爆丼屋 (已搬遷) 新店位置

十二月終於迎接入冬後嘅第一個冷鋒，睇怕都有段時間唔會想食生冷野，所以琴日趁住冷鋒🥶到達前，先去食個「最後的魚生飯」～🌖制霸！鵝肝海鮮盛丼 $278鵝肝都幾大片，表面係一層薄薄焦糖脆面，外脆肉軟😋，美中不足焦糖脆面唔夠平均，未得完全包裹整件鵝肝；海鮮包括飽滿三文魚籽、甘甜海膽以及一開為二，表面略為火炙，味道清甜嘅帶子；生蛋黃滋潤飯粒，同時減低鵝肝油膩感；蛋黃上嘅魚子醬加添鹹香，令成個海鮮丼更具層次；主角以外仲有一件印有店名嘅玉子燒，啱曬打卡📸之用。🌖超份量！三重大極上丼 $3983️⃣重分別係海膽、蟹肉同吞拿魚腩。海膽清爽帶甘味；蟹肉🦀圍係碗邊，少少咁食就唔係好食得出鮮味，但將佢地集中埋一齊，一匙咁放入口又有股甜味；吞拿魚腩呈粉紅色，脂肪分佈平均，就算有蟹肉遮掩都依然大片，可以完全覆蓋丼飯，油潤得黎完全無筋，係完全無筋❗️真係非常難得‼️三款食材質素都唔錯，叫做對得住個售價，偶然對自己好啲都唔過份😬。