味火鍋 (雅仕洋樓)

🫕超多嘢食高質任食邊爐 $318/位🫕頭盤：芝士焗生蠔，芝士焗波士頓龍蝦花膠竹絲雞鍋時令海鮮拼盤安格斯牛肉拼盤蔬菜拼盤🔸記憶中都好耐無食過真係食得爽嘅港式邊爐，而今次推介呢間真係做到👌🏻我覺得打港式邊爐一定要有呢幾點做到：✅唔一定要任食，但要大份同抵食✅配料多啲特別嘢，唔好淨係得啲正常丸同餃✅湯底要有誠意要好飲✅飲品最好都多啲嘢揀🔸而呢間火鍋小店係做到晒嘅！等我慢慢解釋下～首先佢由頭盤嘅選擇已經好正好特別，有得食芝士焗生蠔同波士頓龍蝦喎😍唔想食仲可以揀雞煲同酸菜魚，真係應有盡有！🔸湯底有好多選擇，經典港式湯底乜都有！我呢款花膠竹絲雞真係高質，等湯滾咗先放雞落去，竹絲雞非常嫰滑👍🏻而且比起一般雞無咁肥，個湯無咁油膩，大愛！🔸然後到咗真係打邊爐嘅時間，其實佢啲拼盤食完都7,8成飽，女仔可能已經叫唔到其他嘢食😩海鮮入面大部分都非常新鮮同鮮甜，大推嘅係鮑魚同蟶子，絕對係頂級水準；而手打丸有蝦丸同墨丸，後者彈牙程度接近滿分❤️🔸牛肉拼盤係牛小排，牛肩胛，封門柳，牛板腱。牛小排夠油香，封門柳就牛味極為濃郁，全部嘅質素都係值回票價🤓🔸上面都講咗，食完拼盤之後其實都唔太食到其他嘢～配料類主要係丸，餃等等