影片
更多
2019-08-29
215 瀏覽
最近工作繁忙，煩心的瑣碎事多，所以早前同好朋友相約試呢間Fine Dining，打算一齊食餐好既，放鬆一下身心。法國料理平日食得多，法日Fusion既就真係比較少聽，俾呢間餐廳係網上面既介紹同相吸引左，決定一試。一入到去，見到既環境幾chill，燈光走溫和既昏黃路線，枱同枱之間既距離唔會太近，有足夠既私人空間，適合傾計。坐低左之後，侍應先同我地解釋返餐廳名字既含意，原來Le Rêve係法文既「夢」咁解，所以餐廳既佈置都係以「夢」為中心，留意到牆上面掛住一個個捕夢網，諗起捕夢網既由來，係北美印第安人用來「捕捉好夢，阻擋惡夢」既傳統手工藝品。確實餐廳既氣氛相當休閒安寧，令人有種置身美夢中既感覺，身心得以放鬆。Settle down之後就開始點菜，我同朋友都揀左六道菜既套餐，再加左兩杯野飲。朋友既白酒同我既Mocktail，因為我唔飲得酒，所以問左侍應有無推介既Non-alcoholic飲品，佢就請Bartender幫我調左呢杯以水果為主調既Mocktail，裡面有淡淡既菠蘿香氣，好清新。先上前菜，有一道小食同麵包。牛角包香酥可口，比平時出面bakery買到既更好食，食唔夠更可以再添。正式上
一入到去，見到既環境幾chill，燈光走溫和既昏黃路線，枱同枱之間既距離唔會太近，有足夠既私人空間，適合傾計。坐低左之後，侍應先同我地解釋返餐廳名字既含意，原來Le Rêve係法文既「夢」咁解，所以餐廳既佈置都係以「夢」為中心，留意到牆上面掛住一個個捕夢網，諗起捕夢網既由來，係北美印第安人用來「捕捉好夢，阻擋惡夢」既傳統手工藝品。
確實餐廳既氣氛相當休閒安寧，令人有種置身美夢中既感覺，身心得以放鬆。
Settle down之後就開始點菜，我同朋友都揀左六道菜既套餐，再加左兩杯野飲。
朋友既白酒同我既Mocktail，因為我唔飲得酒，所以問左侍應有無推介既Non-alcoholic飲品，佢就請Bartender幫我調左呢杯以水果為主調既Mocktail，裡面有淡淡既菠蘿香氣，好清新。
先上前菜，有一道小食同麵包。牛角包香酥可口，比平時出面bakery買到既更好食，食唔夠更可以再添。
正式上菜～
1. Pan Seared Hokkaido Scallop
用既係北海道刺身級既帶子，外面微微燒灸，裡面呈半生熟既狀態，既有炭火既香氣，又食到海鮮原汁原味既鮮甜。
本身以為旁邊既小蟹只係裝飾，原來都可以食！上面刷上左少少韓式醬汁，香脆而不硬，剛好可以一口吃下。
侍應亦特別提醒我地貝殼底下有一啲曲奇碎，亦係可以食用既。
作為第一道菜，相當開胃。
2. Surprise Dish 1類似日式料理既Omakase，由廚師決定既Surprise Dish！（會事先問定你對咩敏感／有咩唔食，所以唔洗擔心）
第一道Surprise Dish既主角係海膽，底下有牛肝菌同豆腐混合製成既慕絲，上面就鋪上左金魚籽同明太子，就咁食味道相當濃烈，海膽既鮮味突出。亦可以加上少少海膽殼下面既曲奇碎，會加強左個甜味，有另一番風味。
3. Surprise Dish 2第二道Surprise Dish雖然有龍蝦殼，但就同龍蝦無關（點解？下道菜分曉）。
佢係以蛋沙律為基礎，再係上面加上日本松葉蟹肉，最後綴以白桃同黑魚籽，幾種食材混合起黎，清甜開胃，估唔到相當匹配！
4. Lobster上一道菜既龍蝦原來用左係呢度，龍蝦本身肉質柔嫩，味道鮮甜，單食已經不俗。更欣賞既係佢底下有少少蕃茄醬汁同芒果肉，酸酸甜甜，連同龍蝦肉一齊食，又更加帶出度海鮮既鮮甜味。
頂層的分別係羽衣甘藍乾、連藕乾同啤梨乾。
5. Kagoshima Tenderloin/Japanese Cod Fish主菜終於上場，一個係鹿兒島既A4和牛裡脊肉，一個係日式鱈魚。
已經好耐無係香港食過咁高質既和牛，雖然係裡脊部位，但肉質非常柔嫩，仍然保留到入口綿軟既感覺。
提供左黑胡椒醬汁同鹽，可以按喜好自由選擇點邊一種黎食。
日式鱈魚非常緻滑，醬汁食到有蘋果等水果既香氣。
旁邊白色既碎碎其實係橄欖油，以分子料理既方式處理，所以先呈固體既形狀，可以沾一點配合鱈魚食用。
6. Sesame Stone靈感取自日式庭院既石頭，造型非常別緻逼真，芝麻慕絲包住冷凍既雪糕，食之前要先等一兩分鐘等裡面既雪糕軟化。
出面有一啲海綿蛋糕同竹炭曲奇碎，亦係模仿庭院既地面。
味道很不錯，可以話係視覺味覺兼具既甜點。
7. Mignardises檸檬撻同椰絲朱古力，為整餐晚飯帶來完美既句點。
總體黎講，呢度既食物質素既環境都非常合我心意，一邊慢慢食，一邊慢慢同朋友傾計，有一種法式既休閒浪漫，如在夢中，確係不負Le Rêve呢個名～
張貼
