影片
更多
2024-06-30
318 瀏覽
小編今日到尖沙咀，發覺有間川菜館 @the_fly_place 搞緊個超抵優惠。如果早一日訂烤魚／火鍋鍋底嘅話竟然半價！生日月份嚟，亦有88折仲送糖水。如果唔想食烤魚，亦可以食冒菜！🐟冒菜係起源於四川成都嘅菜式，即係將唔同嘅餸煮熟，再放入特別調配嘅湯。依家生日月份嚟，食冒菜送糖水，正日嚟二人以上，一碗免費！😨真係要bookmark 定，計劃下生日去食到最盡、食到最抵！😉➡️ 藤椒湯(六款餸＋主食) $58 🌶️藤椒湯係唔辣嘅，但有藤椒嘅麻香，食食下會feel 到個嘴唇麻晒，好鬼過癮。配菜叫咗生菜、芽菜、風琴豆腐、羊肉、腩肉、四川臘腸配火鍋寬麵。特別推薦火腩肉同四川臘腸，平時啲腩肉白烚又乾，呢度肥瘦相間，油脂同軟腍度啱啱好；四川臘腸比較少見，比較短同幼，味道都差唔多，但油脂明顯多啲，咬落去會油脂爆發。火鍋寬麵其實即係酸菜魚會加嘅寬薯粉，又闊又煙靭，口感好好。味道：7.7/10➡️ 麻辣湯(六款餸＋主食) $58 🥵雖然嗌咗BB辣，不過湯底都好濃麻辣味，香麻辛辣齊晒。呢個價錢食到呢個質素，已經好滿足。配菜叫咗鴨血、響鈴、豆卜、雞翼、肥牛，配火鍋麵，火鍋麵麵質比公仔麵煙靭同寬。個人推薦揀選比較索湯
小編今日到尖沙咀，發覺有間川菜館 @the_fly_place 搞緊個超抵優惠。如果早一日訂烤魚／火鍋鍋底嘅話竟然半價！生日月份嚟，亦有88折仲送糖水。如果唔想食烤魚，亦可以食冒菜！🐟
冒菜係起源於四川成都嘅菜式，即係將唔同嘅餸煮熟，再放入特別調配嘅湯。依家生日月份嚟，食冒菜送糖水，正日嚟二人以上，一碗免費！😨
真係要bookmark 定，計劃下生日去食到最盡、食到最抵！😉
➡️ 藤椒湯(六款餸＋主食) $58 🌶️
藤椒湯係唔辣嘅，但有藤椒嘅麻香，食食下會feel 到個嘴唇麻晒，好鬼過癮。配菜叫咗生菜、芽菜、風琴豆腐、羊肉、腩肉、四川臘腸配火鍋寬麵。特別推薦火腩肉同四川臘腸，平時啲腩肉白烚又乾，呢度肥瘦相間，油脂同軟腍度啱啱好；四川臘腸比較少見，比較短同幼，味道都差唔多，但油脂明顯多啲，咬落去會油脂爆發。火鍋寬麵其實即係酸菜魚會加嘅寬薯粉，又闊又煙靭，口感好好。
味道：7.7/10
➡️ 麻辣湯(六款餸＋主食) $58 🥵
雖然嗌咗BB辣，不過湯底都好濃麻辣味，香麻辛辣齊晒。呢個價錢食到呢個質素，已經好滿足。配菜叫咗鴨血、響鈴、豆卜、雞翼、肥牛，配火鍋麵，火鍋麵麵質比公仔麵煙靭同寬。個人推薦揀選比較索湯嘅配料，例如豆卜同埋響鈴食落去啖啖麻辣咇出嚟好過癮。
味道：7.8/10
➡️ 爆醬紅糖糍粑$26 💥💥💥
實不相瞞，呢個係小編中菜入面數一數二鍾意嘅小食／甜品。$26咁多嚿，小編已經想俾高分。佢嘅味道亦唔差，新鮮炸起，熱辣辣脆卜卜，入面糍粑亦好煙靭，最重要係啲紅糖真係爆出嚟，差啲熱死小編。
味道：8.6/10
➡️ 蒜泥白肉$24 🐖
唔知係咪食開某哥米線啲蒜泥白肉，覺得蒜泥白肉就係蒜加辣油，冇乜特別。但呢間啲蒜泥白肉真係好惹味，海量蒜蓉之外，醬油、辣味同麻香都好勁。就咁食可能會覺太重口味，但配麵又啱啱好。
味道：8.4/10
➡️ 糖水（生日月份免費／配餐加$15起／單點＄20）
1. 奶蓋紅糖桃膠（＋$20）🥛
2. 茉莉蜂蜜冰粉（＋$15）🍯
呢到嘅糖水都幾有特色，有桃膠、冰粉呢啲選擇，而且可以加奶蓋同唔同糖漿。桃膠口感好順滑，紅糖份量適中，唔會太甜。奶蓋偏重奶味，唔係cream cheese 嗰種。而另一個冰粉，佢本身冇乜味，全靠蜂蜜carry。但小編好鍾意佢全透明，晶凝通透，底下再加啲花乾蜂蜜，好靚好療癒。
1. 味道：8/10
2. 味道：7.8/10
➡️ 飲品（特別調配系列配餐加$20起／單點＄28）（鮮果系列配餐＋$16， 單點$20）
1. 桂花寒天綠茶（加奶蓋） （＋$25）🧋
2. 西瓜鮮果茶 （＋$16）🍉
都估唔到呢度竟然有手搖飲，而且唔係一般行貨，除咗普通黑糖珍珠鮮奶、果味綠茶，仲有特別配料，例如冰粉、桃膠、雪燕揀，甚至可以加奶蓋，中菜館嚟講真係幾多元化！另外亦有新鮮水果茶選擇，例如西瓜鮮果茶，有好清新嘅西瓜果香🍉，裡面仲有檸檬，唔會太甜，好啱夏天飲，不過就飲唔到有其他水果味。
1. 味道：7.5/10
2. 味道：7.6/10
➡️ 抵食：8.3/10 （早一日訂／生日嚟仲抵）
➡️ 服務：7.5/10
➡️ 環境：7.7/10
總評：
小編覺得呢間餐廳性價比真心幾高，五十幾蚊食到咁多餸嘅冒菜，而且味道都唔錯！如果想飲啲特別飲品，或者食糖水加十幾廿蚊就有，成餐即刻圓滿晒～
如果咁啱生日月份或者識早啲訂就唔洗講啦，仲點夠你玩。😅
烏蠅館 (九龍中心大廈) (尖沙咀)
尖沙咀亞士厘道29-39號九龍中心大廈地下G29號舖
#hkig #hkfoodie #hkfood #hkeat #香港美食 #食評 #香港食評 #香港生活 #小紅書 #香港必食 #尖沙咀 #尖沙咀美食 #紅磡美食 #黃埔 #黃埔美食 #將軍澳 #將軍澳美食 #中菜 #川菜 #冒菜 #火鍋 #粉麵 #烤魚 #麻辣 #優惠 #tsimshatsui #whampoa #sichuan #spicy #烏蠅館
張貼
