上枱先點火煮滾，所以會keep住一直㷫，包保熱辣辣，亦可以自行調控牛肉嘅生熟度。佢嘅湯底味道偏甜，有淡淡醬油香。擺滿咗唔同嘅野菜，豆腐、金菇等等。亦有超級多嘅牛肉，牛肉肥瘦均勻，肉香突出，最重要份量真係夠晒多，唔使加飯或者烏冬一樣食得夠晒飽。
味道：8.1/10
法國藍橙有氣果酒$78 🍊
佢嘅顏色相當搶眼，一開始係漸變嘅藍色，攪勻就係藍寶石咁。飲落去橙味唔算好香，微微嘅酒味，唔算令人印象好深刻。
味道：7.4/10
鮮檸蜂蜜遊戲果酒 $78 🍋🍸
檸檬嘅有氣果酒以前喺日本都成日飲。確實還原到日本凍冰冰、充滿氣嘅感覺。同時佢加入咗蜂蜜，令到酒精嘅苦味冇咁強烈，容易入口。夏天飲亦都非常清爽。
味道：7.7/10
環境：8.6/10
服務：8.2/10
抵食：8/10
餓居 (太子)
太子砵蘭街440號地舖
#hkig #hkfoodie #hkfood #hkeat #香港美食 #食評 #香港食評 #香港生活 #小紅書 #香港必食 #旺角美食 #旺角 #太子 #太子美食 #日式料理 #日式餐廳 #日本 #玉子燒 #壽喜燒 #和牛 #明太子 #mokkok #princeedward #japan #japanese #japanesecusine #japaneserestaurant #sukiyaki #wagyu #餓居
張貼
