金金日式燒肉店

營業中

休息中

【灣仔區】【金金日式燒肉店】同真正哥喺銅鑼灣做嘢，今日就喺埋呢頭食埋飯。有時諗吓諗吓，做我哋呢行要周圍走都幾辛苦，不如食餐好啲嘅慰勞吓自己。咁就喺崇光百貨對面搵到呢間樓上日式燒肉店嚟試，我哋都係試佢哋嘅「午市燒肉定食套餐」，反正都係 share 食冇乜所謂啦。我哋試 $98 嘅「牛五花手羽雙拼燒」同 $191 嘅「澳洲 M9 和牛三品盛」兩個餐，前者兩款整得都幾好味，後者係肉眼心、翼板肉、三角肌，肉味都好濃好香，感覺好好。套餐仲每人包咗各一份野菜沙律、餐前小食、爐邊烘蛋、味噌湯同白飯，可以話係大滿足。跟餐嘅飲品方面，我飲「竹蔗馬蹄」，係果汁先生枝裝嗰隻，真正哥就加 $20 飲「Asahi 啤酒」，當然正啦。另外佢哋仲有個「超激安半價餐牌」，我哋試埋 $38 嘅「網燒可樂雞腿肉」同 $28 嘅「和風厚切玉子燒」，都好正喎，埋單 $382 嘅性價比幾高。。。（地址：銅鑼灣怡和街2-6號英光大廈3樓）@kinkinyakiniku#1amfoodie #foodie #hkfoodie #thatfoodiething #hkfood #food #instafood #yummy #foo