影片
更多
2023-05-05
1594 瀏覽
【沙田區】【傑志膳房】眾所周知我係一名足球愛好者，傑志足球會喺 1931 年成立，歷史仲悠久過好多國家，本地球迷點會唔識。而近年亦都搞咗個賽馬會傑志中心嚟訓練本地球員，將足球青訓呢件事趨向更專業化。最近仲開咗間餐廳，吓？大家冇睇錯，傑志足球會喺石門開咗間營養餐廳，九月份開始試業並接受訂座。開咗一星期我就即刻同朋友去食，去到當然感受到好濃烈嘅足球氣氛，餐廳內亦都有電視不斷重播返傑志上季啲「球王片」，原來都入咗咁多波。佢個午餐有五種選擇，都係幾多道菜嘅分別，我哋兩條佬就梗係食 $168 嘅「Lunch Set A」啦，沙律、餐湯、主菜、甜品、飲品一應俱全嘛。個沙律係「有機南瓜三色藜麥沙律」，感覺清新、健康又好食，又激活到胃口喎。而餐湯個「蒜香椰菜花湯」仲正，啲椰菜花濃度十足，仲有少量嘅椰菜花可以咬到，有埋蒜香吊味，一流。主菜我揀「三色椒焗魚柳」意粉，好正，魚柳唔會有煎炸嘅油膩感，亦唔係白烚嘅淡而無味，我都算食得幾快。朋友就食「印度咖喱雞球」飯，個咖喱我有偷食，好正，唔會話好似平時我哋食開嗰啲咖喱咁油膩，而且好濃，雞球亦都相當滑，整得勁高質素。甜品係「紐約芝士蛋糕」，算正常以上，另外杯熱「咖
大家冇睇錯，傑志足球會喺石門開咗間營養餐廳，九月份開始試業並接受訂座。開咗一星期我就即刻同朋友去食，去到當然感受到好濃烈嘅足球氣氛，餐廳內亦都有電視不斷重播返傑志上季啲「球王片」，原來都入咗咁多波。
佢個午餐有五種選擇，都係幾多道菜嘅分別，我哋兩條佬就梗係食 $168 嘅「Lunch Set A」啦，沙律、餐湯、主菜、甜品、飲品一應俱全嘛。個沙律係「有機南瓜三色藜麥沙律」，感覺清新、健康又好食，又激活到胃口喎。
而餐湯個「蒜香椰菜花湯」仲正，啲椰菜花濃度十足，仲有少量嘅椰菜花可以咬到，有埋蒜香吊味，一流。主菜我揀「三色椒焗魚柳」意粉，好正，魚柳唔會有煎炸嘅油膩感，亦唔係白烚嘅淡而無味，我都算食得幾快。
朋友就食「印度咖喱雞球」飯，個咖喱我有偷食，好正，唔會話好似平時我哋食開嗰啲咖喱咁油膩，而且好濃，雞球亦都相當滑，整得勁高質素。甜品係「紐約芝士蛋糕」，算正常以上，另外杯熱「咖啡」係好好飲。
我同朋友都係食咁多樣嘢，埋單都只係 $369，呢個價錢食到呢個質素嘅食物真係超值。大家都知我好少用到咁重嘅力度去讚一間餐廳，仲要係自費架喎，學柳飄飄話齋：「我真心架！」齋噏唔做民主黨，帶埋老母去二訪。
個「Lunch Set A」仲係 $168，不過我老母食 D 餐，即係得返主菜同飲品，佢話佢細食，唔食咁多。而個 menu 竟然喺每個星期轉一次嘅情況之下，喺二訪嘅時候轉返去我上次食過嗰款，即係我想試其他嘢嘅夢想破滅。
不過佢個「有機南瓜三色藜麥沙律」面頭 pat 忌廉係南瓜橙色而非紅菜頭粉紅色，味道一樣正。老母呷啖「蒜香椰菜花湯」都嘖嘖稱好，難得喎。主菜得返「意式蕃茄肉醬」扁意粉未試過，就人生中第一次完成整碟肉醬意粉。
老母就食「印度咖喱雞球」扁意粉，我食咗佢一啖雞球咁大把，然後佢係以狂風掃落葉嘅姿態完成晒碟嘢，我夠膽講今次係佢人生中食嘢最快嘅一次，簡直痴線。我食嘢都唔慢架啦，佢係快我一倍呀，我食到一半佢已經食晒。
剩返未講嘅「紐約芝士蛋糕」都冇咩好講，侍應透露下期會有多一款甜品揀，即係明恰我啫。嘢飲方面，老母都中意佢杯「熱奶茶」，而我杯「薑黃鮮奶」我覺得幾濃幾好飲，不過要受得薑黃個味至好叫，係非常濃味嘅。
呢兩次都有機會同幾風趣嘅大廚 Gary Tam 溝通，原來佢哋只會用菜油同芥花籽油，花生油嗰啲係直頭唔入貨。講到條魚，唔會煎咗先至焗而係燒熟咗再焗，就算份量大小都微調咗好多次去迎合唔同需要，夠食得嚟又要平衡價錢。
個宗旨係盡量用返天然嘅味道，例如咖喱唔係就咁落咖喱磚，而係加咗超過十種香料。入面有一半係果仁，長時間煮到佢變糊，聽講係兩日，少癲，因為運動員需要啲 nuts。而佢又可以落唔同嘅食物組合，層次變化比較多。
因為要走肥，個肉醬只用新鮮肉唔會用冰鮮肉，唔怪得咁正。而沙律上面紫色果 pat 嘢係紅菜頭，忌廉係用高壓槍打 CO2 打出嚟嘅。一千磅打入去做物理嘅化合，分子之間用空氣浪起佢。不過要加忌廉先凝固到，球員就冇份。
裡面個南瓜沙律係用低脂沙律醬，比正常少七成脂肪，要喺外國訂返嚟香港嘅，勁。運動員餐同減肥餐有不同之處，減肥餐係少糖、走糖，運動員餐係可以正常糖，監控得宜就得，球員本身都自律，只係唔想佢哋食得唔開心。
佢同營養師會合作，就住運動員需要嘅物質，喺份量上重新製作，佢哋要乜就加，唔要乜就減。作為香港第一支有嘢食嘅球隊，都無數據做比較，只能反覆實驗。篇幅有限，只能祝佢哋成功，可以幫到球會同香港嘅足球員。
成篇嘢 cut 剩呢啲，仲有好多嘢未提，其實都係建議可以帶長者去，健康餐放心食。只係會有幾級樓梯，可能訂位時要安排吓。如果行動不便，睇吓可唔可以用斜道加電梯咁上去。我私底下都推薦朋友去食，真係值得去吓嘅。。。
（地址：沙田石門安睦街 23 號賽馬會傑志中心 1 樓）
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #globaleats #tastyfood #dessert #foodpics #followforfollowback #love #eat #1am沙田區 #沙田 #石門 #傑志膳房 #thekitcheebistro #有機南瓜三色藜麥沙律 #蒜香椰菜花湯 #三色椒焗魚柳 #印度咖喱雞球 #運動員特供版 #紐約芝士蛋糕 #1am0824 #1ambackup
33 瀏覽
0 讚好
0 留言
張貼
