炙尚串燒料理 (裝修中)

【沙田區】【炙尚串燒料理】好運中心啱啱裝修好冇耐，同事們就約我去嗰邊食放題，原來開咗間日式放題我都唔知添。嚟到就知佢喺以前投注站附近，即係賭神電影裡面賭神失憶被人追殺嗰度，哈哈，可能愈講愈唔知喺邊，不過嗰度唔大唔難搵嘅。一行七個人，食 $288 嘅「午市嚐無限」，講到係「日本料理無限嘗」，講刺身先，有三文魚、油甘魚、中拖羅、希靈魚、鮑魚片、帶子、北寄貝、八爪魚、泰式生蝦、大甜蝦、阿根廷紅蝦、黃金螺、墨魚、馬刀貝、松葉蟹腿。刺身總體嘅質素都幾好，值得食。而大蝦同松葉蟹棒嘅天婦羅都好食，同事只係嫌地獄炒蜆唔夠辣，我就覺得燒牛舌幾失望吓，不過其他食物燒海蝦、蒲燒鰻魚串、網燒羊架、金菇牛肉卷、紫心番薯波波呢幾款都唔錯。最好笑係芝士燒扇貝，整定擺喺度攪到唔係隻隻都咁熱，味道可以。飲品方面，班蘭凍椰奶、繽紛水果茶、藍色夢幻都係正正常常嘅特飲。雪糕一人限一件，我食哈根大師嘅「藍莓撻雪糕批」都幾特別。埋單每位 $316，合理。。。（地址：沙田好運中心 3 樓 3107-3108 號舖）#1amfoodie #foodie #hkfoodie #thatfoodiething #hkfood #food